Aiseya 1:3 - DAWAN BÎLA AISKA

³ Wark bîpka wainhka ba ai dawanka kaikisa, biriku sin ai dawanka daiwan watla ba; sakuna Israel yang upliki nani ai dara walaia tânka âpu sa.”

Aiseya 1:3 ပူးပေါင်းရင်းမြစ်များ

Lawana Nani 94:8

¡Tânka bris, upla lal karna bara taniskira nani! ¿Ahkia kat man nani diara tânka brima?

Sins Lâka 28:5

Watawikira nani ba kasakka lâka tânka briras, sakuna Dawan ra plapi tauki nani ba sut tânka brisa.

Sins Lâka 6:6

Papu ra wih kaiks, sringwaskira, kaiks dîa dauki ba, bara smalkanka ba lan taks.

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Aiseya 42:20

Witin diara manis kaikisa, sakuna tânka nani ba kat sip alkras; binka nani ba walisa, sakuna tânka ba sip briras.

Aiseya 44:18

Baha uplika diara nu âpu, tânka sin briras; kan ai nakra nani ba sut blain sa, ai kupia sin baku sa diara tânka briaia.

Aiseya 5:12

Pata tara dauki ba ra, arp, gitar tara, kingbi nani, plut bara wain sin bâra brisa; sakuna Dawan warkka nani ba lika kaikras, Dawan mihta warkka nani ba dukiara sin luki kaikras.

Aiseya 5:13

Baha mita, witin nani walaia apia luki ba tâka upliki nani ba priski brih wan kabia. Tawan sut bara ai wihtka nani ba sin, plun wahwan mita bara lî diran mita sut prubia.

Aiseya 56:11

Yul plun sanglang tauki nani ba, plun pi kabia sin, sip biara banhras sa, sepad nani diara tânka briras; kumi bani ba ai yabalka kat wapisa, kumi bani yakan ai yamnika briaia plikisa.

Jirimaya 10:14

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Jirimaya 10:8

Witin nani sut ba sinskas baman sa, sins bri uplika nani apia sa. ¡Dus pîs kum ba wina witin nani ra smalkaia diara âpu sa!

Jirimaya 35:16

Recab luhpia waitna Jonadab kiamka nani, ai damika aisi adar yan ba kat wali daukan; sakuna man nani tawi, Israel luhpia nani lika yang bîli wali daukras.

Jirimaya 4:22

“Yang upliki nani sika kiamapara, ai kakaira apia —Dawan baku aisisa—. Witin nani tuktan baku diara luki kaikras, laki sin kaikras. Diara saura daukaia sinska lika manis brisa, sakuna yamni daukaia tânka lika briras.”

Jirimaya 50:6

Yang upliki nani ba sîp nani tiwan baku kan, sepadka nani mita saura tapahkan, swin il nani ra wih aimawahkaia. Il kum wina il wala ra wan, ai klarka nani kata ba sin ban âuya tiwan.

Jirimaya 8:7

Suki kasbrika ra pâli ba sin ai dara walisa ahkia kli tawi balaia. Butku, plipli, yami sin, witin nani nu sa ahkia plis wala ra waia. Sakuna man, yang upliki nani lika yang lâika nani ba kakaira apia sma.

Isikiel 16:30

Yang, Dawan ba, naku wisni: ¡Dîa sikniska kupiam ba bri kan, ur lâka, diara yamni kaikaia apia dukia ban daukram kaia!

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Oseas 2:8

“Sakuna witin aisaras kan yang wina plawar, wain, batana laya yabi kapri; yang sika silbar, gul ailal yabi kapri ba, witin baha brih, ai gâdka bahki nani lilka paski kan ba.

Matiu 13:19

Yabal ra saumuk nani kauhan ba lika, Gâd king aimaki ba lâka sturka yamni walan sakuna tânka briras nani ba baku sa; dibil ba aula, bara ai kupia ra sturi yamni mangkan kata ba, mihta dakbisa.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

2 Pita 3:5

Witin nani kaikaia want apia sa, kasbrika pura ba lika patitara piua wina ban bâra sa. Gâd aisin bara tasba na lî wina bal takan, bamna tasba na lî ba tâka mita nâra sa.