Aiseya 22:4 - DAWAN BÎLA AISKA

⁴ Baha mita yang wîri: Man nani ai swis, inanka tahplira ba inamni, maisi nihkaia wisi ai aisapara, tawanki luhpia mairin nani sauhki tikanka saura ba wina.

Aiseya 22:4 ပူးပေါင်းရင်းမြစ်များ

Ester 4:1

Bara Mardoqueo ba naha diara nani sut takan na walan ningkara, ai kwalka kalkan bara sari kwalka kusni diman; baha wina yamhpus ai lal ra yakaban, bara tawan aiska bâk wapi wini taukan.

Lawana Nani 77:2

Ani piua ra, yang sari sna ba ra Dawan ra plikisni, bara sin mihti nani ba takaskras buki puri sunisna tihmia ra kan yang sulki ba, sip maisa nihkra sakras sna bamna.

Aiseya 15:3

Upla ba tawan yabalka tara bâk auya sa, kwala siksa dimi; utla bahna ra uli, ai bîla karna wini inisa uba latwan ba mita, tawan bilara asla taki pliska ba ra upla sut inisa, ai nakra laya nani uba sakisa.

Aiseya 33:7

¡Kaiks witin nani kupia karnira nani ba, ai bîla baikra latara karna wini aisi ba, kupia kumi lâka daukaia, bîla twatwilkra nani ba tahpla pali inbia!

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jirimaya 31:15

Dawan ba wisa: “Bîla baikra kum walisa Ramá ra, upla kum inisa sari pali. Baha Raquel inisa, ai luhpia nani dukiara, maisa nihkaia brin daukras, kan pat prui banhwan bamna.”

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Jirimaya 6:26

¡Yang upliki nani, krukus prâka dimi sari tukinka ba; yamhpus ra aikarwi bas, kwala siksa dimi sari pali bri ini bas, luhpiam waitna kumi baman bri kapram pruan baku; kan wan sauhki tikaia uplika ba pat pali yawan ra balbia bamna!

Jirimaya 8:18

Sairka na tikaia saika âpu sa, kupi lukanka na daswuya sa.

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Jirimaya 9:18

¡Âu, wis witin nani pat pali balaia bara yawan wan pura mata inbia; wan nakra nani laya man banhbia, inan man wan nakra taya nani sut buswan pali takbia!

Inanka Nani 2:11

Inan mita naikra nani ba swapni takisa, bara laima dusa bîla sut baiwaisa; kupi ba sari mita pura lui laiwisa, yang upliki nani tawanka tara sauhki tikan ba kaikisna ba ra, tuktan nani sirpi tiala di nani sin, tawan yabalka nani ra plun bla kauhi pruisa.

Isikiel 21:11

lipni daukanka sa ai mihta ra bri kaia. Sord ba mala sa, bara lipni daukan sa, upla âikra mihta ra mangkaia.

Isikiel 27:31

Man dukiamra ai tâwa ba irbia, upla pruan sarka kwalka dimbia, bara kupia wirha tara pali wal inbia.

Miqueas 1:8

Baha mita kupi wirha bara sarikira ini kamna; sûs sin âpu, kwala sin dimras watauki kamna; yul wail talia daiwra ba baku ini kamna, daiwan tnawira yahpa tara luhpia baku sin ini tauki kamna.

Matiu 2:18

“Ramá ra bîla baikra kum walata, inanka nani bara sarka tara nani ba sin; baha ba Raquel ai luhpia nani pura mata ini kan, upla bui ai maisa nihkaia want apia kan, kan pat sut pruan kan bamna.”

Matiu 26:75

Bâra mika Jisas win ba ai kupia tanh krawan: ‘Kau kalila aiwanras kaka, aima yumhpa yang ra ai kaikras wima.’ Bara Pita baha wina taki, sari pali inan.

Luk 19:41

Witin pat Jerusalem lamara balan, bamna tawanka ba kaiki, Jisas baha pura mata ini,