Aiseya 1:8 - DAWAN BÎLA AISKA

⁸ Saion ba yakan swin bâra buisa, wain nasla tara bilara, mani watla lupia kumi yakan bâra ba baku, dista briaia watla lupia rayapisa nasla ra yakan bâra ba baku sa, tawan tara yakan bara waihla nani tnaya kir kutban sa.

Aiseya 1:8 ပူးပေါင်းရင်းမြစ်များ

Job 27:18

Upla watawikira watla ba lika babaiwra baku sa, daiwan tnawira watla ba baku, upla umpira watla insla ra aihwaki kaikaia paskan baku kabia.

Lawana Nani 9:14

Bara baku yang, Jerusalem getka nani ra, tasba aiska ra wimna man mayunra briaia aitani sma, yang lilia pali sna swaki ai sakram bamna.

Aiseya 1:7

Tasbayam ba sauhkan sa, upla iwras tasbaya baku swin, tawan tara nani ba angkan amisa. Man nani kaikisma waihlam nani bal man nani mangkram ba bri pîsa, upla iwras tasbaya baku sa Sodoma slingban kan ba baku.

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Aiseya 10:32

Wan waihla nani naiwa bal Nob ra takaskbia; Saion ilka ba mapara aiklabaia sainka, yabisa Jerusalem ilka bîla ba.

Aiseya 29:3

Man mampara tnamya kir waihlam nani bapamna, kan kahbaika pliska nani wal mai kutbamna, tnamya kir yukuwi mampara aiklabaia nani ba blikamna.

Aiseya 30:17

Upla kumi mita tausin kum munka plapbia tayahkan kan ba mita: upla matsip mita tayahkanka daukbia ba mita man nani sut plapma, upla maura baman takaskan kabia il purara dus kumi bâra ba baku, apia kaka sain kum kiuhsi kum purara swin ba baku.

Aiseya 37:22

Naha bîla nani sika Dawan aisan ba, Asiria kingka ba dukiara: “Saion luhpia mairin tiara baku Senaquerib lawaska kikisa. Man ninamra, Jerusalem luhpia mairin ba, ai lal wauhisa man mahka taki auma ba ra wisi.

Aiseya 37:4

Ban kra Dawan man Gâdkam walbia naha bîla aisanka nani ba, witin ra sika Asiria kingka ai Dawanka ba mita blikan ba Gâd rayakira ra lahtubaia dukiara, bara sturi saura nani wiaia dukiara sin, naha bîla aisanka nani ba sika man Gâdkam pat walan sa, bahamna kau kiamka nani tila takaskan nani na dukiara puram suns.’ ”

Aiseya 4:4

Dawan ba ai karnika ni lâka daukbia bara Saion luhpia nani tâski ra ba sut sikbi sâkbia. Jerusalem ba klin daukbia, witin nani kaiki lâ sahwan ba wina.

Aiseya 49:21

Bara man kupiam lukra ra wima: ‘¿Ya mita naha nani luhpia na aikan? Yang luhpa âpu katna, sip sin briras katma; yang ai lulkan bara yang yakan katna, ¿ya mita pakan? Yang ra yakan ai swin kan, ¿ansa wina balan?’ ”

Aiseya 62:11

Dawan mita naha sturka na maisa pakisa tasba aiska ra upla sut walaia: “Man nani Saion tawanka ra wis: Kaiks man sasakrikam ba pat aula. Dawan lika ai uplika nani ba wal aula, ai warkka daukan ba mana witin ai mawanra yabia.”

Aiseya 8:8

lisamra ba Juda purak aubi kabia nana kat. Tnawira ai tnawa nani ilingki ba baku kabia, tasbayam ba, Imaniuel mita, kutbi bribia.”

Jirimaya 4:17

Juda ba kir kutbia insla ra daiwan aihwaki kaiki baku, kan Dawan mapara buan ba mita. Yang, Dawan, kasak aisisna.

Jirimaya 6:2

Saion luhpia mairin ba sin twi tasbaya pranakira kum baku sa, baha ba sauhki tikan kabia,

Inanka Nani 2:1

¡Nahki Dawan ai lawanka tara ba wal, Saion painkira ba tihmu daukan kasbrika distika ni! Kasbrika pura ba wina tasba kat bataki ba baku, Israel prana ba batakan sa; witin ai lawanka ba yua ra, ai mina taibaika ba dukiara kat sin ai kupia krawras kan.

Inanka Nani 2:6

Witin âimplikra baku, Dawan wal prawaia watla ra diman, bara asla takaia pliska kata ba sut sauhki tikan sa; lilia dauki yua tara nani, bara ris yua nani sin sut Dawan mita yaban âuya tiwan, bara ai kupia baiwanka laptika ba mita prîs ba bara king ba wal ra lulki swin.

Sakaraya 2:10

Dawan kasak aisisa: “¡Liliakira aiwans, Jerusalem uplika nani, kan yang lika man nani tilamra iwaia aulna!”

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Jan 12:15

“Si bripara, Saion tawanka; kaiks, man Kingkam ba aula, biriku kum purara uli.”