Aiseya 14:25 - DAWAN BÎLA AISKA

²⁵ Asiria ba sauhki tikamna yang tasbayi ra, yang ilki nani ra ba mini ra taibamni; upla ra wirhika kahban dusa ba sakamna, wirhika nani upla pahpaya ra ba sin sakan kabia.

Aiseya 14:25 ပူးပေါင်းရင်းမြစ်များ

2 Kronikas 32:21

Bara Dawan ba ai insalka blikan bara baha nani sut iki tikan, suldiar nani, kiaptin nani, kamandantika nani, Asiria kingka kiampka ra, bara witin kli ai tawanka ra wan, ai swira tara ba wal. Bara ai gâdka tempelka ra diman ba ra, silp ai luhpia nani mita ikan.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 14:5

Dawan mita saurakira nani karnika ba bâk krikan, tataibra kingka dusa ba pîs ra man krikan,

Aiseya 33:1

¡Sasauhkra, man ra saura pali kabia, man ra lika mai sauhkras; pât ra dadingkra man ra lika pât mai dingkras! Sut sauhkma ba ra, man ra sin mai sauhkan kabia, sut pât ra lakma bara man ra sin pât ra mai lakan kabia.

Aiseya 52:2

Jerusalem, bus, tasba yuya mai alkan ba singbi sâks; bara iwaikam ra iws. Saion, luhpia mairin, priski mai brih balan ba namna ra wilkan dusa ba lanhki sâks.

Aiseya 9:4

Alba lâka Madián ra kan upla nani ra taibi kan ba man mita saki lulkram ba baku, taiban lâka ai sarka paski kan ba, wihta prautkira lâka witin nani ra taibi kan ba sauhki tikram.

Isikiel 32:22

“Bahara sa Asiria, ai suldiar sut aikuki raitikam ba kutbi kir brisa. Witin nani sut war ra pruan ba.

Isikiel 39:4

Bara man, suldiarkam bara upla nani yulam kahbi nani ba aikuki, kauhma Israel ilka bîla nani ra. Bahara yabamna tnawira sât sut ra bara daiwan wail nani ra, pibia dukiara.

Miqueas 5:5

Naha kingka sika, kupia kumi lâka ba dauki wankbia. Asiria uplika nani ba bal, wan tasbaya kutbi bribia, bara lâ watla tara nani ba ra dimbia taim, yawan bui witin nani mapara wihta nani 7 bara waitna karnakira nani 8 yawan bui blîkbia.

Miqueas 5:6

Witin nani ai sordka karnika ni baman Asiria tasbaya, Nimrod kuntrika ra, king aimaki kabia. Asiria nani mihta wina swaki wan sâkbia, wan tasbaya lainka lui dimi wan alkan ba.

Nahum 1:13

Wirhika tara puramra kahban ba, puram wina saki kriki yuya baman daukamna, awa nani ni mai wilkan ba sin dakbamna.”

Sakaraya 10:11

Witin nani Idsip kabuka ba lubia, ripka nani ba âpu daukamni. Nilo awala ba klang lâkamna, Asiria praut lâka bri ba yarka bawbia bara Idsip karnika ba sin âpu daukamni.