Aiseya 2:2 - DAWAN BÎLA AISKA

² Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 2:2 ပူးပေါင်းရင်းမြစ်များ

Blasi Sturka 49:1

Witin ai luhpia waitna nani ba sut paiwan bara witin nani ra win: “Man nani kau laimara bal bara naika man nani ra diara takaia ba mai wimna:

Job 19:25

Yang kaikisni tâiwan aisaia uplika ba raya sa, bara witin sika naha tasba ra tâiwan aisasara kabia ba.

Lawana Nani 102:23

Yabal lila kat witin bui karniki ba sakan, witin bui rayaki ba klutka daukan.

Lawana Nani 2:8

Yang ra ai makas nisan nani sut ba man prapatikam baku maikamna; ban tasba aiska pali ba, man dukiam kaia, bara yang baha nani ba maikamni.

Lawana Nani 22:27

Nisan kiamka sât nani sut, upla nani sut tasba aiska ra iwisma ba, man nani bui Dawan ra kupiam krauki bas, man nani lika witin ra bal; ¡ai mawanra lulam kriks!

Lawana Nani 22:28

Kan Dawan sika king, bara witin sika nisan nani purara karnika alki ba.

Lawana Nani 48:2

¡Nahki painkira prana sa, Saion ilka pura ba, laih yahbra tani ra, tasba aiska liliaka sa, king tara tawanka sa!

Lawana Nani 68:17

Dawan ba, aiklabaia waginka nani milian nani brisa; Sainai wina bahara uli balan ai tempelka ra.

Lawana Nani 72:8

Kabu kum wina, kabu wala kat, bara Éufrates wina, tasba paski takaskan ba kat purara ai karnika bribia.

Lawana Nani 86:9

Man Dawan, man bui sika nisan nani sut asla paskram ba, bara witin nani ba balbia, man ninam mayunaia.

Lawana Nani 87:1

Gâd tawanka playka nani ba, Saion ilka holi ba purara bapan sa.

Lawana Nani 87:2

Jekob watla nani sut ba wal, Dawan Jerusalem ra kau latwan kaikisa.

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Aiseya 25:6

Saion ilka ra, Dawan karnika sut bri ba mita, nisan nani sut ra lilia kum daukbia, pata piaia auhni bara wain laya pain ba ridi daukisa.

Aiseya 27:13

Baha yua ra sin trumpit binka tara puhbi kabia, baha nani Asiria tasbaya ra yakaban nani ba balbia, tasbaya wina kangban Idsip ra wan nani ba sin, bara witin nani Dawan ra mayunbia, Jerusalem ra baha il holikira sa purara.

Aiseya 30:29

Sakuna man nani mampa tani lika aiwani lilia tara daukaia brima, tihmia ra Dawan liliaka tara dauki baku; kupiam lilia pali kabia plut puhbi kan Dawan ilka ra waia, Israel yukuwaika ra waia wapi ba baku.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 56:5

witin nani luhpia waitna nani ba, luhpia mairin nani ba wal, diara kum kau pain ba yang bui witin nani ra yabamna, tempelki ra witin nani nina ba klaki ulbi yabamna; kutbanki nani ba bilara bâra ban kaia; ban kaia ra nina kum witin nani ra yabamna, sip diki sakras kabia ba.

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Aiseya 60:3

Nisan nani ba ingnikam lamara balbia, king nani man ra yu baiwanka aula ba bâra balbia.

Aiseya 65:11

Sakuna Dawan wina man nani laihura dakwi takisma ba, yang ilki holikira âmya tikisma ba, Gad bara Mení ra man nani plun bara wain laya sin bri sal mayunisma, yuyaka nani dawanka ra.

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

Aiseya 66:23

Bara kati raya yua ra bani, wik bani wan ris yua ba, upla nani sut balbia ai pura sunaia yang maiwanra. Yang, Dawan, yang aisari.

Jirimaya 16:19

Dawan, yang karniki bara kaini kakahbra, yang yukuwaiki trabil brisna piua ra; nisan nani ba man ra balbia, tasba paskanka takaskan ba wina bal, bara mai wibia: “Kunin gâdka nani, diara bahki, karnika âpu nani ba baman, damiki nani ba ai dukia kukanka baku brin.

Jirimaya 23:20

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ra bara baha man nani mita luki kaikma bara man nani baha diara nani tânka brima.

Jirimaya 26:18

“Ezequías, Juda kingka kan ba yua nani ra Miqueas, Moreset wina ba Dawan nina ra aisi Juda uplika nani sut ra win: ‘Dawan, karnika sut bri ba, aisisa: Saion ba insla kum tasba baiki swin ba baku daukan kabia, Jerusalem ba slingwi aipaswanka ra takaskbia, tempel kiuhsika ba sin inma saura baman pâwi kabia.’

Jirimaya 3:17

Baha yua ra Jerusalem ba Dawan iwaika tawanka mâkan kabia; nisan nani sut ba bahara aidrubi kabia yang ra tara ai kulkaia, witin nani kau ban ai lukanka kat ai brinka karna nani ba kat luki tniwi kabia apia.

Jirimaya 30:24

Dawan kupia baiwanka ba takaskbia apia witin dîa daukaia lukan ba daukbia ba kat. Piua balbia ba ra man nani baha tânka brima.

Jirimaya 31:12

“Witin nani balbia bara lilia mita aiwani kabia Saion ilka ra, ai lilia pulan kabia Gâd yamnika ba wal: bara plawar, wain bara batana laya, bîp nani bara sîp nani sut. Kaupin pain paskan ra baku kabia bara kli ai karnika tiwbia apia pali.

