Aiseya 14:32 - DAWAN BÎLA AISKA

³² ¿Baha kuntrika ra blikan uplika nani aula blikan pana dîa wibia? Dawan mita Saion ba nikbras, bûi kaia daukan, baha nani sarka pakan ba bahara bri yukuwaika ba yabia.

Aiseya 14:32 ပူးပေါင်းရင်းမြစ်များ

2 Samuil 8:10

bara witin ai luhpia Joram blikan, king Debit ra naha diara nani wal paskan dukia nani: silbar, gul, bras, baha bri si Debit ra lakula daukaia, Hadad-ézer wal war aiklabi pura luan ba dukiara.

Lawana Nani 102:16

Saion ba kli raya paskbia, bara witin ai prana ra latan bal takbia.

Lawana Nani 102:28

Nampakan nani kiamka ba ban kan suni kama, witin nani kiamka sin, man mamwanra ban bapan kabia.

Lawana Nani 48:4

King nani ba asla taki banhwisa, asla taki, witin nani mapara aula;

Lawana Nani 87:1

Gâd tawanka playka nani ba, Saion ilka holi ba purara bapan sa.

Lawana Nani 87:5

Bara Saion tawanka ba dukiara sin wibia: “Naha bara baha sin, witin nani bahara aisuban.” Laih Purara iwi ba bui aisin.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 11:4

Kasakka lâka ni swapni nani ba lâka daukbia, kuntri ra umpira nani bâra ba kan sunbia. Bîla nani witin aisi ba dus kum baku praut karna aisi nani ba ra klala yabi kabia. Ai bîla aisinka nani ba dus kum baku baha ni saura prautkira nani ba klala yabia, witin ai bîla aisi ba ni watawikira ba ikbia.

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 25:4

kan umpira nani watla man aimakram bamna, diara luha, ai sarka bri nani karnika man sma, skwal mapara yukuwaika, lapta mapara distika. Kan upla tataibra nani karnika ba, skwal kumi kauhla piua ra kutbanka kum ra platukbi ba baku sa,

Aiseya 28:16

Baha mita, Dawan ba naku wisa: “Saion ra walpa kum mangkamni, walpa kum mana tara pali bâk saki briri ba, walpa pas, sut wihtka ba, baha purara mâki kaia walpaya ba, ya witin ra kasak luki ba ai âuyapah kaia sip kabia.

Aiseya 29:19

Bâra mika bawikira nani ba ailal lilia lâka ra Dawan ra kasak lukbia, upla nani kau umpira pali ba sin Israel Gâdka Holikira ba wal lilia bribia.

Aiseya 37:32

Kan Jerusalem ra takaskan yaba sin takbia, bara Saion ilka ra sin pruras swakwan nani ba bâra kabia. Naha ba Dawan karnika sut pali bri ba latwanka lâka ba mita daukbia.

Aiseya 37:9

Ba purkara sin pat walan kan Tirhaca, Etiopía kingka ba mapara war daukaia wan kan ba. Bara witin kli tawan nani kaina aihwawakra nani ba blikan wan Ezequías ra naku wiaia:

Aiseya 39:1

Baha piua ra Merodac-baladán, Baladán luhpia waitna Babilon kingka ba, walan kan Ezequías siknis ba, sakuna pat sin rawan kan ai sikniska wina, bara wauhkataya twatwilkra tila aikuki wauhkataya ulban, bara prisantka blikan.

Aiseya 4:6

pura prakaika kum baku kabia, dista yabaia dukiara, kakna ra lapta karna mapara kan sunaia, kan kahbaika kabia, skwal tara bara lî karna auhi ba mapara.

Aiseya 44:28

Ciro ra yang wisna: ‘Man ba yang sepadki kama, man daukma yang dîa daukaia want sna ba sut’; yang bui Jerusalem ra wisna: ‘Man ba kli mai paskan kabia’; Bara tempel ra sin wisna: ‘Man ra playa tara nani kli bapbia.’ ”

Aiseya 54:11

¡Sari takan tawanka, pâsa karnikira mita sauhki tikan, upla kumi sin âpu maisa nihkaia! Yang walpayam nani ba walpa wala manakira nani purara karna daukamna, playkam nani ba sapair playka purara bapamna.

Aiseya 57:13

Man hilp want winma aidulkam nani ba mita swaki mai sakaia apia, sakuna witin nani sut ba pâsa mita bri wabia, wingka puhbanka kumi ba mita witin nani ba lap tikbia. Ban sakuna, witin nani yang ra ai lukanka mangki bri ba tasba na ai dukia bribia, bara yang ilki holikira Saion ba alki bribia.”

Isikiel 48:35

Kutbanka yahpika aiska ba 10,080 yar bara tawanka nina ba mawan tani ra nina ba mâkan: ‘Dawan ba nâra sa.’ ”

Sofonías 3:12

Upla bawikira, ai lukanka ra umpira nani ba, tilamra swimna, yang nini kat luki ai kasak lukanka ba mangki bribia.

Sakaraya 11:11

Baha yua sîp âiatkra nani ai kaiki kan ba ai dara walan, witin nani wal lâ daukan ba bahki takan, tânka brin yang dauki katna ba sika, Dawan aisi kan ba.

Sakaraya 11:7

Bara sîp nani ikaia watla ra brih waia lâ daukan ba, mahka main kaikri. Bara âiatkra nani aikuki atkaia lâka ba yang daukri. Bara dus wâl brih, nina nani ba naku mâkri: kumi ba wîri “Hilpka yabaia”, wala ba wîri “Asla kaia”.

Matiu 16:18

Bara yang mai wisna: Man ba Pita, baha tânka lika “walpa”, bara naha walpaya purara sertski mâkamna, bara prura karnika pali mita sin pura lubia apia.

Hibru Nani 11:10

Kan Ebraham ba baha tawanka playa bapanka nani karna bri ba bîla kaiki kan, baha tawanka mâmakra ba bara papaskra ba sika Gâd.

Hibru Nani 12:22

Sakuna, man nani lika Saion ilka ra bara Gâd rayakira tawanka ba lama kat sin balram sa, tânka ba lika, kasbrika purara Jerusalemka ra, bahara insal nani tausin ailal ba ra sin.

Jems 2:5

Muihki laitwankira nani, naha na aman pali wals: Gâd mita naha tasba ra kau umpira nani ba bâk sakan sa, kasak lukan lâka mapa ra yuyakira kabia dukiara. Bara witin ra latwan kaiki nani ra, king lâka yaia pramis munan ba, yabia sa.