Aiseya 10:1 - DAWAN BÎLA AISKA

¹ ¡Saura pali kabia man nani lâ kasak apia nani marikisma ba; bara upla raitka yabras, lâka nani ni ulbi sakisma ba,

Aiseya 10:1 ပူးပေါင်းရင်းမြစ်များ

1 King Nani 21:13

Bara kunin aisasara wâl balan, bara witin mawanra iwan, bara baha waitna kuninkira wâl ba, Nabot mapara kunin aisi upla nani ra win Nabot lika Gâd mapara bara king mapara sin saura aisin. Bamna tawan ba wina latara saki bri si walpa ni sabi ikan.

Lawana Nani 58:2

Kau ni, lukanka saura wal diara dauki banhwisma; kuntri ra unsaban lâka ni bukisma.

Impakan Sturka 23:3

umpira nani ra taiban lâka ra diara makabi ba wal sin tniwpara.

Impakan Sturka 23:6

“Upla umpira kum lâ mawanra lâ dimisa kaka, ai lâka wapni dauki yaia ba âmya tikpara.

Aiseya 29:21

Baha nani mita upla wala ra upla âikra wisi dahra saki ba, bara lâ wihta nani ra mina ra wilkaika kiwka nani mangki ba. Bara pâtkas nani ra kunin lâka ni raitka yaras kan.

Aiseya 3:11

¡Saura pali kabia watawikira ba dukiara, witin nani saura ra wabia! Ai mihta warkka nani mana ba praiska kat, Gâd bui witin nani ra aibapan kabia.

Aiseya 3:14

Dawan bal upla lâ ra paiwbia, tawan almukka nani ra, wihta nani ra wibia: “Man nani sika wainki nasla ba âpu daukisma; bara umpira nani dukia ba implikram, baha dukia nani ba wamtla nani ra dingki main kaikisma.

Aiseya 5:11

Alai kabia baha nani titan kat ba ingwi ba bla takaia dukiara, bara wain laptika ba, tihmia kat ban sa.

Aiseya 5:18

Man nani ra saura pali kabia kan kunin lâka ni watawika lâka ra raskisma ba, saura lâka ba raski brih auma wagin kum raski ba baku.

Aiseya 5:23

Pâtkira ba lalah aibapi ba mita, man nani brih pâtkas wisma, man nani pâtkas uplika nani raitka bri ba yaras sma.

Aiseya 5:8

¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Aiseya 59:13

Yawan mapara babura takma, Dawan wal sin kasak apia kan. Yawan wan Gâdka ninara waia brin wan daukras kan, yawan aisin lâ nani ba krikaia, upla nani pât ra dingkaia, yawan upla nani ra kunin munaia lâka daukan.

Aiseya 59:4

Kasakka lâka dukiara wini ba kumi sin âpu, wapni lâka dauki lâ ba sin âpu sa; bahki lâka ra baman kupiam mangki brisatma, bara kunin lâka ra kau lukisma bara sturi bahki nani ra sin; watawika lâka nani ra, kwihra tiwisma bara saurka lâka luhpia baikisma.

Jirimaya 22:13

“¡Saura pali kabia man ra watawi lâka dauki kasakka lâka daukras wamtla mâkisma, utla tara nani mâkisma, upla wala nani yaram wark takisa mana aibapras!

Emus 2:7

Upla umpira nani ra taibi, ai raitka wina mâyara batakisa; bawikira bara umpira nani raitka yabaia kata ba yabras. Luhpia waitna ba ai aisika wal sim baku dauki, yang nini sunu ba tâski sakisa.

Miqueas 6:16

Man nani king Omrí lâka nani kat, baku sin Ahab kiamka warkka saura nani lâka kat nina bliki saura daukram. Witin nani dîa daukan baku man sin daukram. Bahamna man nani ba upla sâtka sut nakra ra diara saura mai kaikaia mai daukamna, bara bahki mai kulki lamwaska kiki kabia; upliki nani swira lâka kaia ba sut, man nani puramra kauhbia.”

Abakuk 2:12

¡Man nani sarkam pali ai daukisa, upla ikram tâlia ba purara watawika lâka ba ni tawankam tara nani paskisma ba!

