Aiseya 20:6 - DAWAN BÎLA AISKA

⁶ Bukra kabu un ra iwi uplika nani ba sut baha piua ra witin nani aisabia: ‘Man nani kaiks baha waitnika ra yawan bîla kaikanka bri kata ba; witin dîa kat bal takaskan ba, yawan bui witin ra plapi hilp makabi kata ba, Asiria kingka mihta wina pri wan sakaia dukiara. ¿Nanara yawan nahki swak takaia?’ ”

Aiseya 20:6 ပူးပေါင်းရင်းမြစ်များ

Job 22:30

Witin swaki mai sâkbia, man ba pâtkas sma kaka, saurka wina sunu sma kaka.

Job 6:20

Sakuna witin nani baha kat wan, bara kaiki muni sari takan; bîla kaiki kata ba kat sari lâka ra takaskan.

Aiseya 10:3

¿Dîa daukma man nani baha yua ra, diara daukram nani ba sut makabi walbia kaka, bara kaikma klala ba laih wina aula ba ra? ¿Yaura wama hilp makabaia? ¿Anira dukiam kukan ba swima ki?

Aiseya 28:17

Baha watla mâkaia lâka ba ni kulki kaikaia kiwka daukamni, watla mâkaia ba wapni mâkaia sakaia dukiara.” Kunin aisaia lâka ra, man nani yukuwaika wantka briram ba baha slingbamni, lî klaswan awi ba bara lî aubra mita yukuwaika watla ba aubi brih wabia.

Jirimaya 30:1

Naha bîla nani sika Dawan Jirimaya ra aisin ba, witin ra win:

Jirimaya 30:7

¡Trabil saura piua kum baila aula, baha yua pâtka sât kau takras! Jekob uplika nani sarka piua kum, sakuna yang bui witin nani swaki sakamna.

Jirimaya 31:1

Gâd aisisa: “Baha piua ra yang kamna Israel kiamka nani sut Dawanka, bara witin nani ba yang upliki.”

Jirimaya 4:30

Bara man, tawan kau aisawan ra sma ba, ¿dîa muni kwala balianta ba dimisma? ¿Dîa muni gul dukia nani ba ni pramna daukisna? ¿Dîa muni namkra taya nani ba siksa daukisma? Bahki baman pramna daukisma, kan latwan kaiki kapram nani ba mai lulki swin ba, nanara mai ikaia mai plikisa.

Jirimaya 47:4

Filisteo nani ba âpu daukaia aikan bamna, witin nani Tiro, Sidón wina dakbi sakaia hilpka nani briaia ba takaskbia.” Âu, filisteo nani ba Dawan mita sauhkbia, witin nani Creta wina balan ba.

Matiu 23:33

“¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.