Aiseya 24:23 - DAWAN BÎLA AISKA

²³ Karnika sut bri Dawanka ba, witin king baku ai warkka daukbia ba ra Saion ilka ba ra, Jerusalem ra. Kati, lapta tihmia takbia bara wihta nani ba Dawan prana ba kaikbia.

Aiseya 24:23 ပူးပေါင်းရင်းမြစ်များ

Lawana Nani 97:1

¡Tasba aiska ba, liliam bas! ¡Kî dakura nani ailal ba sin lilia bas! ¡Dawan ba king sa!

Impakan Sturka 15:21

Bara Miriam witin nani ra aiwani kan: “Man nani bui Dawan ra pain kulkan lâka ra aiwans, aras nani ba, aras âiulra nani ba sin, witin kabu ra rungki tikan bara pura luan lâka aihka painkira, pranakira dauki ai nina mayunan bamna.”

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 13:10

Baha ba mita slilma nani bara slilma sirpi nani daknika kasbrika purara bâra ba ai ingnika ba sin ingbia apia; lapta ba uli balbia wal baku, tihmu tara iwbia, bara kati ai ingnika ba sin yabia apia.

Aiseya 30:26

Dawan ba ai uplika klauhanka nani raki, bara klauhanka nani ba kwala ni wilkan kabia. Baku bamna kati ba lapta baku ingni kabia, bara lapta ingnika ba kau aima 7 kau ingni kabia, lapta asla 7 kumi ra ingwi ba ingnika baku kabia.

Aiseya 33:17

Man namkra nani king ba kaikbia, witin ai prana ra iwi ba; namkra nani baha tasbaya laihura ba kaikbia.

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 52:7

Kaiks nahki pranakira ba, baha mina nani il nani purak lilia sturka nani brih aula ba, baha kupia kumi sturka maisa paki ba, baha sturi yamni brih aula ba, bara swaki sakan sturka ba maisam paki ba, bara witin nani Saion ra wisa: “¡Man Gâdkam ba king sa!”

Aiseya 60:1

¡Jerusalem, bus! ¡Ingwi bas! Ingnikam pat balan; Dawan prana ba man puramra pat baiwan bamna.

Aiseya 60:19

“Kakna ra lapta ingnika kli want apia kama, kati wina sin ai ingnika tihmia ra want apia kama. Yang, Dawan, man ingnikam kamna, man Gâdkam ba, man pramna ban kaia ra, yang ingnikam kamni.

Aiseya 60:20

Yuam ingnika ba kli dimbia apia, ban kaia ra; kati ai ingnika sin ingwi ban kabia; kan yang, Dawan ba, man ingnikam ban kaia ra ban kamna; sarkam yua ba sut lui wabia.

Isikiel 48:35

Kutbanka yahpika aiska ba 10,080 yar bara tawanka nina ba mawan tani ra nina ba mâkan: ‘Dawan ba nâra sa.’ ”

Daniel 7:18

Sakuna baha ningkara, king lâka Gâd Laih Purara iwi ba uplika nani mihta ra mangkan kabia, bara ai dukia kabia ban kaia ra.’

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Joel 2:31

Dawan yua tara sibrinkira aula ba, kau balras ba kainara lapta ingnika ba tihmia tara man takbia, bara kati ba sin, pauni tala baku takbia.”

Joel 3:15

Lapta bara kati sin, tihmia tara pali takuya, slilma nani ingnika ba sin tiwuya.

Abdías 1:21

Baha nani sut pura lui buaia karnika ba wal, bal Saion ilka ra uli wabia Isau ilka nani tasbaya lâka daukaia. Bara Dawan lika baha nani kingka aimaki kabia.

Sakaraya 14:6

Baha yua ra kauhla wan daukbia apia, lî klaswan sin âpu kabia.

Sakaraya 14:7

Baha yua ba aihka pali kabia, Dawan baman baha tânka kaikisa. Baha piua ra kakna wih tihmia wal aihka aihka apia, kumi ra kabia, kan ingni ba tihmia ra ban ingwi kabia.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 24:29

“Baha pât wahwan yua nani lubia wal baku, yu lapta ba tihmu takbia, kati ba ai ingnika yabia apia, slilma nani ba kasbrika purara ba wina kauhbia, kasbrika ba purara karnika nani sin nikban kabia.

Matiu 6:10

Man king aimakaia ba yarka balbia. Man kupiam lâka tasba ra daukan kabia, kasbrika purara dauki ba baku.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Hibru Nani 12:22

Sakuna, man nani lika Saion ilka ra bara Gâd rayakira tawanka ba lama kat sin balram sa, tânka ba lika, kasbrika purara Jerusalemka ra, bahara insal nani tausin ailal ba ra sin.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 14:1

Baha ningkara yang kaikri, bara Sîp Luhpia ba Saion ilka ra bûi kan. Witinka wal upla 144,000 bâra kan, bara baha nani ai lal purara Sîp Luhpia nina ba bara ai Aisika nina ba sin ulbi bri kata.

Param Marikanka 19:4

Bara almuk nani 24 ba bara diara rayakira walhwal ba sin, tasba kat kauhi, Gâd witinka king iwaika ra iwi ba ra ai pura suni mayuni, naku aisan: “¡Baku kabia! ¡Dawan nina ba mayunan kabia!”

Param Marikanka 19:6

Upla ailal bîla baikra baku sin walri, lî aubra binka baku, alwani nani karna binka baku sin. Baha nani naku aisi kan: “¡Dawan nina mayunan kabia! Kan Dawan ba wihta aimakaia lâka ba bukan sa, wan Gâdka karnika sut bri ba.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.

Param Marikanka 22:5

Bahara tihmia âpu kabia, bara bahara iwi nani ba lamp ingnika, yu lapta ingnika sin luha kabia apia, kan Dawan Gâd mita witin nani ra ingni yabia, bara witin nani king aimaki kabia ban kaia ra ban.