Aiseya 15:2 - DAWAN BÎLA AISKA

² Dibón uplika nani ba il ra uli wan tempel ra dimi inaia, Moab ra, Nebo bara Medebá pura mata inbia; ai tâwa ba irban kabia, ai unmaya sin sut irban kabia.

Aiseya 15:2 ပူးပေါင်းရင်းမြစ်များ

2 Samuil 10:4

Bara Hanún adar yan, Debit wihtka tara nani ba aihni prak alkaia, bara un maya nani ba bakriki irbaia, kwalka nani ba sin kalki tnata taya kat swiaia. Ba ningkara swin wan.

1 Kronikas 19:4

Bamna Hanún lâ yan Debit uplika lalka nani ba silak ra mangkbia, bara unmaya irbia, prâka nani lilak kalkbia, ningkara swika wabia.

Job 1:20

Bara Job ba ai kupia wirhika wal ai mina ra buan bara ai prâka kalkan, ai tâwa klakan, bara bawan mayunra lâka dauki natka ra.

Aiseya 14:31

¡Filisteo tawanka tara nani, man nani puram mata ins, sari bri ini banhs, sibrin mita tatatwi bas! Kan yahbra tani wina upla dakni tara kum kasbrika kiasma baku aula; bahara aidrubankam tara ra upla kumi sin man lamamra takaskbia apia.

Aiseya 15:3

Upla ba tawan yabalka tara bâk auya sa, kwala siksa dimi; utla bahna ra uli, ai bîla karna wini inisa uba latwan ba mita, tawan bilara asla taki pliska ba ra upla sut inisa, ai nakra laya nani uba sakisa.

Aiseya 16:12

Nahki kat Moab uplika il ra wabia sin, bara bahara swer taki makabi swapbia ba kat, nahki kat tempel ra wih ai pura sunbia ni sin, hilp kumi sin bribia apia.

Aiseya 16:7

Baha mita, Moab ai uplika nani pura mata inbia; man nani mamna lulkanka tara brima, kupiam kriwanka nani sin, Quir-haréset waitnika nani dukiara kupiam krauki luki kama.

Aiseya 22:12

Baha ba mita, karnika sut bri Dawanka ba mai paiwan naha yua ra; man nani inaia, sari briaia, tâmwa kusbaia bara sari kwalka dimaia sin.

Aiseya 3:24

Kîa yamni watlika ra bisbaya balbia; maisa wilkaika watlika ra, rup; tâwa pain pitbanka watlika ra lal ba kusban kabia; kwala pranakira ni ai maisa wilkaia watlika ra, krukus ni wilkbia, bara prana painkira kaia ba watlika ra, ayan ni mark kum pauta klauhi baku kabia.

Jirimaya 3:21

“Kiuhsi nani upla iwras baku tasbaya ba pura wina bîla baikra nani ba walisa: ‘¡Baha sika Israel luhpia nani, makabi inisa witin nani ra umpira kaikbia luki! Yabal wapni wina witin nani tnaya ra wan. Witin nani ai âuya ai tikan ai dawanka ai Gâdka ra.

Jirimaya 47:2

“Yang Dawan sna ba, naku wisni: Yahbra wina lisamra tara kum aula, awala purak laiwi ba baku; tasbaya aiska ra diara bâra ba sut lî dingkbia, tawan tara nani ba, bahara iwi nani ba sut, kuntri ra upla nani ba wini banhwisa, witin nani latwan bri alai inisa.

Jirimaya 47:5

Gaza uplika nani ai tâwa irbia, Ascalón uplika nani sip aisaras takbia. Blasi upla tarka tara nani kan ba wiria takaskan nani, ¿ahkia kat man tamya ra klaki ban kama sari brisma tukinka ba?

Jirimaya 48:1

Dawan karnika sut bri ba, Israel Gâdka, witin aisin, Moab ra diara nani takbia ba win: “¡Nebo tawanka umpira, sauhkan bâra ba! ¡Quiriataim ba alkan mâyara ikan! ¡Ai kan kahbaika pliska ba slingbi tasba kat batakan!

