Aiseya 10:12 - DAWAN BÎLA AISKA

¹² Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 10:12 ပူးပေါင်းရင်းမြစ်များ

2 King Nani 19:31

Kan upla nani tila ba Jerusalem ra takaskan kabia, bara Saion ilka ra sin pruras swakwan nani ba bâra kabia. Naha ba Dawan karnika latwanka lâka ba mita daukbia.

Lawana Nani 18:27

Upla bawikira nani ba man swaki sakisma, sakuna pura lui ai mayunra nani ba, man mâyara batakisma.

Lawana Nani 21:10

Witin nani ba tasba bara upla nani tila wina sauhki tikma, ai luhpia bara ai kiamka nani sut sin.

Lawana Nani 76:10

Bara upla kupia baiwanka nani baman mayunra ra lakisma; witin nani ai waihla pali nani ba sin kraunkam takisa.

Lawana Nani 76:5

Kupia karnira nani ba saki lulkram; kau karna nani ba, diara sip dauki banhras; ¡kan witin nani ba sut mahka yapi banhwan!

Sins Lâka 21:4

Ai nakra ni praut kaiki ba ai kupia lukra tara sa luki ba, upla watawikira ingnika ba sut, saurka lâka sika.

Sins Lâka 30:13

Upla tila sin bâra sa, bukisa witin ba uba tara pali sa, bara upla wala ba ai nakra ra bahki kaikisa.

Aiseya 2:11

Witin nani baman sa praut luki, ai walka ra kaiki ba; mâyara batakan kabia; prautka lâka bri nani ba mâyara bawan kabia. Baha yua ra Dawan baman purara bukan kabia,

Aiseya 2:12

baha yua karnika sut bri Dawanka ba, diara daukbia witin nani baman sa luki, tara takan nani ba mapara, purara uli nani ba sut, mâyara batakaia;

Aiseya 24:21

Baha yua ra ban takbia, aiklaklabra daknika kasbrika purara bâra ba, tasba kingka nani tasba ba sut Dawan mita klala yabia.

Aiseya 27:7

Israel tataibra nani ra, Gâd mita klala yan ba baku Israel ra lika klala yaras, Israel ra ikan nani ra ikan ba baku sin witin bui Israel ra lika ikras.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Aiseya 29:14

Baha ba mita, kaiks naha uplika nani kli munrika sirang iwi mita taki wabia, kli diara aihka tara dauki sirang ikamni, baha sinskirka nani sinska lâka ba lap tiwbia, bara diara tânka kaikaia sinska lâka bri ba âpu takbia.”

Aiseya 33:1

¡Sasauhkra, man ra saura pali kabia, man ra lika mai sauhkras; pât ra dadingkra man ra lika pât mai dingkras! Sut sauhkma ba ra, man ra sin mai sauhkan kabia, sut pât ra lakma bara man ra sin pât ra mai lakan kabia.

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Aiseya 37:29

Bara kupiam sauhkram ba kaikisni, praut takram ba sin, bara diara krukma kum kakmam ra klauhbi mangkaisna, bara unam mangkaika sin, baku kli mai lakrika wama ani yabalka balram bâk.”

Aiseya 5:15

Upla nani ai mâya kat bataki swira daukbia, waitna kupia ba kriwan kabia, upla tara papulra nani ba ai nakra nani ba mâyara alahbia.

Aiseya 50:11

Sakuna baha nani sut pauta klauhan muki ba bara trisbaya nani aswi ba, ridi dauki ba witin nani baha pauta klauhan kat kli ambia, witin nani ai pata klauhan ba ra kli tawi kauhbia, man nani mihtam ni trisbaya nani pauta klauhan daukram ba munhtara. Baha klalka ba Dawan mita man nani ra blîkbia, bara baha pâsa saura lika prawi kama.

Aiseya 65:7

Witin nani lâ krikanka nani daukan ba aisika nani sin daukan ba baku. Kîa pain angki kan il nani purara, kiuhsi nani purara swiri dauki kan. Witin nani dîa daukan ba pas kulki kaikamna, witin nani dîa briaia aitani ba yabamna.” Baha Dawan aisin.

Aiseya 9:9

bara upla nani sut ba tânka bribia, Efraín bara Sameria ra iwi nani ba sut. Praut lâka wal ai kupia ra aimayuni aisi ba:

Jirimaya 25:29

Bamna yang mahka klala nani ba blikamna yang ra aikan tawanka ba purara. ¿Bara lukisma man nani lika klala brima apia? Apia, man nani klala briras kama apia, kan upla nani tasba ra iwi ba sut purara war ba yang blikaisna. Yang, Dawan, karnika sut brisna ba, baha kasak aisisna.’

Jirimaya 50:18

Baha mita, yang, Dawan karnika sut brisna, Israel Gâdka mai wisna: Babilon kingka ba kuntrika ra sin klala yabaisna, Asiria kingka ra munri ba baku.

Jirimaya 50:32

Maipara saura aisasara nisanka, minam pruki kauhma, mai alki mai bukaia upla âpu kabia. Tawan nani ba sut angkamna, baha pata klauhan ba ni tawan wala lamara nani ba sin sut angkbia.”

Isikiel 31:10

‘Bamna aitani, Dawan ba naku wisa: Dusa ba yari pali takan bara tâ ba kasbrika kat uli wan; tara pali takan bamna, ai mayunanka ni banhwan.

Isikiel 31:14

Bara dus kum, lî lamara kabia sin, kli ban pâwbia apia; lî pain laikan kabia sin kasbrika kat tâ ba alkbia apia, bara ban pali pâwi uli wabia apia. Sut ba ban swin sa pruaia; naha tasbaya munhtara iwaia bara asla takaia pat raiti ra nani ba wal.

Daniel 11:45

Ai tintka watla ba bapan kabia kabu ba wina Tasba Pranakira ilka holikira ba kat. Sakuna baha pali kat, witin pruaia awarka ba aimakbia, upla âpu kabia witin ra hilp munaia.

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Kulki Kaikanka 24:24

Chipre wina, kabu tani wina sin duri tara nani aula, Asiria Éber wal ba sauhki swibia, Éber ba sin sauhki tikan kabia.”

Matiu 12:33

“Dus yamni ba mâ sin yamni sakisa; bara dus saura ba, mâ sin saura sakisa. Kan dus ba mâ wina ai tânka marikisa.

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Kli Smalkanka 32:27

Sakuna waihla nani lawaska kiki ba yang want apia kapri; want apia kapri waihli ba aimayunbia bara wibia: Naha na Dawan daukras; yang nani karniki ni daukri.’

1 Pita 4:17

Lâ daukaia mahka tâ krikaia piua ba balan sa, bara Gâd uplika nani pali sika pas lâka daukan kabia. Bara baha ba yawan ra baku tâ krikuya kaka, ¿tnata ra Gâd sturka yamni bîla wali daukras nani ba mapara nahki kabia ki?