Aiseya 1:23 - DAWAN BÎLA AISKA

²³ Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 1:23 ပူးပေါင်းရင်းမြစ်များ

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Impakan Sturka 23:8

“Upla kum taiban lâka ra ai lâka ba wapni dauki yama wisi lalah maikbia kaka, alkpara; kan baku lalahka alki uplika ba, nakras takisa bara upla pâtkas ba ban yan pâtkira daukisa bamna.

Sins Lâka 17:23

Upla rugkira ba lika saura daukaia mana aibapan ba, yukuwan ra alki brisa, baha ni wapni daukaia yabalka ba, tnaya ra warbi lakaia dukiara.

Sins Lâka 29:24

Âimplikra wal tauki uplika lika, ai rayaka pali ra misbara kaikisa; kan lahtubanka bîla aisin ba walisa bara ai dahra sakras.

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Aiseya 1:22

Silbar katma ba bara nanara dipasta takram, wain pain katma ba, nanara lî takram.

Aiseya 28:14

Bahamna man nani kakikra, upla mina pruki nani Jerusalem ra uplika nani wihtka aimakisma ba, man nani bui Dawan bîla na wals.

Aiseya 3:14

Dawan bal upla lâ ra paiwbia, tawan almukka nani ra, wihta nani ra wibia: “Man nani sika wainki nasla ba âpu daukisma; bara umpira nani dukia ba implikram, baha dukia nani ba wamtla nani ra dingki main kaikisma.

Aiseya 30:1

Dawan kasak aisisa: “¡Alai pali kabia baha luhpa nani maipara babura nani ba diara dukaia kulki bara ai tilara ai briras ba ai warkka daukaia lâka dauki ba yang bui witin nani daukaia wiras sna, warkka nani ba daukisa, bahamna saurka kum purara saurka wala prakisa!

Aiseya 33:15

Witinka kasakka lâka kat wapni ba, wapni lâka kat sturi aisi ba, witinka lâ krikanka wina diara nani pura praki briaia misbara kaiki ba, witinka taiban lâka wina diara briras, bara prisant nani ni sin atkras ba, ya baha bîla walras upla ikaia ba dukiara, bara ai nakra prakisa saura ba kaikaia apia mata,

Aiseya 5:23

Pâtkira ba lalah aibapi ba mita, man nani brih pâtkas wisma, man nani pâtkas uplika nani raitka bri ba yaras sma.

Aiseya 65:2

Maipara babura uplika nani mawanra, yu aiska yang mihti sakbri, witin nani sika yabal yamni apia bâk impakisa, ai kupia lukanka saura nani ba ninara;

Jirimaya 22:17

“Sakuna man lika yakan briaia trabil taki lukisma saura dauki sakram ba wina, pâtkas nani ba ikaia daukram, uplikam nani ba taibisma bara dukia dakbisma.”

Jirimaya 32:32

witin nani naha daukanka nani sut dauki kupi sauhkan ba tâwan, Israel luhpia nani, Juda uplika nani, ai kingka nani ba sin, tâ bri uplika nani ba, prîska nani ba, prapit nani ba, upla sut Juda ra bara Jerusalem ra iwi ba âpu daukamna.

Jirimaya 4:17

Juda ba kir kutbia insla ra daiwan aihwaki kaiki baku, kan Dawan mapara buan ba mita. Yang, Dawan, kasak aisisna.

Jirimaya 5:5

Bara yang wîri upla diara tânka bri nani ba wal aisamni. Witin nani lika, namhpa namhpa lukras kira, Dawan dîa brin dauki ba Gâd adarka nani ba tânka bribia. Sakuna witin nani sut sin Gâd mapara buan, bîla wali daukaia apia win.

Jirimaya 5:6

Baha tâka mita layan nani taki bal witin nani ba ikbia, upla iwras tasbaya wina yul wail nani bal drusbia, bara limi bulni nani mita sin ai tawanka bîla kat dimi witin nani takbia bara alki aubi kalkbia; witin nani sika saurka ailal pali daukan bamna, aima ailal upla pât ra lakan.

