Aiseya 19:25 - DAWAN BÎLA AISKA

²⁵ Dawan, karnika sut bri ba witin nani ra ai yamnika yabia wibia: “Idsip ra wibia, yang upliki nani, Asiria ra, man ba yang mihti warkka nani daukri ba, bara Israel ra, man lika yang duki, man nani ra yamni mai munisna.”

Aiseya 19:25 ပူးပေါင်းရင်းမြစ်များ

Lawana Nani 100:3

Kakaira taks man nani, Dawan ba sika Gâd; witin sika wan paskan bara yang nani witin dukia sna. Yang nani, witin ai uplika sna bara sîp daknika nani sin.

Lawana Nani 115:15

¡Dawan kasbrika purara bâra ba, tasba sin Papaskra ba, man nani ra ai yamnika ba maikbia!

Lawana Nani 138:8

¡Dawan bui liliakira tnata kat brih wabia, witin ai warkka nani yang hilpki ra dauki ba mita! Dawan, man lamtwanka lâka ba ban kaia ra ban sa; ¡man mihtam daukanka nani ba ban swipara!

Aiseya 19:24

Baha piua ra Israel ba Idsip Asiria, aikuki asla taki, bara nisan nani ba sut purara yamnika bri balbia.

Aiseya 27:13

Baha yua ra sin trumpit binka tara puhbi kabia, baha nani Asiria tasbaya ra yakaban nani ba balbia, tasbaya wina kangban Idsip ra wan nani ba sin, bara witin nani Dawan ra mayunbia, Jerusalem ra baha il holikira sa purara.

Aiseya 29:23

Kan ai luhpia nani ba kaikbia yang mihti warkka ba, witin nani ai tilara daukri ba, witin nani bui yang nini ba holikira kulkan kabia, witin nani Israel Gâdka sibrinka bribia.

Aiseya 45:11

Dawan, Israel Gâdka Holikira ba, witin paskan ba aisisa: “¿Man nani bui yang ra makabi walaia sma ki luhpi nani ba dukiara, apia kaka man nani mita ai wiaia sma yang warkki nani ba nahki daukaia dukiara sin? ¿Bara yang mihti warkka nani daukaia dukiara sin?

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 60:21

“Bara man uplikam nani ba sut, kasakkira nani baman kabia, tasba na ai dukia bribia ban kaia ra; yang mita mangkri ba urhwi takisa, yang mihti warkka nani pali ba, yang maiyunaia dukiara.

Aiseya 61:9

Man nani masrakam ba, nisan nani tilara tara kulkanka bri kabia; upla sut kaikbia ba ra, pat tânka kaikbia baha uplika nani ba, Dawan mita yamni pali munan sa.

Aiseya 63:17

¿Dîa muni, Dawan, man yabalkam nani wina yang nani maiwahki kaia ai daukram, kupi nani karna daukram yang nani na mai kulkaia apia? Man albikam nani ra latwan sma ba luki lukanki na kli laks, baha kiamka nani uplikam nani ba ra luki.

Aiseya 64:8

Ban sakuna, Dawan, man sika yawan wan Aisika; yang nani na slaubla ba bara man sika wan paski wan daukram ba; ¡baku bamna yang nani sut na, man mihtam warkka nani sna!

Aiseya 65:23

Witin nani bahki ra wark takan kabia apia, ai luhpia nani sin piua kau aimakras prubia apia, kan witin nani ba, Dawan wina ai yamnika yan kiamka nani bamna, bara witin nani ai kiamka ba sut baku kabia.

Jirimaya 10:16

¡Jekob Gâdka diara sut bâra ba Papaskra sa, witin sât aihka ba! Witin mita Israel ba ai uplika nani kaia bâk sakan. Ai nina ba mâkan sa: Karnika sut bri Dawanka ba.

Jirimaya 2:7

Tasba disang ra man nani ba mai bri balri, baha mâ nani ba wina man nani pima wisi mâ kau pain ba man nani piaia. Sakuna man nani balram bara tasbaya ba watawi daukram, kuntrika ba kaikisna bara âiya warbisa, yang prapatiki ba.

Oseas 2:23

Upliki nani ba, yang yakan upliki nani kaia tasba ra swimni. Lo-ruhama ra latwan kaikamni, Lo-amí ra wimni: ‘Man nani ba yang upliki nani sma’, bara witin ai wibia: ‘¡Man ba yang Gâdki sma!’ ”

Sakaraya 8:13

Juda bara Israel luhpia nani, man nani nisan nani tilara mai lahtuban uplika nani kapram, baku sin nanara, yang bui man nani sut sma ba swaki mai saki yamni mai munan uplika nani mai daukamna. ¡Sakuna man nani si bripara! ¡Man nani karna bûi bas!”

Kulki Kaikanka 24:1

Sakuna Balaam kaikan Dawan ba aitani lukisa Israel luhpia nani ra yamni wiaia, bamna witin kli Dawan wina dahra aisaia bîla ba briras kata, tâura daukan ba baku, sakuna ai mawan upla iwras tasbaya tani ra tawi kaiki kan.

Kulki Kaikanka 6:24

“Dawan ai yamnika ba maikbia bara kainam kahbi kabia;

Kulki Kaikanka 6:27

“Bamna witin nani baku yang nini ba Israel luhpia nani purara aisabia, bara yang mita yamniki ba yamna.”

Roman 3:29

¿Dîa Gâd ba Ju nani baman Gâdka sa ki? ¿Ju apia uplika nani dukia sin apia? Latan sa nisan nani sut Gâdka sa.

Galesha 6:15

Bamna yawan Kraist Jisas wal asla kaia lâka ba brisa kaka, Aisa sainka daukan, apia kaka daukras kabia sin diara apia sa; sakuna yawan upla raya takan ba sika diara tara pali.

Epesus 1:3

Wan Dawan Jisas Kraist Aisika bara Gâd ba sin, witin ra mayunpi, kan yawan Kraist wal asla takan ba ra, witin bui Spirit yamnika sât sât ni yamni wan munan kasbrika pura tasbaya nani ra.

Epesus 2:10

Kan Gâd wan paskan; witin Kraist Jisas ra praki wan paskan, wark pain nani daukaia dukiara; diara nani sut ba kaina wina yawan wan dukiara pat ridi daukan sa.

Kli Smalkanka 32:9

Jekob uplika nani ba Dawan dukia nani sa.

Pilipai 1:6

Yang pain pali kaikisna, Gâd bui ai warkka yamni man nani ra tâ krikan ba, ban witin bui dauki kabia Jisas Kraist balbia yua kat.

1 Pita 2:10

Blasi pali man nani ba Gâd uplika nani apia katma, kuna nanara lika, witin uplika nani sma; blasi pali upla kumi sin umpira mai kaikras kan, sakuna nanara lika, Gâd mita man nani ra umpira pali mai kaikisa.