Aiseya 20:2 - DAWAN BÎLA AISKA

² Baha piua ra Dawan, Emus luhpia Aiseya wal aisi, win: “Man krukus kwalka dimisma ba daiks, minam ra sûskam ba sin.” Bara Aiseya baku daukan, ai prâka tara ba daiki ai mina man tauki kan.

Aiseya 20:2 ပူးပေါင်းရင်းမြစ်များ

2 Samuil 15:30

Debit lika Olivet ilka albangkika bâk ai mina baman ini uli wan, sari tukinka ai lal purara praki. Upla nani sut witin wal auya kan ba sin, ai lal pura praki ini uli wan.

2 Samuil 6:20

Debit sin ai watla ra kli tawi wan, ai taya nani ra yamni munaia. Sakuna Mical, Saúl luhpia mairin ba bal takan, witin wal prawaia, bara naku win: —¡Israel kingka na, naiwa witin ai nina tara pali sauhkan! ¡Ai dukia dadaukra albika mairin nani mawanra, upla bahki ai swirkas tara kum baku takan!

2 King Nani 1:8

—Waitna kum prâk tamayira dimi kan, bara ai maisa ra daiwan taya kum wilki kan —witin nani baku win. —¡Alai, baha ba Ilayas Tisbé wina sa! —king ba win.

Lawana Nani 30:11

Inanki nani ba, lilia pulan ra laki aikram; sari prâka dimi katma ba saki, lilia prâka ni ai dingkram.

Impakan Sturka 3:5

Bara Dawan bui Moses ra aisin: —Kau laimara balpara. Sûskam ba minam wina sâks, tasbaya minam taibi sma ba sunu sa bamna.

Aiseya 1:1

Dahra aisaia bîla nani ba, Aiseya, Emus luhpia ba ra param marikan kaikan, Juda, Jerusalem wal dukiara; Ozías, Jotam, Ahaz, Ezequías Juda kingka aimaki kan ba yua nani ra.

Aiseya 13:1

Babilon, dukiara, mapara dahra aisinka bîla nani, Aiseya, Emus luhpia ra param marikan ba:

Aiseya 37:2

Bara Eliaquim king watla ra diara nani pura kakaira ba, sturi âiulbra Sebná ba bara prîs kau almuk nani daknika ba sut kira kwala siksa nani dimi bara prapit Aiseya, Emus lupia ra blikan wan,

Jirimaya 48:37

Tâwa nani sut irban, unmaya sin klakan; mihta nani ba sut insauhkan bara krukus prâka nani dimisa.

Isikiel 24:17

Yukuwan ra sari taks, kwala siksa dimpara. Upla pruan nani pura mata dauki ba baku daukpara. Lamla srukras bara sûs sin âpu taukpara; mamwan sin bikpara sari sma wisi, plun sin pipara baha piua ra pi pata ba.”

Isikiel 24:23

Witin nani ai lal pura bikaika ba, sûs âpu sip tauki kabia apia. Iwras sari briras kabia apia. Witin nani ai karnika âpu takbia watawika lâka pâtka ba mita, bara ai walka nani aikuki ini banhbia.

Isikiel 4:1

“Man, upla luhpia, slaubla ni blok paskan ba kum bris, bara baha purara Jerusalem lilka dauks.

Isikiel 4:5

yu 390, wibia kaka, Israel saura daukan ba, yu kum ba mani kum sa.

Miqueas 1:11

¡Safir tawanka uplika nani, man nani kwala âpu, swira lâka ba wal, kangbi mai sakan tasbaya ra taki was! ¡Zaanán tawanka ra iwi uplika nani ba, baha wina bal takaia lukbiara! ¡Bet-ésel uplika nani sari ini banhwisa, bamna man nani ra sip tâm baikbia apia!

Miqueas 1:8

Baha mita kupi wirha bara sarikira ini kamna; sûs sin âpu, kwala sin dimras watauki kamna; yul wail talia daiwra ba baku ini kamna, daiwan tnawira yahpa tara luhpia baku sin ini tauki kamna.

Sakaraya 13:4

Baha piua ra, prapit nani, witin nani diara kaikan wisi aisaia ai swira bri kabia. Upla kumi sin upla ra kunin munbia apia, prapit nani daiwan taya prâka dimi ba prâka ba dimbia apia;

Matiu 16:24

Bara Jisas ai disaipilka nani ra win: —Ya yang nini blikan dauki kaka, witin ai wîna ba kulkaia apia sa, bara ai dusa prihni ba brih, nini blîkbia.

Matiu 3:4

Jan prâka ba kiamil tâwa ni daukan kan, ai maisa wila ba lika daiwan taya ni paskan kan, ai pata ba lika tristrisia nani bara unta wina nasma laya.

Jan 21:7

Baha disaipilka Jisas mita latwan kaiki kan ba Saiman Pita ra win: —¡Naha na Dawan sa! Saiman Pita lika baha ba Dawan sa win walan ba ra, witin kwala brih ai taya prakan (kan witin ai taya man kan), bamna liura pâli dimwan.

Apastil Nani Sturka 19:16

Pirit saura bri kan waitnika bui witin nani ra pâli alkan, bara ai karnika aiska ni dingki alkan. Bara ban baha nani pura luan, saura pali sin munan, bamna utla ba wina kwala sin âpu kasak insauhkan kira ban taki plapi banhwan.

Apastil Nani Sturka 21:11

Witin ba yang nani ai kaikaia balan. Bara Pal maisa wila ba brih, ai mina nani bara ai mihta nani sin priski, naku aisin: —Spirit Holikira bila, Jerusalem ra Ju nani naha maisa wila dawanka ra naku priski, Ju apia nani mihta ra mangkan kabia.

Jasua 5:15

Bara Dawan daknika aiklaklabra nani pura wihtka ba bila witin ra win: —Sûskam ba daiks, baha tasbaya ra buisma ba holi sa bamna. Bara Jasua dîa win ba kat daukan.

Param Marikanka 11:3

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”

1 Samuil 19:24

Ba purkara witin ai kwalka nani sut daikan, kwala luha, spirit diman Samuil mawanra dahra aisi kan, yu aiska bara tihmia sin. Baha wina sika aisinka ba bal takan: “¿Saúl sin prapit kumi sa ki?”