Jirimaya 48:18

“Dibón tawanka tara, mai kulki iwaika ba wina mâyara bal iws, tasba lâwan pali ba ra iws, kan Moab sasauhkra mampara itwi aula, wamtla karna nani ba pat slingban sa.

Jirimaya 48:31

Baha mita Moab uplika nani sut sarka bri inamni, pura mata inamna, Quir-heres uplika sarka sin inamna.

Jirimaya 48:35

Dawan ba kasak aisisa: “Moab uplika nani ba yang mita sauhkamna, idan nani ninara wih kiuhsi nani ra utla mâkisa, baha gâdka nani ra sakripais dauki kîa pain nani angki yabisa.”

Jirimaya 49:3

“¡Hesbón, mamna lulks, kan Ai ba pat slingban bamna! ¡Rabá wina mairka nani, puram mata ini banhs! ¡Man nani kwala siksa dims, lamam pruki banhs! ¡Grisi baku plapi banhs, wînam insauhki ban plapi bas! Kan gâd Milcom ba priski tasba wala ra brih auya, prîs nani sut upla tara kulkan nani ba sin.

Jirimaya 7:29

¡Jerusalem uplika nani, tâmwa ba klaki lulks! ¡Kiuhsi nani diara pâwras ba ra wih sari taki lawana aiwans! Kan Dawan uplikam nani ra ai kupia baikan sa, witin nani ba tnaya ra laki lulki swisa.

Isikiel 27:31

Man dukiamra ai tâwa ba irbia, upla pruan sarka kwalka dimbia, bara kupia wirha tara pali wal inbia.

Isikiel 30:2

“Man, upla luhpia, yang nini ra aisas bara wis: ‘Dawan ba naku wisa: Kisbram baha yua dukiara

Isikiel 7:18

Witin nani sari kwalka ni dimbia; wîna aiska tatatbi kabia bara mawan ba sin pauni takan kabia ai swira mita, bara lal tâwa ba sin kusban kabia.

Libait Lâka 13:40

“Waitna kum tâwa sut daiwan bara lal lipni takan sa kaka, witin ba klin sa.

Libait Lâka 21:5

“Tâwa ba klakan kaia apia sa, ai unamaya ba irban kaia apia sa, taya ra sin klakan âpu kaia sa,

Emus 8:10

Lilia daukaia yua nani ba, pruan nani pura mata inaia yua daukamna; bara lilia dauki aiwanaia lawana nani ba sut, bikaia pura mata inanka nani ra tawbia; man nani sut kwala siksa dimma, upla nani tâwa ba sin irbi lipni daukbia; upla ai luhpia kumi baman bri kan pruan mata ini ba baku ini yahwi kama, bara yuam tnata ba tahpla pali lui wabia.”

Kulki Kaikanka 21:28

Bamna Hesbón wina, Sihón tawanka ba, pauta klauhan kiasmika ba bal takan, Moab ra Ar tawanka nani ba âpu daukan, bara baku sin Arnón tasbaya pura nani ba.

Kulki Kaikanka 21:30

Hesbón karnika ba âpu daukan; Dibón wina Nófah kat sut sauhkan, bara pauta klauhan ami ban Medebá kat wan.”

Kulki Kaikanka 32:3

—Man nani kaiks: Atarot, Dibón, Jazer, Nimrá, Hesbón, Elalé, Sebam, Nebo bara Beor tasbaya nani na,

Kulki Kaikanka 32:38

Nebo, Baal-meón bara Sibmá tawanka nani ba kli paskan, tawanka nani tila nina ba sin nina wala mâkan, ban sin kum kum ba ai nina mangki banhwan.

Kli Smalkanka 14:1

“Man nani ba Dawan Gâd luhpia nani sma. Upla kum prubia kaka, baha dukiara lamla kusbi wînam ra klakpara.

Kli Smalkanka 34:1

Moab upla iwras tasbaya wina, Moses Nebo ilka ra ulan, baha lika Pisgá ilka Jeriko mawan kat yaba. Bahara Dawan bui Galaad tasbaya ba ban Dan tasbaya kat marikan,