Aiseya 19:23 - DAWAN BÎLA AISKA

²³ Baha piua ra yabal tara, param kabia Idsip wina Asiria ra waia ba kat. Bara Asiria uplika nani Idsip ra wabia, bara Idsip uplika nani sin Asiria ra balbia; baku Idsip uplika nani, Asiria uplika nani aikuki Dawan warkka daukbia.

Aiseya 19:23 ပူးပေါင်းရင်းမြစ်များ

Lawana Nani 87:4

“Tawan nani ai kakaira ba, tila wina sip sna nina mâkaia Idsip, Babilon, Filistea, Tiro bara Etiopía; witin nani sut ba man wina aisubi takan.”

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 11:16

Dawan uplika kau Siria ra ba, kli tawi balbia ba ra, yabal tara ba wal prawbia, sim Israel Idsip wina takan yua ra.

Aiseya 19:24

Baha piua ra Israel ba Idsip Asiria, aikuki asla taki, bara nisan nani ba sut purara yamnika bri balbia.

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 27:13

Baha yua ra sin trumpit binka tara puhbi kabia, baha nani Asiria tasbaya ra yakaban nani ba balbia, tasbaya wina kangban Idsip ra wan nani ba sin, bara witin nani Dawan ra mayunbia, Jerusalem ra baha il holikira sa purara.

Aiseya 49:11

Bara yang ilki nani ba tilak yabal kum daukamni, yabalki tara nani ba sin langni daukan kabia.”

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 62:10

Taki was, taki was tawan latara get nani bâk, upliki nani yabalka ba pahbi sâks. Tasba unta nani yabal tara ra bâra ba, lasbi praks; walpa nani ba sin sâks, bara upla nani ra sain kum mariks.

Aiseya 66:23

Bara kati raya yua ra bani, wik bani wan ris yua ba, upla nani sut balbia ai pura sunaia yang maiwanra. Yang, Dawan, yang aisari.

Miqueas 7:12

Baha yua ra Asiria tasbaya wina ban Idsip tasbaya kat, Nilo awala wina Éufrates awala kat, kabu kum wina kabu wala kat, il nani wina il wala nani kat, baha uplika nani sut ba, Jerusalem tawanka ba kat balbia.