Aiseya 10:13 - DAWAN BÎLA AISKA

¹³ Asiria kingka ba aisin: “Yang karniki ni baha sut daukri; yang sinskira sna, baha nani daukaia ba yang luki kaikri. Nisan nani tasbaya piarkika ba yang mita wala daukri, ai dukia kukanka nani ba sin dakbi briri, âu, yang waitna kum kupi karna, king nani bâra iwi kan ba bataki slingbi tikri.

Aiseya 10:13 ပူးပေါင်းရင်းမြစ်များ

2 King Nani 15:29

Pécah Israel kingka kan piua ra, Tiglat-piléser Asiria kingka ba balan, bara Iión, Abel-bet-maacá, Janóah, Quedes, Hasor, Galaad, Galili, bara Neftalí tasbaya aiska ba dakbi brin, bara uplika nani ba Asiria ra alki alba lâka ra brih wan.

2 King Nani 16:8

Bara Ahaz Dawan tempelka ra bara king watla ra gul bara silbar bâra kan ba brih, Asiria kingka ra prisant baku blikan wan.

2 King Nani 17:24

Bara Asiria kingka ba Babilon wina upla nani brih balan, baku sin Cuta, Avá, Hamat bara Sefarvaim wina, bara naha uplika nani aiska ba Sameria ra swin, Israel luhpia nani watlika ra. Baku witin nani Sameria ba brin bara ai tawanka nani ra iwi banhwan.

2 King Nani 17:6

Bara Oseas ba king aimakan ba wina pat 9 mani diman ra, Asiria kingka ba mita Sameria tasbaya aiska ba dakban, bara Israel luhpia nani ba alba lâka ra sut alki brih wan, bara Halah ra swin, Habor tasbaya ra, Gozán awalka lama pali kat, Media uplika nani tawanka ra.

2 King Nani 18:11

Bara Asiria kingka bui Israel luhpia nani ba alki alba lâka ra Asiria ra brih wan, bara Halah tawanka ra yaban iwan, Habor tasbaika ra, Gozán awalka lama kat swin bâra kan, bara naha na Media uplika nani tawanka kan.

2 King Nani 18:15

Bahamna Ezequías ba mita silbar Dawan watla ra bâra kan ba bara king lalahka auhbaika ra bâra kan ba sut wal asla praki yaban.

2 King Nani 18:32

Ningkara yang bal muni, tasba kum maikamna, mani tasbayam na sâtka bara bahara mai brih wamna; plawar mâ nani bara sin wain nani tasbaya sa, brit bara wain nasla sa sin, batana laya bara batana dusa wal tasbaya sa, bara sin nasma tasbaya sa, bahara iwi kama bara sip sin pruma apia. Ezequías bîla walpara, kan witin sika kunin man mai munisa, Dawan swaki wan sâkbia bîla ba mai wisa.

1 Kronikas 5:26

Baha ba tâwan Israel Dawanka ba bui Pul ra kupia tuskan, witinka lika Asiria kingka, wibia sa kaka, Tiglat-piléser ra, witin bui Ruben bara Gad uplika nani ra bara baku sin Manasés kiamka bakriki kan ba sut alki brih wan ba: bara Halah, Habor, Hará bara Gozán awalka ba kat baha nani brih wan, bamna bahara banhwisa naiwa yua ba kat.

Sins Lâka 28:11

Lalahkira ai sinska ba tara pali brisa baku ai dahra walisa, sakuna upla umpira diara tânka bri ba witin dîa luki ba, pliki ban sakaia sip sa.

Aiseya 10:8

Aisisa: ‘King nani sut ba, yang adarki ra wihta aimakisa.

Aiseya 5:21

¡Man nani ra saura kabia, sinskira sma lukisma ba diara sut tânka brisma baku damra walisma ba!

Jirimaya 46:8

Baha sika Idsip, Nilo awala lisamra dingkan baku ba, awala kum lî karna aubi baku ba. Idsip aisisa: ‘Lisamra dingki tasba ba banhkaisna, tawan nani ba sauhkaisna, upla nani ba sin.’

Jirimaya 48:14

“Moab aisabiara: ‘Yang nani tahplu nani, aiklaklabra nani karna sna.’

Isikiel 25:3

Wis, Dawan ai bîla witin nani ra aisi ba walbia: ‘Man nani liliakira wini banhram, tempelki tâski dauki kan ba ra, Israel kuntrika sauhki tikan ba ra, Juda uplika nani ba upla iwras tasbaya ra brih wan.

Isikiel 26:2

“Tiro Jerusalem tânka luki ra aisan: ‘¡Alai, diara atkaia durka, nisan nani tilara pîs nani ra baman daukan sa! ¡Nanara yang piui balan! Yang yuya wal aibanhri sa, witin nani lika sauhki tikan ra takaskan kabia.’

Isikiel 29:3

Wis: ‘Dawan naku wisa: Yang param takisni man waihlam, king fero, Idsip kingka, daiwan aihka saura tara, awalkam ra bâra sma bara aisisma: Nilo awala ba yang awalki, yang daukri.

Isikiel 35:13

Bîlam kwâkram maipara buan lâka wal, bara twisam lanhwan yang maipara aisaia. Yang walri.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Daniel 4:30

naku win: “¡Kaiks nahki Babilon ba tara sa! Yang karniki tara ba wal paskri Babilon tasbaya lalka baku bâra ba lika, yang tara sna ba tânka naika piua ra kaikbia ninira aula nani ba.”

Emus 5:27

Baha tâwan, yang daukamna man nani mai priski mai alki, Damaskus kainara kau laihura mai brih wabia alba mai briaia.” Baku aisisa karnika sut pali bri ba Dawanka, baha sika witin ai nina ba.

Emus 6:13

Man nani diara bahki kum daukram, bara mamyuni liliam taki wisma: “Yang nani karniki tara brisna ba mita pura lui karnika alkisna.”

Abakuk 1:11

Witin nani prari baku bal luisa; dawan wala nani ra sin kulkras, ai karnika ba baman ai dawanka kulkisa.”

Abakuk 1:16

Baha mita inska âialkra nani ba inska alkaia dukia nani bri ba, baha dukia nani ra mayunisa, kîa yamni daukaia dukia nani angki, pain kulkan lâka dauki yabisa, baha dukia nani ra ai pura suni tingki wisa, kan baha dukia nani ba wina, witin nani ai pata ailal pali saki pîsa bamna.

Abakuk 2:6

Sakuna nisan wala nani ra pura lui taiban ba, witin nani pana lawaska kikbia, baha ra lawana ulbi aiwani: “¡Man sarkam pali ai daukisa, upla wala dukia kukanka nani dakbi bri yuyakira takisma ba! ¿Ahkia kat man baha uplika nani ra ban taibi muni dukia nani mihta wina dakbi brih kau ban traska dimi kaisma ki?”

Kli Smalkanka 8:17

“Kupiam ra lukpara: ‘Naha kukanka sut na, yawan wan karnika ni sakan.’

Wihta Nani 7:2

Bara Dawan bui Gedeón ra win: “Man ba upla dakni tara pali yang ra brih aulma, bara Israel luhpia nani lukbia uplika nani ba witin nani ai mihta ra mangkri kan aiklabi pura luan ba ra, witin nani lukbia ai karnika ni aiklabi Madián uplika nani ba pura luan, bara maiwanra witin nani aimayunbia.