Aiseya 1:5 - DAWAN BÎLA AISKA

⁵ ¿Dîa muni man nani klala kau makabisma? Wînam aiska ba mai wipan sa. Lamla ba insauhkan sa, karnikam sin aiska âpu pali takram sa.

Aiseya 1:5 ပူးပေါင်းရင်းမြစ်များ

2 King Nani 1:13

Kli aima yumhpa ra kiaptin wala ba blikan, ai aiklaklabrika nani 50 ba aikuki, bara naha kiaptinka na lika Ilayas bâra kata kat bal, ai lula kriki makaban: —Pliskam pali, prapit, rayaki na kulks bara naha nani 50 waitna na sin.

2 Kronikas 28:22

Bara pât tilara kan sakuna, witin Dawan ra tniwras kata. ¡King Ahaz ba baku kan!

Nihimaya 9:34

Yang nani kingki nani, wihtki nani, prîski nani, aisiki nani sin sut, man lâmka bîla ba kat alki daukras kan, walras baku kan man adarkam nani yabi ai kupia krauki kapram ba.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 31:6

Israel luhpia nani, witinka ra kli tawi bal, witin mapara man nani sîa briras pali buram ba.

Aiseya 33:24

Bara iwi nani ba wibia apia: “Yang siknis sna.” Bahara iwi uplika nani watawanka nani ba Gâd mita ban swih tikan kabia.

Aiseya 9:13

Upla nani ba klala brin, sakuna witin nani Gâd ra ai kupia lakras, karnika sut bri Dawanka ba plikras.

Aiseya 9:21

Manasés mita Efraín ra sauhki tikisa, Efraín mita Manasés ra, bara wâlsut Juda mapara buisa. Ban sakuna baha sut ba mita Dawan kupia baiwanka ba takaskbia apia, ai mihta bukan ba ban sa.

Jirimaya 13:23

¿Upla taya siksa kum sip sa ki mapla wala briaia? ¿Limi bulni kum sip sa ki ai bulnika ba tikaia? Bamna man nani sin sip apia, saura dauki kaia pat lan takram ba wina swiaia, bara yamni daukaia.

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Jirimaya 2:30

Bahki baman luhpiam nani ra klala yabri, smalkanka ba witin nani lan takaia brin daukras. Man nani klauna layan kras baku, prapitkam nani ba ikram.

Jirimaya 44:15

Bara waitna nani bâra kan, witin nani kaiki kan ai maya nani ba gâd wala nani ra diara kîa pain nani angki yabi kan ba, mairin nani ba bâra kan, witin nani ba pat upla ailal asla takan kan, Ju nani sin Idsip tasbaya waupasa tani ra iwi kan ba, baha nani sut Jirimaya ra win:

Jirimaya 5:3

Dawan, man plikisma ba sika kunin aisaras uplika ba. Man bui witin nani ra klala yabram, sakuna baha witin nani ra latwan yaras kan; man bui witin nani ba sauhkram, sakuna witin nani diara lan takras. Kiamapara nani, walpa baku karna, yabal yamni ba ra witin nani kli tawi balaia apia lukan.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Jirimaya 5:5

Bara yang wîri upla diara tânka bri nani ba wal aisamni. Witin nani lika, namhpa namhpa lukras kira, Dawan dîa brin dauki ba Gâd adarka nani ba tânka bribia. Sakuna witin nani sut sin Gâd mapara buan, bîla wali daukaia apia win.

Jirimaya 9:3

Piu bani ra kunin aisaia ridi ban sa trisbaya nani pantamangka wina lulki ba baku. Witin nani ai kuntrika ra kunin lâka ba king aimakisa, kasakka lâka ba lika apia; saura dauki ba wina kau saura pali daukisa, bara Dawan ba sin kasak aisisa: “Witin nani ai kaikaia takan daukras.”

Inanka Nani 5:17

Naha tâka mita, yang nani kupi ba sikniskira sa, naha nani sut tâka mita sin, yang nani naikra nani ba pukni takan sa.

Isikiel 24:13

‘Jerusalem, yang brinki kan tâski ba wina pri lâka brima, kuna man klin takras kapram. Man klin takma, yang kupi sauhkanka puramra blikamna ba kat lika.

Isikiel 34:16

Sîp tiwan nani ba plikamna, yabal tnaya ra wan nani ba bri balamna, mina kriwan nani ba kwala blakamna, swapni takan nani ba main kaikamna, batana bara karna nani ba main kaikamna. Yang mita main kaikamna nahki ba baku.

Isikiel 34:4

Man nani sîp swapni takan ba tâ baikras, siknis nani ba rakras, mina kriwanka ba sin blakras, tnaya ra tawuya nani ba kli brih balras, tiwuya nani ba sin plikras, kuna karna lâka ni munisma.