Aiseya 2:19 - DAWAN BÎLA AISKA

¹⁹ Dawan bal tasba aiska na sirang ikbia, bara walpa tara baiwanka nani ra upla nani ba dimbia, tasba untika nani ra sin; sibrinkira Dawan mawan wina yukuwbia, ai mawan ingnika ba wina sin.

Aiseya 2:19 ပူးပေါင်းရင်းမြစ်များ

2 Samuil 22:46

upla tringsar nani ba sibrin taki ai yukuwaika wina tatatwi bal takisa.

Job 9:6

Witin tasba nikban nani blikisa, tasba ai playka bapanka nani ba sin munan nikwisa.

Lawana Nani 7:6

¡Dawan, bus man, lawanka tara wal; waihli nani kupia baiwanka mapara taki bus! ¡Man, lâ kasak ba daukaia wiram, yang tâiwan aimaks!

Aiseya 13:13

Baha ba mita yang kasbrika pura nani ba yabamna, bara tasba ai pliska ba wina kitban kabia, baha yua ra kupia baiwanka brimna ba ra, kupi baiwanka laptikira ba tâwan.

Aiseya 2:10

Upla nani ba, walpa nani tilara dimbia, tasba untika nani ra sin; sibrinkira Dawan mawan wina yukuwi kabia, mawan ingnika ba wina sin.

Aiseya 2:21

Witin nani walpa tara baiwanka nani ra dimbia, walpa tara klukia ra, sibrin tara ba mita, Dawan mawan wina yukuwbia, ai mawan ingnika ba wina sin, witin bal tasba na sirang ikbia ba ra.

Aiseya 24:1

Man nani kaikma, Dawan mita tasba bilara diara âpu swibia, diara nani ba sauhkbia, lulki bataki swibia, upla nani ba sut plapaia.

Aiseya 24:18

Upla âikra wina swak takbia ba unta kum ra kauhbia, unta wina bal takbia ba mina alkaika ba ra alki priskan kabia. Pura wina windar nani ba kwâkan kabia, lisamra tara bal tasba ba nikban kabia.

Aiseya 24:19

Tasba aiska ba nikban kabia, tasba aiska ba baikanka sirpi ra daukan kabia.

Aiseya 30:32

Kasakka lâka dadaukra dusa prukanka kumi bani ba, Dawan mita witin nani purara prukuya ba, kungbi nani pruki, arp nani kangbi ba binka baku kabia. Dawan ba witin nani mapara karna pali aiklabia.

Aiseya 33:10

Dawan ba aisisa: “Nanara yang buamni; nanara tâinka marikamni yang kulkanka tara brisma ba.

Aiseya 7:19

Bara baha nani balbia, witin nani sut, twi saura tasbaya, il bîla nani ra takaskbia, walpa untika nani ra dimbia, kiaya dusa nani tilara daiwan lî diaika pliska nani ra sin.

Jirimaya 16:16

“Inska âialkra nani ailal balaia daukamna —yang, Dawan, kasak aisisna— Israel luhpia nani ba miski alkaia. Yang sin daukamna antin uplika nani ailal balaia, il nani ra walpa unta nani ra, kiuhsi nani ra sin antin dimi uplika nani ba sakaia.

Jirimaya 4:29

Aras ra âiulra winanka mapara bara trisba lalulkra nani winanka ra upla nani ba sut taki plapi wabia; inta wahia tilara yukuwisa, apia kaka walpa nani ra ulisa. Tawan nani ba sut lulki swin kabia; upla bâra takaski kabia apia.

Jirimaya 48:28

Moab uplika nani, tawankam nani swih plaps; butku nani baku, walpa tara nani ra iwaia was, walpa unta ra wamtla mâks.

Isikiel 33:27

“Bara sin wis: ‘Dawan ba naku wisa: Rayaki wal swer takisni, tawan sauhki tikan nani ra iwi nani ba sin ikan kabia, bara insla ra iwi nani ba yabrika takbia bara daiwan wail nani mita pibia, bara walpa tilara iwi nani ba, siknis wal prubia.

Oseas 10:8

Idan nani ai pura sunaia watla nani mâkan ba, sauhki tikbia, bahara Israel luhpia nani saura dauki kan ba. Altarka nani ba purara kiaya kiwka, kiaya dusa nani pâwbia, bara upla nani ba il tara nani ra wibia: “¡Yang nani puri biks!”, il purara pali nani ba ra wibia: “¡Man nani, yang nani purira bal kauhs!”

Miqueas 7:17

¡Witin nani piuta baku tasba pukpuka ra sambia; ai biara lama taya ra kwasi tauki daiwra nani wala baku! ¡Ai watla bilara dimi yukuwi ba wina, tatatwi takbia, kli man ra plapi balbia sibrin tara kira ni, Dawan wan Dawanka!

Nahum 3:11

Man ra sin mai munka bla takma; lamla ba sriman tara man takbia ba ra, waihlam nani aula ba mawan wina yukuwaia wisi, yukuwaia pliska ra dimi yukuwi kama.

Hageo 2:6

Pat pali yang kasbrika pura ba, kabu, tasba sut nikbamna.

Hageo 2:7

Nisan nani sut ba nikbamni, witin nani ai dukia kukan nani brih balbia, bara tempelka ba prana banhki daukbia.” Karnika sut alki bri Dawanka ba, kasak aisisa:

Luk 23:30

Baha piua ra upla nani ba il nani ra wibia: ‘¡Yang nani purira kauhs!’; il sirpi nani ra sin wibia: ‘¡Yang nani puri biks!’

2 Tesalonaika 1:9

Naha nani ba, ban kaia ra sauhki tikan pâtka wal klala yan kabia; bara Dawan mawan wina, ai prana wina bara ai karnika wina sin, laihura saki lulkan kabia,

Hibru Nani 11:38

¡Tasba na witin nani mapara aitani pain apia kata! Witin nani ba twi biarak, il nani bâk, walpa unta nani bâk, bara tasba unta nani bâk sin pirwi tauki kan.

Hibru Nani 12:26

Baha piua ra, Gâd bîla baikra ba mita tasba na yan nikwan; sakuna nanara witin naku wisa: “Kau aima kumi tasba na munrika nikbia, bara tasba na baman apia, sakuna kasbrika purara ba sin.”

Param Marikanka 11:13

Baha sim piua tasba nikban tara kum takan, bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.

Param Marikanka 11:19

Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.

Param Marikanka 16:18

Bara imyula nani, bin nani, alwani nani, tasba nikbanka tara kum sin takan. Baha tasba nikbanka karna ba sât upla nani paskan ba wina kau âpu kan; naha sika sut purkara kau saura kan ba.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Param Marikanka 9:6

Baha kati matsip nani ra upla nani ba prura plikbia, sakuna sâkbia apia; bara pruan dauki nani kabia sin, prura ba lika witin nani wina laihura takbia.

1 Samuil 13:6

Israel nanara ai dara walan witin nani ra karna pali dihbuya ba, kan filisteo nani aula witin nani ra aiklabaia, bara witin nani yukuwaia kan tasba kwalhni nani ra, tasba unta nani ra, walpa unta nani ra, tasba baikan ra, liwanhta nani ra sin.

1 Samuil 14:11

Baku aisin ba ra witin nani wâlsut filisteo nani lamara wih, witin nani ra param takan. Filisteo nani bui witin nani ra kaikan ba ra aisin: “Man nani kaiks, Hibru nani tasba unta ra dimi yukuwan kata ba, nanara taki aula.”