Abakuk 2:15

¡Man nani sarkam pali ai daukisa, uplikam nani ra diara dauki dakakisma ba; bla saura takbia dukiara, wain wal abalki dakakram baha dih, bla taki ba, baku dauki munrika susu takbia bara ai wîna ba kaikaia dukiara!

Abakuk 2:19

Man nani sarkam pali ai daukisa, dus ni lilka kum paskan ba ra wisma: “¡Rawi bus!” Walpa kum sip aisaras ba ra sin wisma: “¡Mahka bus!” ¿Bara lilka nani ba sip kabia ki pana diara kum wan aisaia? ¡Apia, kan ai rayaka pali ba âpu sa mita, ban sakuna gul bara silbar ni lalauban kabia kra!

Abakuk 2:6

Sakuna nisan wala nani ra pura lui taiban ba, witin nani pana lawaska kikbia, baha ra lawana ulbi aiwani: “¡Man sarkam pali ai daukisa, upla wala dukia kukanka nani dakbi bri yuyakira takisma ba! ¿Ahkia kat man baha uplika nani ra ban taibi muni dukia nani mihta wina dakbi brih kau ban traska dimi kaisma ki?”

Abakuk 2:9

¡Man nani sarkam pali ai daukisa, wamtla ra implikan dukia nani wal banhki dauki brisma ba, baha dukia nani ba ni yukuwaikam brih pât nani aula ba wina swak takaia lukisma!

Matiu 11:21

“¡Corazín tawanka, man mampara alai pali kabia! ¡Betsaida tawanka, man mampara sin alai pali kabia! Kan man nani tilamra sain aihka nani daukan baku Tiro bara Sidón tawanka ra sim baku daukan kaka, baha uplika nani pat ai kupia lakan kaia kan, bara latan marikaia kan sari kwalka dimi bara yamhpus sin aimaki.

Matiu 23:23

“¡Lâ Smasmalkra nani bara parisi nani, kuninkira nani, man nani mampara saura pali kabia!, diara matawalsip bani wina kumi Gâd ra yabaia ba, man nani baha mint wahia, anis bara kumin wina yabisma, sakuna lâ smalkanka tara nani ba lika bîla walras, baha nani sika umpira kaikaia lâka ba, kasak wapni kaia lâka ba. Baha sika man nani daukaia sma ba, bara wala ba sin swiras ban dauki kaia sma.

Matiu 23:27

“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani lika sim raiti pint pihni dingkan bara pura mapa baman pain ba baku sma, sakuna bîla tani lika upla pruan dusa nani bara diara tâski ni banhwan sa.

Matiu 23:29

“¡Lâ Smasmalkra nani bara parisi nani, kuninkira nani, man nani mampara saura pali kabia! Man nani mita prapit raitika ba paskisma, bara upla pain kan nani raitika sin pain pali skahkisma,

Matiu 26:24

Upla Luhpia Waitna ba, Ulbanka nani ra dîa ulban ba yabalka bâk waia sa, ¡sakuna waihla mihta ra mangki ba uplika ba mapara lika saura pali kabia! Kau aitani kaia kan baha uplika ba aisubi takras kan kaka.

Luk 11:52

“¡Alai pali kabia man nani Lâ Smasmalkra nani ra! Kan man nani diara tânka kaikaia kîka brisma ba; sakuna man nani sin dimras bara diman dauki nani ra sin yaram dimras.

Jan 19:6

Bamna prîs tara nani bara suldiar nani sin Jisas ba kaikan ba ra, mahka ai pura wini, win: —¡Dus prihni ra sas! ¡Dus prihni ra sas! Pailat bila: —Ban kaka, man nani mita witin ba bri si dus prihni ra sabi banhs, kan yang lika witin wîna ra watawanka kumi sin sakras sna.

Jan 9:22

Aisika bara yaptika wal sibrin kan ba mita baku aisin, kan Ju nani pat lâ daukan kan, ya mita Jisas ba Misaya sa wibia kaka, prias watla ba wina kangbi sakaia.

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.