Aiseya 1:18 - DAWAN BÎLA AISKA

¹⁸ Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Aiseya 1:18 ပူးပေါင်းရင်းမြစ်များ

Job 9:33

Aitani lukaina wan tilara lâ dadaukra kum kata, witin sin karnika bri kan kata, yawan wâl wan purara.

Lawana Nani 51:7

Inta wahia kîa pain ba ni, tâskiki sut ba wina sunu ai sâks; sikbi ai sâks, bara wahmuk pinhka baku kau pihni takamna.

Lawana Nani 51:9

Saurki nani ba, namkra wina laihura sâks, bara watawanki nani sut ba wina sin diki ai sâks.

Aiseya 1:23

Wihta nani brisma ba, mapara babura nani sa, bara âimplikra nani pânika banhwisa. Witin nani sut ba lalah mana ai wîna atkisa, witin nani prisant pliki taukisa. Rau nani lâka kasak ba sin yaras. piarka mairin nani lâka sin daukras.

Aiseya 3:13

Dawan ridi taki buisa lâ aisaia dukiara, bâra sa ai uplika nani lâka daukaia.

Aiseya 41:1

“Man nani kabu un ra iwi uplika nani, sâp taki yang ra wals. Nisan nani aiklabaia dukia nani bri karnikam aiska ni, ridi taki banhs. Bali banhs bara kaisa wal aisi kaikaia naha tânka dukiara; kaisa asla taki sturi aisi kaikaia.

Aiseya 41:21

Dawan, Jekob kingka witin aisisa: “Aidul nani, bal, man hilpkam aisas, dîa daukisma raitkam aisas.

Aiseya 44:22

Maipara buanka nani man daukram ba sut yang slingbi tikri, mukus kum awi tiwi ba baku. Kli yang ra tawi bal, kan yang atki mai sakri bamna.”

Aiseya 50:8

Yang laima pali ra sa tâiwan aisi uplika ba: ¿Ya yang maipara diara brisa ki? ¡Kaisa yawan aikuki wihta ra waia! ¿Ya ba yang tâinka nani daihra sâkbia ki? ¡Wis bal ai wibia!

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Jirimaya 2:5

Dawan aisisa: “¿Almukkam nani ba dîa saura daukri ai kaikan, baha tâwan yang wina laihura taki wan ba? Gâd apia diara bahki nani ba ninara witin nani wan, bara witin nani sin baku diara bahki takan.

Isikiel 18:27

Natka wala ra, saurakira ba, tnaya ra takbia ai saurka wina bara wapni lâka bara kasakka lâka daukbia kaka, ai rayaka swaki sâkbia.

Isikiel 33:16

Kan nanara yamni bara kasak lâka ra tauki bamna, raya kabia; bara kli kupi kraukamna apia saurka lâka daukan nani ba.’

Miqueas 6:2

Il tara nani, tasba playka karnika bapanka nani sin, Dawan lâ aisi dauki ba man nani wals; Dawan lika ai uplika nani mapara lâ aisi daukaia brisa, Israel mapara karna blahwaia sin brisa.

Apastil Nani Sturka 17:2

Pal ai natka kan ba baku, witin Ju nani priaska watla ra wih diman. Wik yumhpa bahara takaskan bara ris yua bani baha uplika nani wal aisi kan.

Apastil Nani Sturka 18:4

Ris yua bani Pal lika Ju nani priaska watla ra wan; bahara witin trai kaiki kan Ju nani bara Grik uplika nani sin kupia alkaia.

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Roman 5:20

Bamna Moses lâka balan saurka ba kau manis takaia dukiara, sakuna saurka ba kau manis takan ba ra, Gâd kupia yamnika ba kau tara pali takan.

Param Marikanka 7:14

Yang bui wîri: “Dawan, man baman kaikisma; yang lika kaikras.” Bara witin ai wisata: “Naha nani sika trabil tara bâk lui aula ba, bara ai kwalka nani tuskan ba Sîp Luhpia ba tâlia ra pihni daukan sa.

1 Samuil 12:7

Bahamna nanara man nani ridi taks, Dawan mawanra man nani wal aisaia sma, witin ai warkka nani sut man nani wal daukan ba, damikam nani wal sin yamni daukan ba hilp munaia.