Aiseya 20:4 - DAWAN BÎLA AISKA

⁴ Asiria mita, Idsip uplika nani ba priski brih wabia, baku sin Etiopía wina kangbi sakan nani ba; wahma nani, almuk nani, kwala luha, ai mina man, tnata pura bikras, Idsip uplika nani ba swira daukaia dukiara.

Aiseya 20:4 ပူးပေါင်းရင်းမြစ်များ

2 Samuil 10:4

Bara Hanún adar yan, Debit wihtka tara nani ba aihni prak alkaia, bara un maya nani ba bakriki irbaia, kwalka nani ba sin kalki tnata taya kat swiaia. Ba ningkara swin wan.

1 Kronikas 19:4

Bamna Hanún lâ yan Debit uplika lalka nani ba silak ra mangkbia, bara unmaya irbia, prâka nani lilak kalkbia, ningkara swika wabia.

Aiseya 19:4

Sakuna yang mita, Idsip ra dawan kum karnika mina munhtara mangkamni, taibi mamunra kingka witin nani dawanka aimakbia.” Karnika sut bri ba Dawanka baku aisisa.

Aiseya 3:17

baha ba mita, Dawan bui Saion mairka lal tâwa nani ba kusbi sâkbia, ai swira lâka nani ba param ra sâkbia.”

Aiseya 31:2

Sakuna witin sin sinskira sa, bara klala saura nani bri balbia, bara ai bîla nani aisin ba kli lakbia apia. Witin saurakira nani ba mapara aisabia, baha nani watawika lâka dauki nani bara hilp muni nani ba mapara sin.

Aiseya 31:3

Idsip uplika nani ba upla sa, gâd apia, ai araska nani ba spirit apia, wîna nani sa; baku bamna Dawan ai mihta sakbia klala yabaia, bara kan kakahbra nani baku sin ai kan kahbi uplika nani sin kauhbia; sim piua ra sut prui tiwbia, sut dring prubia kumi baku.

Aiseya 47:2

Plawar mâ taya sakaia walpaya ba bris, bara plawar sakaia wauhs; lamla mangkaika ba daiki sâks, prâmka wâika ba alki buks, kuhmam susu taks, awala nani ba wapi lui was;

Aiseya 47:3

yabrika wînam ba kwala luha kaprika mai kaikbia, âu, dîa susu pali kama, kan pana mana aibapaia daukamni bara upla kumi sin ai takaskbia apia.”

Jirimaya 13:22

Bara man makabi walma kaka, tânka briaia sma kau diara saura pali daukram ba tâka mita sika; ¡baha mita witin nani susu mai dauki bara saura mai munan!

Jirimaya 13:26

Yang sin sut susu mai daukaisna upla mawanra mai swiaisna swiram takaia.

Jirimaya 46:19

Idsip uplika nani, ridi taks, mai priski mai brih waia aula ba, Menfis ba bîla man dauki swibia, slingban upla bâra iwbia apia.

Jirimaya 46:26

Nabucodonosor, Babilon kingka upla âikra witin nani ai waihla ba mihta ra, ai uplika mihta ra sin mangkamna. Sakuna baha piua ba bal lui wabia ba ra, blasi upla nani Idsip ra iwi kan ba baku kli iwi kabia. Yang, Dawan, kasak aisisna.

Isikiel 30:18

Yang bui Idsip karnika ba sauhkamna ba ra, ai karnika dukiara aimayuni ba danh daukamna ba ra, lapta ba tihmu takbia Tafnes ra; kasbrika kum Idsip pura bikbia, bara ai tawanka uplika nani ba silak ra brih wabia.

Emus 9:7

Dawan bui Israel luhpia nani ra aisisa: “Etiopía uplika nani ba, man nani wal, yang maipara upla sâtka kumi banhwisma. Israel luhpia nani, Idsip tasbaya ba wina yang saki bri balri ba baku, filisteo uplika nani sin, Creta wina yang saki bri balri, baku sin Siria uplika nani ba, Quir wina yang saki bri balri.”

Miqueas 1:11

¡Safir tawanka uplika nani, man nani kwala âpu, swira lâka ba wal, kangbi mai sakan tasbaya ra taki was! ¡Zaanán tawanka ra iwi uplika nani ba, baha wina bal takaia lukbiara! ¡Bet-ésel uplika nani sari ini banhwisa, bamna man nani ra sip tâm baikbia apia!

Nahum 3:10

Ban sakuna, baha karnika sut bri kan ba wal Tebas ba ban priski alki, alba takaia brih wan; tawan yabalka tara nani un ra ai luhpia nani ba, lulki sabi iki kan; tâ uplika tara nani kan ba yaura swiaia sapa kaikaia dukiara, ai tilara lat lulki kaikan, bara alki priski brih wan nani ba sut ra silak ra mangki swin.

Sofonías 2:12

¡Etiopía uplika, man nani sin, Dawan sordka ra pruma!

Param Marikanka 3:18

Baha mita, man ra mai smalki mai wisni, yang wina gul pauta ra pain pali slilkan ba atkma, bara baha mita kasak pali yuyakira kama. Yang wina sin kwala pihni atks, bara wînam kwala âpu swiram kira ba dimaia. Yang wina sin wan nakra saika atks, bara namkra diara kaikaia sip kama.