Aiseya 23:6 - DAWAN BÎLA AISKA

⁶ Witin nani wibia: “Man nani Tarsis ra lui was; puram mata ini yauhs, kabu un ra iwi uplika nani.”

Aiseya 23:6 ပူးပေါင်းရင်းမြစ်များ

Aiseya 16:7

Baha mita, Moab ai uplika nani pura mata inbia; man nani mamna lulkanka tara brima, kupiam kriwanka nani sin, Quir-haréset waitnika nani dukiara kupiam krauki luki kama.

Aiseya 21:15

Kan witin nani sord malika wina plapisa, sord napa mala daukan ba wina, pantamangka lulkaia aubi ba kaina wina, war aiklabi aula ba mawan wina sin.

Aiseya 23:10

Tarsis uplika nani, tasba ra saumuk mangkaia warkka dauks, duri tara papaskra nani ba danh âpu sa.

Aiseya 23:12

Witin Sidón ra win: “Lilia lâka ba swis, taibi saura mai munan tiarika sma ba. Chipre kat lui wama sin sakuna, bahara sin ris brima apia.”

Jirimaya 10:9

Aidulka nani silbarka ba Tarsis wina bri balan, gulka nani ba sin Ufaz wina bri balan; diara lilka karbi slilki dauki paski uplika nani paskan ba bara kwala balianta pauni ni prâka sipisa, baha sut ba âuya mâira diara paski uplika nani ba paskan.

Isikiel 27:35

Kabu un ra tawanka uplika nani sut ba, tâ iwan man dukiamra; kingka nani ba sirang iwan sa, sirang iwan ba mawanra kaikisma.

Jona 1:3

Sakuna Jona Dawan bîla wali daukaia kata ba swin bara plapaia wisi Jope wâpka ra wan. Baha piua ra duri tara kum ridi pali kan Tarsis ra waia, bara ai pâska aibapi aimakan.