Isikiel 12:2

“Upla luhpia, man upla mapara babura tilara iwisma; baha nani ai nakra nani brisa kaikaia kuna kaikras, bara ai kiama bri banhwisa walaia kuna walras, kan mapara babura uplika sa bamna.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Oseas 5:10

Dawan aisisa: “Juda wihtka nani ba sin baha uplika nani ba baku sa, tasba piarkika ba wina kainara kitbisa. ¡Sakuna yang kupi baiwanka lisamrika ra dingkaisna!

Oseas 9:15

Dawan aisisa: “Witin nani Guilgal ra wan ba wina mahka saura nani sut ba daukisa, bara baha wina, yang bui witin nani ra misbara kaikisna. Diara watawi nani witin nani dauki ba tâwan yang waitla bîla wina kangbi sakaisna; ban latwan kaiki kamna apia, kan wihta nani ba sut maipara babura nani taki ba mita.

Emus 5:12

Yang kakaira sna, man watawankam nani ailal, bara saurkam ban dauki auma ba. Upla kasak nani ra taibi munisma kunin lâka ba brih, bara lâ daukaia pliska ra umpira nani ra raitka yaras munisma.

Miqueas 3:11

Lâ wihtka nani ra, lalah aibapi ai lâka pliki ba baman ra raitka yabisa, tawan wihtka nani ba, prîs nani ba sin, ai mana briaia dukiara baman smalkisa, bara prapit nani ba lalah mana baman dahra aisisa, ai raitka briaia dukiara blahwi aisisa, Dawan bui witin ra ai tâ baikisa, bara naku wisa: “Diara saura yawan ra balbia apia, kan Dawan yawan wal sa.”

Miqueas 3:9

Bamna naha na wals, Israel tâ brabrira bara wihtka nani, man nani kasakka lâka ra waihla kaikisma ba, bara wapni lâka ba, warbanka lâka ra lakisma ba:

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Miqueas 7:3

Witin nani lika, diara saura daukaia smasmalkrika nani sa; wark lalka tara nani ba, pana yabia dukiara taibi munisa, lâ dadaukra nani ba ai mana tara kulki implikisa; upla tara karnika bri ba sin, ai kupia brinka ba kat baman lâ nani ba daukisa, bara tawan uplika nani sin witin nani dauki ba wal warha daukisa.

Sakaraya 7:10

Piarka nani ra, rau nani ra, tasba wala uplika nani tilamra ba, upla umpira nani ra, lâ wirhika witin nani purara kahbiara. Pana pana walkam ra sin saura munaia lukpara.”

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Kulki Kaikanka 22:7

Moab bara Madián almukka nani sut ai mihta ra lalah nani bri aidrubi wan, lahtuban bîla nani aisabia ba mana aibapaia dukiara. Witin nani Balaam bâra kan ba kat wan ba ra, Balac ai bîla blikan ba maisa pakan.

Matiu 21:13

bara baha nani ra naku win: —Ulbanka ra wisa: ‘Yang waitla ba pura sunra watla win kabia’; sakuna man nani âimplikra nani watla daukram sa.

Mark 11:17

Bara witin nani ra smalki win: —Ulbanka nani ra naku wisa: ‘Yang waitla ba tasba aiska ra upla nani ai pura sunaia watla mâkan kabia’, sakuna man nani lika âimplikra watla daukram sa.

Luk 19:46

naku win: —Ulbanka ra naku win sa: ‘Yang waitla ba pura sunaia watla sa’; sakuna man nani mita âimplikra nani watla daukram.

Luk 24:27

Bamna mahka Ulbanka nani witin ai tânka aisi nani ba saki tânka smalkan, Moses wauhkataya nani wina ban prapit nani ulbanka nani ba kat.

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.

Jems 1:27

Gâd Aisa mapa ra kristian lâka klin bara tâski âpu ba naha sika: Tuktan rau nani bara piarka nani ra hilp munaia, bara naha tasbaya dukia saura nani wal tâski takaia apia.

1 Samuil 8:3

Ban sakuna, luhpia waitna nani ba ai aisika dauki kan natka baku daukras, witin nani lika lalah lalihkra nani takan, upla wina lalah brin bara lâ kasak daukaia kan ba daukras.