Aiseya 13:21 - DAWAN BÎLA AISKA

²¹ Bara bahara daiwan wail nani baman bal takaski kabia, watla nani ba iskri nani baman dimi kabia; tnawira pâlras tara nani il biara ra ba, bal dimi kabia guts wail nani sin bâra pâli puli kabia.

Aiseya 13:21 ပူးပေါင်းရင်းမြစ်များ

Aiseya 14:23

Yang mita swamp baman daukamna, istapla nani pliska daukamni, kaina kutbanka ba wih, sauhki tatikra brumka ba wal pahbamni.” Baha sika Dawan karnika sut bri ba aisisa.

Aiseya 23:13

Naha tasbaya na man nani kaiks, Caldea uplika nani mita tasbaya na ra tawer nani paski Sidón ra utla tara nani ba batakan, slingbi swin, but nani ra mangki brih waia baman. Witin nani ba pâtkira sa, Asiria uplika nani ba pâtkas.

Aiseya 25:2

Tawan tara nani ba walpa kiaubi paskan nani baku dauki swiram, tawan karnakira nani ba sauhki swiram; waihla nani watla tara nani ba sut slingbram, baha nani kli sin paskan kabia apia ban kaia ra.

Aiseya 32:14

Lâ watla tara nani ba sut, upla iwras tasbaya baku takaskbia, tawan tara ra upla kwâra ba âpu takbia; utla karnakira nani ba sin batakan kabia; bahara biriku wail nani ba takaski kabia, bîp wakabi piaia watla bribia.

Jirimaya 50:39

“Baha mita Babilon ba limi kruhbu nani, suksuk tara nani watla takbia, sip pâlras tara nani bâra kabia. Ban mani handat nani lui kabia, bahara upla nani kli iwbia apia.

Libait Lâka 11:16

daiwan tnawira yahpa tara ba, wauya, krakra, usus sâtka nani sut,

Miqueas 1:8

Baha mita kupi wirha bara sarikira ini kamna; sûs sin âpu, kwala sin dimras watauki kamna; yul wail talia daiwra ba baku ini kamna, daiwan tnawira yahpa tara luhpia baku sin ini tauki kamna.

Sofonías 2:14

Watla nani sut daiki tikan kabia, bara baha watlika ra, sîp daknika nani bahara dimbia, daiwan wail nani sâtka sut sin. Watla slingwanka ra, iskri nani, sikiski nani dimi yapi kabia, katauhkatauh nani sin windarka dusa ra uli katauhki kabia.

Param Marikanka 18:2

Bara ai bîla baikra tara ni wini kan: “¡Pat kauhan, pat kauhan Babilon tara ba! Nanara witin na dibil nani bara pirit saura nani watla takan sa; pirit saura tâski nani watla daiwan wail tâski misbarkira nani watla takan.