Aiseya 24:11 - DAWAN BÎLA AISKA

¹¹ Wain âpu ba dukiara, yabal tara nani ra upla ba inisa; liliaka nani sut ba sari takan, tasba liliaka ba sut tiwan.

Aiseya 24:11 ပူးပေါင်းရင်းမြစ်များ

Lawana Nani 144:14

Wan bîpka mairin nani ba kwihra tiwi banhwisa, bara ai luhpia nani ba, piua kau kan baikisa. Wan yabalka nani ra sibrin mita wan pura winanka âpu kabia.

Sins Lâka 31:6

Wain laya wih laya tahpla sin taiban uplika nani ra bara kupia kriwan nani ra yas dibia;

Aiseya 16:10

Bin tara bara lilia lâka nani insla bilara sâp takan kabia; kli bin bara lilia lâka âpu kabia, insla ra lawana aiwanaia ba sin âpu kabia. Kau sin wain mâ ba taki kabia apia, wain laya sakaia wisi. Bin nani ba sin danh takan.

Aiseya 32:10

Nanara sâp sma, sakuna kau piua wiria, mani kum ningkara, man nani sirang tara iwma. Kan man nani mâ nani wahbaia âpu kama, mâ nani dakban sin âpu kama.

Aiseya 32:13

Yang upliki nani tasbaya purara, kiaya bara rahra nani pâwbia, tawan tara ra, utla nani kau liliakira nani kan ba purara sin.

Aiseya 8:22

bara witin nani tasba ra kaikbia; bara kaiks pât tara, tihmia tara baman kaikbia, tihmia tara, pât wahwaia baman. Upla sut tihmia ra kabia. Pât wahwi taibi bri nani ba, swak takaia âpu kabia.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Jirimaya 14:2

“Juda sari bri inisa, tawanka tara nani sari ba mita, upla nani ba tasba kat prawisa. Jerusalem sin hilp brin dauki wini inisa.

Jirimaya 46:12

Nisan nani ba pat walan man nani swiram daukan ba, tasba bani ra inankam ba walisa; aiklaklabra nani pana pana wal prukisa, sut tasba ra kauhi karwisa.”

Jirimaya 48:33

Moab giadinka nani ra lilia lâka winanka ba kli walras sa. Wain nani apahki swin ba sut âpu takan. Wain taibaia uplika nani sin âpu, lilia aiwananka nani sin aiwanras.

Oseas 7:14

witin nani ai krikrika ra aitniki karna winisa sakuna, ai lukanka pali wina yang ra ai pura sunras. Witin nani plawar, wain briaia dukiara ai pura suni ba ra, ai lukanka ra insauhkisa; ¡sakuna witin nani, yang maipara buan!

Joel 1:12

Wain nasla ra, wain kiwka nani ba sut lâwan, bara kwah damni dusa nani sin sut pruan. Drap nani, supa sâtka dusa nani ba sin lâwan, mâ damni saki dusa nani sut sin, bara dus mâ sâtka wala nani insla ra bâra kan ba lâwan sa. ¡Bara baku sin upla nani liliaka ba sut srawi lui âpu takan sa!

Joel 1:15

¡Dawan ai warkka daukaia yua ba, pat baila pali sa! ¡Yua saura pali kabia, sauhki tikanka tara kabia upla nani purara, Dawan karnika tara bri ba mita baha ba brih aula bamna!

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.