Abdías 1:4 - DAWAN BÎLA AISKA

⁴ Yakal tara pâli baku purara pali uli slilma nani tilara wamtla mâkma kra, sakuna baha wina yang mai batakamni.” Dawan ba kasak aisisa:

Abdías 1:4 ပူးပေါင်းရင်းမြစ်များ

Aiseya 10:14

Yang mihti ra upla nani dukia kukanka ba alkri, tasba aiska ba karniki ra, alki briri piawira ai watla ra ai mahbra nani lulki swin upla kum bal alki bri ba baku, bara upla kumi sin âpu kan ai tnawa ilingkaia, piawira kumi sin âpu kan wasbaia.”

Jirimaya 49:16

Kupiam prautka mita kunin mai munan, upla ra sirang tara ikaia daukisma. Walpa tara nani untika ra dimisma, il nani bahna ra sin bâra sma. Yakal tara baku wamtla bahara mâki kama sin, baha wina mâyara mai batakamna. Yang, Dawan, kasak aisisna.

Jirimaya 51:53

Babilon ba purara wih kasbrika purkara ulbia sin ai kan kahbaika pliska purara pali mangkaia dukiara, waihla nani ba blikamna witin nani ba sauhki tikaia. Yang, Dawan, kasak aisisna.”

Emus 9:2

Witin nani tasba mununhtara salhki dimbia sin, yang baha wina alki sakamna, kasbrika purara uli wabia sin, baha wina batakamna.

Abakuk 2:9

¡Man nani sarkam pali ai daukisa, wamtla ra implikan dukia nani wal banhki dauki brisma ba, baha dukia nani ba ni yukuwaikam brih pât nani aula ba wina swak takaia lukisma!