Aiseya 21:10 - DAWAN BÎLA AISKA

¹⁰ Yang upliki nani, plawar ai mina ra taibi baku sma, karnika sut bri ba, dîa aisin walisna ba yang maisam pakisna.

Aiseya 21:10 ပူးပေါင်းရင်းမြစ်များ

1 King Nani 22:14

Bara Micaías pana win: —¡Dawan nina mâki swer takisna, Dawan dîa ai wibia ba baha aisamna!

2 King Nani 13:7

Bara Joacaz aiklaklabrika nani waitna 50 baman takaskan kata, baku sin aiklabaia waginka nani matawalsip bara waitna nani 10,000 ai mina wapi aiklabi, kan Siria kingka ba bui aiska sut iki tikan bara yamhpus baman daukan kata.

Aiseya 28:28

Plawar ba taya sakisa, sakuna takaskras taya saki kabia apia; ai karitika wilwaika ba ni mâ ba akbras, taya sakaika napa ba ni sin mâ ba krikras.

Jirimaya 23:28

¡Prapit kum yaprisauhkan kaikan kaka witin param wiaia sa: ‘Yaprisauhkan kaikri’, sakuna prapitka ba yang aisari walan kaka baha witin kasakka lâka kat aisaia sa! Sakuna plawar ba taya ba wal bâra kaia apia sa. Yang aisisna bîla ba pauta klauhan baku sa, amar baku sa walpa tara ba yuya man krikisa. Yang, Dawan, kasak aisisna.

Jirimaya 51:33

Dawan karnika sut bri ba, Israel Gâdka ba, aisisa: “¡Babilon ba pat pali plun mâ nani dâki wan mina ra taibi taya saki ba baku kabia, man nani bri ba krikaia piua ba aula!”

Isikiel 40:4

Bara baha waitnika ai win: “Aman kaiks bara tânkira wals; aman pali kaiki bas diara sut mamrikaisna nani ba, Gâd mai brih balan sa yang diara na mamrikaia. Ningkara, dîa kaikma ba sut Israel luhpia nani ra wima.”

Emus 3:8

Layan ba ihbisa kaka, ¿ya lika sibrin daukras sa ki? ¿Ya Dawan nina brih aisaras sa ki, witinka adar yabi kaka?

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Abakuk 3:12

Man lawankam tilara tasba aiska ra plapi taukisma, kupiam baiwanka ra nisan nani sut minam munhtara taibisma.

Matiu 3:12

Witin ai mihta ra singbaia dukia pat ridi brisa, bamna plawar mâ ba klin dauki, taya ba sait ra sâkbia. Plawar mâ ba ai pata watla ra auhbia, sakuna taya ba pauta kum ban kaia ra dasras ba ra angkan kabia.”