Jirimaya 48:47

Sakuna baha ningkara yang kli lakamna Moab ba kli yamnika briaia; yang, Dawan, kasak aisisna.” Naha sika Dawan mita Juda mapara lâ daukan ba.

Jirimaya 49:39

Sakuna naika Elam ba kli sât wala takbia yamniki nani yabamna ba ra, Yang, Dawan, kasak aisisna.”

Jirimaya 51:44

“Bel, Babilon gâdka ba, klala yabamna, langkan yaba munrika aikabia, nisan nani witin ra kli plapbia apia. ¡Babilon kutbanka nani ba pat kauhan!

Isikiel 38:16

kira upliki Israel purara kauhma. Man, Gog, kasbrika siksa baku tasba na bikma. Baha piua nani ra yabrika tasba mapara balma, baku mika man bâk nisan wala nani ba ai dara walbia, yang sunuki lâka witin nani ra marikamna ba.

Daniel 10:14

Baku bamna balri, naika piua ra man uplikam nani ra dîa takaia tânka ba mai wiaia, kan man diara aihka kaikram ba baha piua dukiara sa.’

Daniel 2:28

Sakuna kasbrika purara Gâd kumi bâra sa, upla nani diara tânka briaia sip apia ba param sakisa, bara naika dîa takaia ba king mita man ra pat mamrikan sa, bara man yapi kapram bara yaprisauhkan ra diara aihka nani kaikram tânka. Bara nanara mai wiaisna,

Daniel 2:35

Wan nakra klipan kum baku baha ayanka, slaubla ba, bras ba, silbar bara gul ba sut yamhpus baku takan, mani piua ra plawar taya pukbi baku, pâsa mita brih wan mina taibanka yawan sip kaikras ba baku daukan. Sakuna baha walpa ni lilka paskan ra prukan walpaya ba lika, il tara kum takan tasba aiska ra.

Daniel 2:45

Baha sika tânka walpa kumi il wina ip daiwan upla kum mita sin platukbras kan karwi balan, man king tara, kaikram ba. Baha walpaya ba mita sika tasba yamhpuska baku daukan kabia, ayan, bras, slaubla, silbar, gul ba sin. Gâd tara pali mita king man ra mamrikan naika dîa takaia ba. Yaprisauhkankam ba kasak sa, ai tânka sin kasak sa.

Oseas 3:5

Baha yua nani ningkara, Israel luhpia nani ba kli tawi bal, ai Dawan Gâdka ra plikbia, bara ai kingka Debit ra sin. Baha piua nani aimaki lui kabia ba ra, witin nani bui Dawan ra ai kupia krauki tara kulkbia, diara nani yabi ba dukiara sin.

Sakaraya 14:10

Naha tasbaya aiska tasba langni takbia, Gueba wina Rimón, Jerusalem waupasa tani ba kat. Bara Jerusalem ba, purara bukan kabia baha tasbaya langnika ba Benjamín getka ba wina Walpa Kutbanka un rayka Dimaika ba kat (baha ba kan piua ra Get Almuk mâki kata ba); bara Hananel aihwakaika ba wina king batana laya taibi saki ba watla nani kat kulkisa, bahara upla nani iwi kabia.

Sakaraya 14:9

Baha yua ra, wan Dawan ba tasba aiska ra king aimakbia. Wan Dawan kumi baman kabia, ai nina sin kumi baman kabia.

Sakaraya 8:22

Jerusalem ra upla ailal nisan sât ailal pali balbia, Dawan karnika sut bri ba ra, ai pura suni yamnika ba briaia pliki.

Sakaraya 8:3

Yang kli Jerusalem ra waia sna bahara iwaia. Bara tawanki nina ba Tawan Kasakkira mâkan kabia, Dawan, karnika sut bri ba ilka nina ba Holikira mâkan kabia.

Malaquía 3:12

Nisan nani sut wibia man nani lilia pali sma, kan man tasba aihka painkira ra iwma ba dukiara. Yang, karnika sut alki brisna Dawanka ba, baku aisari.”

Kulki Kaikanka 24:14

Baku ba ra tasbayi ra kli mahka auna, sakuna kau waras sna ba ra, mai wiaia sna naha uplika nani naika dîa daukbia ba man uplikam nani ba wal.

Apastil Nani Sturka 2:17

‘Gâd bila: Tnata yua nani ra naku daukamna: Yang Spiritki ba upla bani purara laikamni, bamna luhpiam waitna nani bara luhpiam mairin nani ba sin, yang witniski aisabia; wahma nani sin diara aihka kaikbia, almuk nani lika yaprisauhkan kaikbia.

2 Timoti 3:1

Baku sin man nani tânka bri kaia sma, tnata yua nani ra piua karna nani balbia.

Hibru Nani 1:2

bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

2 Pita 3:3

Tâura naha tânka luki bas: Tnata yua lamara upla manis balbia bara diara holikira nani ba lawaska kikbia, ai brinka saura nani ba kat baman iwi kabia swira paskaia luki,

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 20:4

Bara yang lika king iwaika nani kaikri, baha nani purara iwi nani kan ba sin; witin nani ba lâ daukaia karnika brin kan. Bara yang kaikri baha nani Jisas witniska taki kan bara Gâd sturka yamni ba tâwan, lal dakban sulka nani ba sin. Witin nani lika daiwan saura nani lilka ra sin ai pura suni mayunras kan, baha markka sin ai lal purara bara ai mihta ra yan mangkras kata. Yang kaikri naha nani kli raya takan, bara Kraist wal mani 1,000 king aimakan.