Aiseya 12:2 - DAWAN BÎLA AISKA

² Kaiks, Gâd sika swaki ai saki ba; yang baha ba kasak lukisna, bara si briras sna, kan yang karniki sa, yukuwaiki sa sin, witin sika yang swaki sasakriki ba.

Aiseya 12:2 ပူးပေါင်းရင်းမြစ်များ

2 Samuil 7:24

Man ban baku lukram, Israel ba man uplikam ban kabia, bara man, Dawan, witin ai Gâdka kama.

Job 13:16

Ban kra bahara swaki ai sakan lâka ba bâra sa, kan saurakira kum ba sip ai mawanra dimi wabia apia sika.

Lawana Nani 112:8

Ai kupia ba ban bapi buisa; sibrin daukras, bara ai waihla nani sin ai lawaska kiki kabia kra ban kaikisa.

Lawana Nani 118:14

Yang bui Dawan ra lawana aiwanisni, yang ra karnika aikbia. ¡Witin sika yang Sasakriki!

Lawana Nani 118:21

Dawan, yang bui man ra tingki mai wisni, kan man bui yang ra aisaram bamna, kan man sika yang sasakriki sma ba.

Lawana Nani 27:1

Dawan ba, yang ingniki, bara yang swaki ai sakisa ¿ya sîa ai daukbia ki? Dawan bui yang rayaki kaina kahbisa; ¿yaura sîa ai daukbia?

Lawana Nani 65:6

Man mita sika, il tara nani ba alki takaski brisma, karnikam brisma ba ni, bahara man karnikam ba marikisma.

Lawana Nani 68:20

Wan Gâdka ba sika Gâd swaki wan saki ba, bara prura wina sin dakbi wan saki ba.

Lawana Nani 68:21

Gâd mita ai waihla nani sut lal dakbia baha uplika ban luki saura dauki ba.

Lawana Nani 83:18

¡Witin nani ai dara wali banhbia, man baman Dawan sma. Kaikbia man baman Laih Purara iwisma ba, tasba aiska ra!

Impakan Sturka 15:2

Laiwana ba Dawan ra yabisna, witin lika yang karniki bara swaki ai sasakra sin ba. Witin ba yang Gâdki, yang bui witin ai nina mayunaia sna; witin ba aisiki nani Gâdka, yang bui witin ba purara bukaia sna.

Aiseya 10:24

Karnika sut bri Dawanka ba witin naku wisa: “Yang upliki nani, Saion ra iwisma ba, Asiria uplika nani ba si bripara, ai kingka dusa ni mai prukbia kabia sin, mampara ai kînka dusa nani ba bukbia kra, Idsip uplika nani mai daukan ba baku.

Aiseya 17:10

Kan mai swaki mai sakan Gâdka ba man âmya tikram ba mita, man yukuwaikam walpaya ba dukiara kupiam kraukras kapram ba mita. Kiamka painkira mangkram giadin pranakira, bara Gâd tringsar kum ra pain kulkanka yabaia warkka daukram.

Aiseya 27:5

Man brin mai daukisa kaka, yang mita kan kahbamna, yang wal kupia kumi lâka dauks.”

Aiseya 32:2

Witin nani kumi bani ba, pâsa krawi ba mapara wan yukuki watla baku kabia, lî auhi ba mapara, wan yukuwaika watla baku, tasba lâwan ra lî kârma nani baku kabia, lapta bitni pali piua ra walpa tara distika wanki ba baku upla iwras tasbaya ra.

Aiseya 33:22

Baha dwarka tara nani kiwa bri ba mahka ba wilki sip alki takaskbia apia; kwalka ba sin witin nani sip sunras kabia. Wan waihla nani dukia kukan ba yawan dakbi bribia. Blain nani pali sin baha dukia wina ai dukia bribia. Bara skahwa nani ba sin impliki briaia warkka daukbia. Kan Dawan ba yawan wan wihtka sa, yawan wan lâka dadaukra, yawan wan kingka, Dawan swaki wan sâkbia.

Aiseya 38:20

Dawan nâra sa swaki ai sakaia dukiara. Bara ba mita yawan wan aiwananka nani sut ba Dawan watla ra aiwanbia, wan rayaka yua nani sut ra sin.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 49:5

Yang Dawan Gâdki mawanra kulkanka briri, kan witin ba sika yang karniki. Dawan ba ai paskan kan yaptiki biara ra kapri wina witin ai dukia dadaukra kaia dukiara bara yarka Israel ba, Jekob uplika nani ba, kli balbia bara witin ra asla takbia.

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 62:11

Dawan mita naha sturka na maisa pakisa tasba aiska ra upla sut walaia: “Man nani Saion tawanka ra wis: Kaiks man sasakrikam ba pat aula. Dawan lika ai uplika nani ba wal aula, ai warkka daukan ba mana witin ai mawanra yabia.”

Aiseya 65:18

Man nani lilia, kupiam lilia man ban bas yang dîa paskaisna ba dukiara, kan Jerusalem ba lilia yang paskaisna, bara upla nani sin bahara ai âuyapah iwaia.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 3:23

Yang nani maipara hilp apia sa il nani ra wih mai wini kaia; Dawan wan Gâdka ra baman Israel ai swaki sakan lâka sakisa.

Daniel 3:28

Baha pali minitka ra, Nabucodonosor wini aisin: “Sadrac, Mesac bara Abed-negó Gâdka ra mayunan kabia, witin ai insalka blikan ai napakan kasakkira nani ba swaki sakaia, witin nani king dîa lâ mangkan ba kulkras, kanra yamni lukan pruaia gâd nani ra bawi mayunaia kaka, baha nani witin nani ai Gâdka pali apia ba.

Oseas 1:7

Ban sakuna, Juda kingka lâka ba lika umpira kaiki, yang ai Dawanka aimaki, witin nani ba swaki sakamna. Sakuna pantamangka, sord, aras nani, aras âiulra nani brih war aiklabi ni lika apia.”

Joel 2:23

¡Saion ra iwi uplika nani, man nani sin liliam bas, Dawan Gâdkam ra liliam pali bas! Lî ailal ai piua kat witin mita yaban auhisa, kauhla piua ra bara baku sin lî piua ra yaban auhisa, blasi lî ai piua kat auhi kata ba, nanara sin kli baku yan auhisa.

Jona 2:9

sakuna yang lika, tingki mai wiaia sakripaiska ba dauki maikamni; dîa dauki maikaia mai wîri ba daukamna. ¡Dawan, man baman upla swaki sakaia sip sma!”

Abakuk 3:18

ban sakuna, baha sut purkara lilia lâka ni aibanhwamna yang Dawanki bara yang Sasakriki ba dukiara.

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Param Marikanka 7:10

Witin nani sut ai bîla baikra tara wini, aisi kan: “¡Pura luan lâka ba wan Gâdka dukia sa, witinka king iwaika ra iwi ba, bara Sîp Luhpia ba dukia sin!”

1 Samuil 2:1

Ana naku ai pura sunan: “Dawan, yang kupi ra man ra lilia tara brisni, kan man karniki raya aikisma. Waihli nani mapara aisaia sip sna, kan man tâi baikram bamna. ¡Âu, yang lilia sni!