Aiseya 24:16 - DAWAN BÎLA AISKA

¹⁶ Tasba tâ wala wina aiwananka nani yawan walan: “¡Kasakkira ba mayunra kabia!” Bara yang wîri: ¡Ay, dîa kan uba umpira uba umpira sa! Upla kuninkira nani ba kunin lâka ra ai uplika ra atkisa.

Aiseya 24:16 ပူးပေါင်းရင်းမြစ်များ

Lawana Nani 106:15

Bara Gâd bui dîa makaban ba dauki yaban sakuna pruaia sikniska kum witin nani ra blikan.

Lawana Nani 119:158

Sip bapi buras sna, waihla mihta ra mamangkra nani ba mapara, baha nani man lâmka bîla nani wali daukras.

Lawana Nani 2:8

Yang ra ai makas nisan nani sut ba man prapatikam baku maikamna; ban tasba aiska pali ba, man dukiam kaia, bara yang baha nani ba maikamni.

Lawana Nani 58:10

Ani uplika nani kasak ba, pana munan ba dukiara ai lilia bribia, baku sin watawikira nani ba, tâlia ra ai mina nani ba buskbia.

Lawana Nani 65:8

Baha nani tasba laihura iwi nani ba sin man bui diara aihkakira daukram ba wali tatatwisa, man dukiamra upla nani ba, ai lilia mita ai pura winisa, lalma ba wina, laih muna tani ba kat.

Lawana Nani 67:7

¡Gâd ai yamnika ba wankbia! ¡Tasba aiska ba, witin ra kulkanka yabia!

Lawana Nani 98:3

witin ai latwanka lâka bara ai kasakka lâka ba, piu bani bri kan Israel luhpia nani ra. ¡Gâd mita pura lui ba mariki kan tasba aiska ra paski takaskan ba kat kaikan sa!

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Aiseya 10:16

Baha baku, Dawan karnika sut bri ba mita wîna karnakira nani ba karnika âpu dauki swibia, rihka ba pauta klauhi baha wîna ba ami kaia.

Aiseya 11:12

Witin nisan nani mawanra sain kum sunbia, Israel luhpia nani laihura yakaban nani ba asla daukbia, bara tasba tâ walhwal ra, Juda uplika nani yakaban ba asla daukbia.

Aiseya 17:4

Baha piua ra Sameria Jekob prana ba karnika âpu takbia, bara pâwanka tara ba âpu tiwbia.

Aiseya 21:2

Diara aihka saura karna pali kan Dawan mairikan ba pât ra dadingkra ba, upla pât dingkisa, sauhki tatikra ba sauhki tikisa. ¡Elam, bus! ¡Media uplika nani, dimi alks! ¡Brukwi ba kau walan ai daukras!

Aiseya 26:15

upla nani ba man mita ailal daukram, Dawan, man upla nani ba ailal daukram, witin nani man pramna dukiara, tasba aiska lainka nani kat man bui upla nani ba yakabi lakram.

Aiseya 28:5

Baha yua ra karnika sut bri Dawanka ba, ai uplika kau tâka swin ba kraunka pranakira aimakbia, yamni kulkan kraunka pranakira ba baku kabia;

Aiseya 33:1

¡Sasauhkra, man ra saura pali kabia, man ra lika mai sauhkras; pât ra dadingkra man ra lika pât mai dingkras! Sut sauhkma ba ra, man ra sin mai sauhkan kabia, sut pât ra lakma bara man ra sin pât ra mai lakan kabia.

Aiseya 42:10

Aiwananka raya kum Dawan ra aiwani banhs; tasba tâ wala wina aiwans witin ai mayunra ba; man nani kabu ra bâra taukisma ba sin, kabu un nani ra iwisma ba sin, daiwan nani ba sin.

