Aiseya 1:24 - DAWAN BÎLA AISKA

²⁴ Baha mita, karnika sut ba Dawanka, Dawan karnakira Israel ra bâra ba, witin aisisa: “¡Baha kat aitani! Yang waihli nani lâka ba daukamni. Yang bui witin nani ra pana munamna.

Aiseya 1:24 ပူးပေါင်းရင်းမြစ်များ

Blasi Sturka 49:24

Sakuna Josep ai klahkla nani karna bri bamna, ai trisbaika nani ba karna alki brisa; tingki Jekob Gâdka karnakira ba ra; tingki baha Sepadka nina ra, Israel kan kahbi ba.

Lawana Nani 132:2

witin bui Dawan ra swer aisi bapi bûi kaia win ba:

Aiseya 12:6

Liliam bri wini aiwans, Saion ra iwisma ba; Israel Gâdka Holikira, man nani tilamra bâra ba tara pali sa bamna.”

Aiseya 30:29

Sakuna man nani mampa tani lika aiwani lilia tara daukaia brima, tihmia ra Dawan liliaka tara dauki baku; kupiam lilia pali kabia plut puhbi kan Dawan ilka ra waia, Israel yukuwaika ra waia wapi ba baku.

Aiseya 35:4

Kupia sibrinkira nani ra wis: “¡Man nani kupiam karna dauks, si bripara! Kaiks nâra sa man nani Gâdkam ba man nani swaki mai sakaia, bara waihlam nani ba klala yabaia baha klalka witin nani briaia kan ba.”

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Aiseya 59:18

Dawan mita upla kumi bani ra dîa daukan ba praiska kat mana aibapbia; ai waihla nani ra klala yabia; witin ra misbara kaiki nani ba mana dîa briaia ba kat yabia; kabu un ra iwi kuntrika nani ba ra sin.

Aiseya 60:16

Plun kau pain ba nisan nani wina man ra maikbia, king nani ba diara kukan manis man ra brih balbia; bara man ai kakaira takma Dawan ba, yang, yang na man mai swaki mai sasakra.

Aiseya 61:2

Dawan yamni kaiki manka ba smalkaia, yawan wan Gâdka ba mita wan waihla nani ra pana munbia yua ba. Sari bri nani ba sut sin maisa nihkaia ai blikan.

Aiseya 63:4

Yang luki kaikri yua kum bâra kabia kasak lâka ba daukaia; yang upliki ba atki sakaia piua ba sin aimakan sa.

Jirimaya 50:34

Sakuna witin ra swaki sasakra ba sip pali sa, ai nina ba Dawan karnika sut brisa. Kasakka lâka ba witin mita daukbia; kupia kumi lâka ba ai uplika nani kuntrika ra yabia, bara sirang tara iwaia ba Babilon uplika nani ra yabia.”

Jirimaya 9:9

¿Baha daukanka nani ba tawi klala yabaia apia sna ki? ¿Tawan kum dîa daukan ba mana, yang kli yabaia apia sna ki? Yang, Dawan, kasak aisisna.

Isikiel 16:42

Bara man mampara kupi baiwanka ba, âiyapah brimna; bara lawanki lamni takbia, lamni takamni bara kau kupi baiwi kamna apia.

Isikiel 21:17

Yang sin maisa pakamni kupi aisawanka lamni takbia kat. Yang, Dawan, naku wisni.”

Isikiel 5:12

Man nani wina dakni kum ba, siknis mita bara plun wahwan tâka prubia man nani tilamra; dakni wala kum ba sord ra kauhan kabia, ai lahma nani ai lama kir bâra ba mita; bara daknika yumhpika ba lika tasba aiska ra yakabi lakamna, pâsa mapa walhwal ra. Bara witin nani nina ra sordki mihti ra brih wamna.

Isikiel 5:13

Bara yang kupi baiwanka ba sakamna; bara lawanki witin nani mapara ba âuyapah lâka daukamni, bara daihra walamna. Bara lawanki witin nani mapara mangkamna ba ra, ai tânka bribia, yang Dawan ba mita sika wîri lawanki tara tilara.

Miqueas 5:15

Kupi baiwanka pali ni, baha tasbaya uplika nani bîli wali daukras ba mapara saura munamna.”

Kli Smalkanka 28:63

Bara Dawan mita man ra pain mai lukan yamni mai daukaia man ba ailal sahwi kaia, nanara sin baku pain mai kaiki kabia, mai slingbi mai sauhki tikbia ba sin pain kaikbia, saura wina wakia wal mai daiki sâkbia baha kuntrika man briaisma ba wina.

Kli Smalkanka 32:43

“¡Nisan nani, Gâd uplika aikuki lilia bas! ¡Witin pana muni ikbia ai albika nani tnata mana pana munaia lâka bal bribia ai waihla nani dukiara bara ai kuntrika uplika ra pâtka ban swih tikbia!”

Hibru Nani 10:13

Nanara witin bahara bîla kaikisa, Gâd mita ai waihla nani ba ai mina munhtara mangkbia ba kat.

Param Marikanka 18:8

Baha tâwan, yu kumi bilara ai pâtka tara nani ba balbia: prura, sari, bara plun wahwan; witin ba pauta ni angkan kabia. Kan Dawan Gâd, witinka ra lâka dauki ba, karnakira sa.”