Aiseya 14:13 - DAWAN BÎLA AISKA

¹³ Man kupiam ra wisatma: ‘Kasbrika purara uli wamna; waitla daukamna, Gâd slilma nani paskan ba tilara; iwaiki bahara paskamni, bara king baku iwamni, yahbra tani nani ra, baha ilka ra, gâd nani asla taki ba pliska ra.

Aiseya 14:13 ပူးပေါင်းရင်းမြစ်များ

Job 20:6

Witinka ba kasbrika pura kat uli wabia kra, bara ai lal ba sin ban klaut kat wih alkbia kra,

Lawana Nani 48:2

¡Nahki painkira prana sa, Saion ilka pura ba, laih yahbra tani ra, tasba aiska liliaka sa, king tara tawanka sa!

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Jirimaya 49:16

Kupiam prautka mita kunin mai munan, upla ra sirang tara ikaia daukisma. Walpa tara nani untika ra dimisma, il nani bahna ra sin bâra sma. Yakal tara baku wamtla bahara mâki kama sin, baha wina mâyara mai batakamna. Yang, Dawan, kasak aisisna.

Isikiel 27:3

Tiro ba dukiara, baha tawanka kabu ra taki auya bara nisan nani wal diara atki ba, kabu lamara tawanka ailal nani wal. Wis Dawan ba naku wisa: ‘Tiro, man ba, mamyunisma man aimakaia butka pranakira ba ra kasak sma wisi.

Isikiel 28:2

“Man, upla luhpia, Tiro kingka ra wis: ‘Naku wisa Dawan ba: Kupiam ba aimayunra lâka ni banhwan, bara man ba gâd sma lukram, gâd nani iwaika kir ra iwi ba, bara kabu ni kir kutbi mai bri ba. Sakuna man lika gâd apia sma, kuna man waitna sma, bara lukisma gâd baku sinska lâka brisma.

Isikiel 28:9

¿Bara ban damra wali kama ki, gâd baku, taibi mai muni nani ba mawanka ra sma ba ra? ¡Mai iki nani ba mihta ra man ba upla kum baman sma!

Isikiel 29:3

Wis: ‘Dawan naku wisa: Yang param takisni man waihlam, king fero, Idsip kingka, daiwan aihka saura tara, awalkam ra bâra sma bara aisisma: Nilo awala ba yang awalki, yang daukri.

Isikiel 31:10

‘Bamna aitani, Dawan ba naku wisa: Dusa ba yari pali takan bara tâ ba kasbrika kat uli wan; tara pali takan bamna, ai mayunanka ni banhwan.

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 5:20

Sakuna ai kupia ra pura luan lâka ni banhwan, ai kupia karna daukan, ai wîna kulkanka lâka sin brin. Bamna karnika bara prana kulkan lâka king bri kan ba, witin wina sakan.

Abdías 1:3

Il walpaya tara baiwanka nani bilara laih purara iwisma bamna, kupiam prautka mita kunin mai munan sa, bara wisma: ¿Ya pali mita naha wina ai batakbia?

Sofonías 2:15

Baha tawanka sika aimayunan lâka ni pura luan sa, kan witin nani baman sa luki kan. Naha tasba ra, witin nani ai tasbaya uplika nani baku upla wala âpu sa luki kan. ¡Nahki upla âpu yakan pali swin ba, daiwan wail nani watla takan ba! Ansa piua ra witin lamak lui wabia ba ra, wasbi bara saura kulkan lâka wal ailal mariki kabia.

Matiu 11:23

Bara man, Kapernaum tawanka, ¿kasbrika purara ba kat mai sunan kabia lukisma? Man lika hil pauta tihuka kat mai lulkan kabia. Kan man nani tilamra sain aihka nani daukan baku Sodoma tawanka ra daukan kaka, baha tawanka naiwa kat ban bâra kaia kan.

Luk 10:15

Bara man, Kapernaum tawanka, ¿lukisma ki man ba purara mai bukan kabia kasbrika pura ba kat? ¡Man lika tasba mununhtara mai alahban kabia, pruan nani tasbaya kat!”

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.