Aiseya 22:18 - DAWAN BÎLA AISKA

¹⁸ Bâl lulkan karwi ba baku mai karbia, kuntri kau tara ra mai lulkbia. Man bahara pruma, war waginkam nani man pramna brisma ba sin bahara takaskbia; man Dawankam watla ba mawanra swira takma.

Aiseya 22:18 ပူးပေါင်းရင်းမြစ်များ

Job 18:18

Ingni ba wina tihmia tara nani ra lulkan kabia, naha tasba wina sin kangbi sakan kabia.

Lawana Nani 52:5

ban sakuna, Dawan ba pana man ra mai sauhki tikbia ban kaia ra; man wamtla ba wina mai brih latara mai sâkbia; bara rayakam ba sin sakan kabia.

Aiseya 17:13

Sakuna Gâd mita witin nani ra lawi daukbia, bara witin nani laihura plapbia, munka plapbia, kapan taya nani pâsa ra pâli ba baku, pukpuka nani prari bri pâli ba baku sin.

Aiseya 22:17

Nanara kaiks, Dawan naha wina laihura mai lulkbia, waitna karna kum dauki ba baku. Ai karnika ni mai alkbia.

Emus 7:17

Man baku wisma bamna, Dawan naku man ra aisisa: ‘Man mayam ba tawan yabalka bilara wapi ur taki tauki kabia, luhpiam nani ba aiklabaia sordka ni ikan kabia, tasbayam na sin idan nani bal ai tasbaya kulki bribia, man wînam tara sin upla wala nani tâski kulkan nani ba tasbaya ra pruma, bara Israel luhpia nani ai tasbaya ba wina laihura priski brih wan kabia.’