Aiseya 24:18 - DAWAN BÎLA AISKA

¹⁸ Upla âikra wina swak takbia ba unta kum ra kauhbia, unta wina bal takbia ba mina alkaika ba ra alki priskan kabia. Pura wina windar nani ba kwâkan kabia, lisamra tara bal tasba ba nikban kabia.

Aiseya 24:18 ပူးပေါင်းရင်းမြစ်များ

Blasi Sturka 19:24

Bara Dawan mita Sodoma bara Gomora wal purara kasbrika pura wina sulpa pauta klauhan wal yakaban;

Blasi Sturka 7:11

Baha sika kati wâl aimakan yua ba, lapta yua 17 aimakan ra. Baha piua ra Noa 600 mani bri kan. Baha yua ra tihuka tara nani sut bâra ba, lî kârma nani sut sin baiwan. Kasbrika purara lî watla nani ba sut kwawan,

2 King Nani 7:2

King hilpika ba bui prapit ra win: —Ban sakuna, Dawan kasbrika pura windarka nani ba kwâkbia sin, baku takbia apia man wiram ba baku. Sakuna Ilaidsa pana win: —Bamna man pali namkra ni kaikma ba ra, man baha wina sip pima apia.

Job 20:24

Ayan aiklabaia dukia ba wina swak takbia kaka, bras trisbaika ni bliki alkbia.

Lawana Nani 18:15

Kabu tihuka ra diara nani bâra ba, param takan; tasba bapan playka nani param sakan kan, Dawan bui lawi dauki aisin bîla ba mita, ai wingka puhbra karna puhban ba mita.

Lawana Nani 18:7

Bara tasba nikbanka tara kum takan, il nani playka ba sin nikban kata, Dawan kupia baiwanka ba mita nikban kata.

Lawana Nani 18:8

Ai kakma nani wina sin kiasma takan, ai bîla wina sin sauhki tikaia, pauta klauhan takan; ¡masku aswi nani ai bîla wina yakabi kan!

Smasmalkra 9:12

Tani wala ra, upla kumi sin ai dahra walras, ahkia pali ba ai piua kabia; baku sin inska nani ba ilis ra aimaki sip takras, bara piawira nani ba sin ai dara walras daiwan alkaika ra diman sip takras ba, baku sin upla ba bîla kaikras kan pat pât ra dimisa.

Aiseya 13:13

Baha ba mita yang kasbrika pura nani ba yabamna, bara tasba ai pliska ba wina kitban kabia, baha yua ra kupia baiwanka brimna ba ra, kupi baiwanka laptikira ba tâwan.

Aiseya 2:19

Dawan bal tasba aiska na sirang ikbia, bara walpa tara baiwanka nani ra upla nani ba dimbia, tasba untika nani ra sin; sibrinkira Dawan mawan wina yukuwbia, ai mawan ingnika ba wina sin.

Aiseya 2:21

Witin nani walpa tara baiwanka nani ra dimbia, walpa tara klukia ra, sibrin tara ba mita, Dawan mawan wina yukuwbia, ai mawan ingnika ba wina sin, witin bal tasba na sirang ikbia ba ra.

Aiseya 42:22

sakuna naha uplika nani dukia nani ba implikisa, ai mina ra taibisa, witin nani sut tasba unta ra priskan, silak watla nani ra yukuki mangki swin sa, bara upla kumi sin âpu sa, witin nani ba swaki sakaia.”

Aiseya 8:14

Bara witin ba man nani minam alkaika baku kabia; baha walpaya ra sika man nani minam prukma, baha mita Israel kingka tasbaya wâl ba batakbia; wan mina alkaika baku kabia, Jerusalem uplika nani baha kiwka ra mina alki kauhbia.

Jirimaya 48:43

Baha mita, yang, Dawan ba, kasak aisisna: Antin tatakra nani daiwan nani nina bliki baku Moab uplika nani nina bliki kabia, apia kaka unta ra kauhaia, apia kra ai mina alkaika pâtka ra dimaia.

Jirimaya 48:44

Antin tatakra nani mita alkras kabia ba unta ra kauhbia, unta wina bal takbia ba mina alkaika ra mina alkbia, Moab uplika nani ra klala yabaia piua ba yang bri balamna. Yang, Dawan, kasak aisisna.

Inanka Nani 3:47

sibrin lâka, mini pruki kauhaia dukia nani, sauhki tikanka bara aisawi luanka, ¡baha sika yang nani maipara balan!

Isikiel 11:8

¿War nani ra sîa brisma ki? Yabrika man nani puramra war balbia. Yang, Dawan, baha ba kasak mai wisni.

Isikiel 12:13

Yang iliski ba witin purara wauhi baha wal alkamni. Babilon ra brih wamni Caldea uplika nani tasbaya ra, tasba kum witin sip kaikras kabia, bara bahara witin prubia.

Isikiel 15:7

Yang param takamni, witin nani ai waihla kaia. Pauta wina swakwi takbia sin, sakuna pauta wala mita angki âpu daukan kabia, bara baha piua ra, yang, man nani waihlam kaia param takamna; man nani damra walma, yang sika Dawan sna ba.

Emus 5:18

¡Sarkam pali ai daukisa, man nani Dawan yua balka kaikan pali mai dauki ba! ¿Tânka brisma ki baha yua ra man nani ra dîa takaia ba? Baha yua ra yu ingnika ba lika lap tiwbia, tihmia tara baman kabia.

Emus 5:19

Upla kum layan kaiki sîa plapi kan, bara wingku tara wal prak prawaia ba baku kabia; upla kum ai watla ra dimi, ai mihta ni utla tnaya ra prakan ba ra, baha wina piuta taki ai mihta kat samuya ba baku kabia.