Aiseya 10:20 - DAWAN BÎLA AISKA

²⁰ Baha yua ra nani ra Israel ra upla wiria man takaskan kabia nani ba, Jekob watla uplika nani kau raya kabia ba, witin nani ra rausauhkan nani bara kli aikuki ai tâ baikbia apia, sakuna kasak pali sika, Dawan Israel Gâdka Holikira ra ai tâ baikbia.

Aiseya 10:20 ပူးပေါင်းရင်းမြစ်များ

2 King Nani 16:7

Bara king Ahaz ba mita Tiglat-piléser Siria kingka ra ai tawanka tâwan aisin bîla twatwilkra nani ba blikan wan, bara win: “Yang na man dukiam dadaukra sna bara sin man luhpiam baku sna. Baku bamna, bal bara Siria kingka mihta wina bara Israel kingka mihta ba wina sin dakbi wan sâks, kan witin nani ba yang maipara aiklabaisa.”

2 King Nani 19:31

Kan upla nani tila ba Jerusalem ra takaskan kabia, bara Saion ilka ra sin pruras swakwan nani ba bâra kabia. Naha ba Dawan karnika latwanka lâka ba mita daukbia.

2 Kronikas 14:11

Asá ba Dawan ai Gâdka ra ai pura sunan: “Dawan, tâ baikaia natka ba man mampa ra kumi sa swapnikira, apia kaka karnakira ra. ¡Bamna wan tâ baiks, Dawan wan Gâdka, kan yawan man ra bîla kaikanka brisa, man wan munram balan naha suldiar nani mapara aiklabaia! Man Dawan, wan Gâdka sma. ¡Mariks man mampara sip upla buaia apia ba!”

2 Kronikas 28:16

Baha piua ra king Ahaz ba lengstar daknika kum blikan Asiria kingka ra hilp makabaia,

2 Kronikas 28:20

Tiglat-piléser, Asiria kingka ba, Ahaz mapara wan, bara tâ baikaia watlika ra, kau ni pât dingkan.

Esdras 9:14

¿Bara yang nani kli man lâmka nani bîla ba kriki, upla sât wala nani upla wala ra misbara kaiki nani ai natka nani dauki ba tilara, wan kiamka nani saki kaia sna ki, witin nani wal baku taki? ¿Yang nani baku daukamna kaka, lawankam tara ba wan mapara bal âpu wan daukras kama ni, naha kiamka nani wina kumi sin plapi swak takbia apia, titikbi iki tikan kabia?

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Aiseya 11:11

Baha piua ra, Dawan ba aima wala kli ai karnika marikbia, ai uplika nani kau swin ba kli bri balaia, Asiria, Idsip, Patrus, Etiopía, Elam, Sinar, Hamat bara kabu un ra iwi tawanka nani ba wina sut sin.

Aiseya 11:16

Dawan uplika kau Siria ra ba, kli tawi balbia ba ra, yabal tara ba wal prawbia, sim Israel Idsip wina takan yua ra.

Aiseya 37:4

Ban kra Dawan man Gâdkam walbia naha bîla aisanka nani ba, witin ra sika Asiria kingka ai Dawanka ba mita blikan ba Gâd rayakira ra lahtubaia dukiara, bara sturi saura nani wiaia dukiara sin, naha bîla aisanka nani ba sika man Gâdkam pat walan sa, bahamna kau kiamka nani tila takaskan nani na dukiara puram suns.’ ”

Aiseya 46:3

“Man nani Jekob watla uplika nani, yang ra ai wals, Israel watla uplika nani sut sin; man nani ba yang upliki kaia, man nani kau aisubi takras kapram yua ba wina, pat mai sakri kan, klaihkla ra mai twilkisna,

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Aiseya 6:13

Bara kau ban waras, mânka matawalsip bâra takaskan kabia kaka, baha sin kli sauhki tikan kabia; dus tara kum, usupum dusa kum klakan plamaika baman bâra ba baku.” (Naha plamaika na wina, kau ban bâra kabia baha wina holikira ba kli urhwi takbia.)

Jirimaya 3:23

Yang nani maipara hilp apia sa il nani ra wih mai wini kaia; Dawan wan Gâdka ra baman Israel ai swaki sakan lâka sakisa.

Jirimaya 44:14

Baha daknika lupia Juda wina Idsip ra iwaia wan ba wina, kumi sin plapi swakwi raya kabia apia. Witin nani kli Juda ra bal takaski iwaia lukbia sin, sakuna sip tawi balbia apia, ban kra plapi baman tauki nani ba wina kulki lika.’ ”

Oseas 14:3

Asiria uplika nani sip yang nani ra swaki ai sakras, aras ra uli plapamna kaka sin sip apia. Yang nani mihti ni alki paskri dawanka nani kumi ra sin kli man ba ‘Yang nani Dawanki sma’ wimna apia, kan Dawan, man ra baman sika rau nani ba umpira kaikan lâka ba sakisa.”

Oseas 5:13

“Efraín ai dara walbia, siknis nani ba pat alkan kabia, bara Juda sin ai wîna klahwanka nani ba kaikbia ba ra, Efraín, Asiria kingka tara ra wabia witin hilp makabaia, sakuna king ba sip witin nani ai sikniska ai wîna sukwanka nani ba rakbia apia.

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Sofonías 3:13

Israel luhpia nani pruras kan ba, witin nani diara saura daukbia apia, kunin sin aisabia apia; ai bîla kunin lâka ni banhki kabia apia. Upla kumi ra sin sibrin lukras ai pata pi ris bri kabia.”