Aiseya 48:8

Âu, man naha tânka kau walras kapram, man sin kau baha kakaira apia kapram; kan piu bani ra, kiamam prakan bara ilingkras bri katma. Yang kaiki katna man na kasak apia sma ba bara bîla walras lulki swiram kan ba, baha mita ninam mâkri man ba mapara babura, kau mai baikras kan ba wina.

Aiseya 52:10

Dawan ai karnika ba param ra sakan, nisan nani sut nakra ra. Bara tasba aiska ra sin yawan wan Gâdka swaki wan sakanka lâka ba kaikbia.

Aiseya 6:5

Bara yang wîri: “¡Alakai yang umpira, yang pruamna! Yang na upla kum uni nani tâski, upla una tâski nani tilara iwisna; bara yang naikra nani karnika sut bri, Dawanka ba kaikri bamna.”

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 12:6

Muihkam nani pali sin, tamya nani pali ba sin, witin nani mai atkan, man ninamra saura aisi wini banhwisa. Man lika witin nani ra kasak lukpara, bîla pain nani witin nani man ra aisabia sin.

Jirimaya 3:20

Sakuna mairin kum ai maya nakra baiki ba baku, man nani sin baku yang maipara wapni apia sma. Yang, Dawan, kasak aisisna.

Jirimaya 5:11

¡Israel Juda wal yang maipara buan! Yang, Dawan, kasak aisisna.”

Inanka Nani 1:2

Witin tihmia bani ini ban katwisa; ai nakra laya, iswi ai mawan bâk laiwisa. Ai latwankirka nani sut ba tilara, kumi sin âpu sa witin ra ai maisa nihkaia. Ai uplika pali nani sut, witin ra kunin muni lulki swin; nanara baha nani sut ai waihla baman takan.

Oseas 5:7

Witin nani lika Dawan mapara saura pali daukan, witin nani waitna wala luhpia nani baiki brisa. Witin nani saura pali daukan ba tâka mita, kati kumi bilka ra, ai tasbaya ba sut sauhkan kabia.

Oseas 6:7

“Sakuna yang upliki nani, Adam wal baku sa, lâika witin nani wal daukri ba krikan, bara maipara saura pali daukan.

Libait Lâka 26:39

Waihlam tasbaya ra saurkam nani daukram ba tâwan prui banhma, aisikam nani aikuki witin nani sin ai saurka daukan ba tâwan.

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Abakuk 1:13

Man ban sunukira pali aihwa sma ba mita, saura ba aitani kulkaia sip apia sma, baku sin watawika lâka ba aitani yamni kulkaia dukiara; ¿bamna, nahki man upla âikra nani ra kaiki diara daukras sâp sma ki? ¿Bara upla kau saura nani ba mita upla wala kau yamni nani ra rausauhki ba ra, man diara sin daukras sma ba?

Abakuk 1:3

¿Dîa kan man sari lâka bara watawika lâka nani ba sin marikisma ki? Lâ krikanka nani bara sauhki tikaia lâka nani ba kutbi kir ai brisa; tnaiya bani ra unsaban lâka bara aiklaban nani man kir sa.

Mark 13:27

Witin ai insalka nani blîkbia, bara pâsa mapa walhwal ba wina, ai uplika pliki sakan nani ba asla daukbia, tasba tnata lâs ba wina, kasbrika pura lâs tnata ba kat sin.

Apastil Nani Sturka 13:47

Naku sika Dawan ai lâka yang nani ra wan smalki wan win ba: ‘Man ba Ju apia nani ingnika wisi mai mangkri, bara naha tasba aiska ba swaki sakaia yabalka ra sin mai mangkri.’

Param Marikanka 15:3

Baha witin nani Gâd dukia dadaukra, Moses lawana aiwani nani kan, Sîp Luhpia lawana ba sin. Bara baha lika naku kata: “Dawan Gâd, karnika sut brisma ba, diara aihkakira daukram ba sut tara bara painkira pali sa. Nisan nani Kingka, yabalkam nani ba wapni bara kasakkira pali baman sa.