Aiseya 10:16 - DAWAN BÎLA AISKA

¹⁶ Baha baku, Dawan karnika sut bri ba mita wîna karnakira nani ba karnika âpu dauki swibia, rihka ba pauta klauhi baha wîna ba ami kaia.

Aiseya 10:16 ပူးပေါင်းရင်းမြစ်များ

2 Kronikas 32:21

Bara Dawan ba ai insalka blikan bara baha nani sut iki tikan, suldiar nani, kiaptin nani, kamandantika nani, Asiria kingka kiampka ra, bara witin kli ai tawanka ra wan, ai swira tara ba wal. Bara ai gâdka tempelka ra diman ba ra, silp ai luhpia nani mita ikan.

Lawana Nani 106:15

Bara Gâd bui dîa makaban ba dauki yaban sakuna pruaia sikniska kum witin nani ra blikan.

Lawana Nani 78:31

Gâd lawanka ba witin nani purara kauhan, bara upla kau karna ba ikan. ¡Israel ra waitna kau karna nani ba yan pruan!

Aiseya 10:18

Unta tara nani prana ba tasba disang nani ba sin sut angki âpu pali daukbia, witin nani ba pauta klauhan lulki swin ba baku swibia ai karnika âpu kabia.

Aiseya 17:4

Baha piua ra Sameria Jekob prana ba karnika âpu takbia, bara pâwanka tara ba âpu tiwbia.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 31:9

Sibrin mita ai kingka ba taki plapbia bara ai watla karnakira nani ba swih plapbia war aiklaklabra wihtka tara nani ba sin, sibrin tara mita ai plakinka nani ba swih plapbia. Dawan ba naku wisa, witin lika upla angkaia pata klauhanka ba Saion ra ridi brisa, diara angkaika ba sin Jerusalem ra, ai waihla nani ba klala yaia ridi brisa.

Aiseya 37:29

Bara kupiam sauhkram ba kaikisni, praut takram ba sin, bara diara krukma kum kakmam ra klauhbi mangkaisna, bara unam mangkaika sin, baku kli mai lakrika wama ani yabalka balram bâk.”

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 5:17

¡Tawan tara nani ba sauhkan kabia; sîp nani, guts nani ba baha langnika bilara twi pi kabia!

Aiseya 8:7

Bara Dawan mita witin nani ba Éufrates awala lisamra tara dingkan karna aubi ba ra dingkbia (baha wibia kaka Asiria kingka ai karnika sut bri ba mihta ra). Witin nani tnaya bani ra lisamra ba mita pura lubia, ai lamara nani ba sut,

Aiseya 9:4

Alba lâka Madián ra kan upla nani ra taibi kan ba man mita saki lulkram ba baku, taiban lâka ai sarka paski kan ba, wihta prautkira lâka witin nani ra taibi kan ba sauhki tikram.

Aiseya 9:5

Suldiar sûska nani war aiklabaia ra bin tara dauki kan ba, ai kwalka nani sin tala ra buswan ba, twi lâwan baku, sut pauta klauhan ra angkan kabia.

Jirimaya 21:14

Yang bui man nani ra klala maikamna dîa daukisma ba praiska kat; dus nani pâwan ba angkamni, bara baha tani ai lamara ba ra sut angkbia. Yang, Dawan, baha kasak aisisni.’ ”

Jirimaya 48:14

“Moab aisabiara: ‘Yang nani tahplu nani, aiklaklabra nani karna sna.’

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Nahum 1:12

Baha mita, Dawan bui ai uplika nani ra naku aisin: “Asiria uplika nani ba ailal, karnika tara pali bri kabia sin, sauhki tikan kabia bara lui wabia. Sakuna kau maikrika pât wahwi kama apia.

Sofonías 2:13

Witin ai mihta yahbra tani mapara sakban kabia, Asiria sauhki tikaia, Ninibi tawanka ba sin âpu daukan kabia, tasba lâwan upla iwras baku daukbia.

Sakaraya 7:4

Dawan, karnika sut bri ba, witin bui yang ra ai win:

Apastil Nani Sturka 12:23

Baha sim piua pali ra, Dawan insalka kumi mita munan Herod ba siknis takan, kan mayunra ba Gâd ra yaras kan bamna. Witin ai wîna tara ba liwa mita pin, bara ban pruan.