Abdías 1:21 - DAWAN BÎLA AISKA

²¹ Baha nani sut pura lui buaia karnika ba wal, bal Saion ilka ra uli wabia Isau ilka nani tasbaya lâka daukaia. Bara Dawan lika baha nani kingka aimaki kabia.

Abdías 1:21 ပူးပေါင်းရင်းမြစ်များ

Blasi Sturka 25:23

Bara Dawan pana witin ra win: “Biamra bilara nisan wâl bâra brisma, upla sâtka wâl bâra sa, bara nanara wina witin wal pana pana unsabi aiklabisa. Kumi ba kau kanra kabia wala ba wal, almukka ba mita ai ningkara bawi kabia.”

2 King Nani 13:5

Bara Dawan bui Israel ra swaki sasakra kum yaban, bara Siria uplika nani karnika ba wina pri sakan, bara Israel luhpia nani ba kupia kumi kli ai watla nani ra wih iwi kan, kainara kan ba baku.

Nihimaya 9:27

Baha mita man bui witin nani ra sin ai waihla nani mihta ra mangkram, waihla nani mita taibi kan. Witin nani ai pâtka saura wahwan bara man ra winan, bara man, laih kasbrika ba wina, witin nani ra umpira kaiki walram; bara tâ uplika nani yaram tataibra nani ba karnika wina pri sakaia.

Lawana Nani 102:15

Nisan nani bara tasba kingka nani sut, Dawan nina ba prana dauki kulkbia.

Lawana Nani 22:28

Kan Dawan sika king, bara witin sika nisan nani purara karnika alki ba.

Lawana Nani 22:29

Man nani, witin ra bawi bas, witin ra baman mayuni bas man nani sut diara ailal bri iwisma ba, baha nani sut tasba yuya ra tawaia kan ba, witin nani yakan ai wîna ra rayaka âpu ba.

Lawana Nani 47:7

¡Man nani lawana kum Gâd ra aiwans, kan witin sika tasba aiska kingka sa!

Lawana Nani 67:4

Yarka nisan nani ba liliakira mai winbia, man wihta aimakisma lâka ba, upla nani ra kasakka lâka kabia; ¡man sika tasba aiska ra nisan nani ba tâ brisma!

Aiseya 19:20

Baha ba sain kum, witnis sin kabia karnika sut bri Dawanka ra Idsip tasbaya ra. Witin nani Dawan hilp makabi winbia, witin nani ra rausasauhkra nani ba mapara, bara witin, baha nani ra swaki sasakra blîkbia, kan suni pri sâkbia dukiara.

Aiseya 24:23

Karnika sut bri Dawanka ba, witin king baku ai warkka daukbia ba ra Saion ilka ba ra, Jerusalem ra. Kati, lapta tihmia takbia bara wihta nani ba Dawan prana ba kaikbia.

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Daniel 2:35

Wan nakra klipan kum baku baha ayanka, slaubla ba, bras ba, silbar bara gul ba sut yamhpus baku takan, mani piua ra plawar taya pukbi baku, pâsa mita brih wan mina taibanka yawan sip kaikras ba baku daukan. Sakuna baha walpa ni lilka paskan ra prukan walpaya ba lika, il tara kum takan tasba aiska ra.

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Daniel 7:14

Bara witin ra yan karnika, prana ba bara king lâka ba sin, bara upla sâtka bani ba sut, bîla sât sât aisi ba sut ra sin yan dukia dauki kan. Ai karnika ba ban kaia ra sa, ai kingka lâka ba sauhki tikan kabia apia.

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Joel 2:32

Sakuna ya ya Dawan ra makabi ai pura sunbia ba, baha nani pruras swak takbia. Saion ilka Jerusalem ra swaki sakan lâka ba bâra kabia bamna, Dawan pramiska baku takbia win ba baha bîla kat aimakbia. Witin mita bâk sakan uplika nani baman, pruras raya kabia.”

Sakaraya 14:9

Baha yua ra, wan Dawan ba tasba aiska ra king aimakbia. Wan Dawan kumi baman kabia, ai nina sin kumi baman kabia.

Matiu 6:10

Man king aimakaia ba yarka balbia. Man kupiam lâka tasba ra daukan kabia, kasbrika purara dauki ba baku.

Matiu 6:13

Traika kaikan tilara ban wan swipara, sakuna saura ba wina dakbi wan sâks.’

Luk 22:30

Man nani plun pima, diara sin dima yang tibilki ra king aimakaisna ba ra, bara king iwaika nani ra iwi, Israel kiamka 12 ba lâka sin daukma.”

1 Timoti 4:16

Man pali wînam ba kat aman kaiki bas, bara smalkankam ba sin, naha nani na ban dauki bas. Man naha na daukma kaka, wînam ba swaki sâkma, bara upla nani man ra wali banhwi ba sin baku takbia.

Jems 5:20

man nani kaiki bas; ya ya mita saura dadaukra kum ra ai yabalka saura wina kli wapni ra mangkbia kaka, baha uplika sulka ba prura wina swaki sâkbia, bara saurka ailal ba sin swih tikan kabia.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 19:6

Upla ailal bîla baikra baku sin walri, lî aubra binka baku, alwani nani karna binka baku sin. Baha nani naku aisi kan: “¡Dawan nina mayunan kabia! Kan Dawan ba wihta aimakaia lâka ba bukan sa, wan Gâdka karnika sut bri ba.

Param Marikanka 20:4

Bara yang lika king iwaika nani kaikri, baha nani purara iwi nani kan ba sin; witin nani ba lâ daukaia karnika brin kan. Bara yang kaikri baha nani Jisas witniska taki kan bara Gâd sturka yamni ba tâwan, lal dakban sulka nani ba sin. Witin nani lika daiwan saura nani lilka ra sin ai pura suni mayunras kan, baha markka sin ai lal purara bara ai mihta ra yan mangkras kata. Yang kaikri naha nani kli raya takan, bara Kraist wal mani 1,000 king aimakan.

Wihta Nani 2:16

baha tilak witin nani ai tâ uplika wihta nani brin dauki kan, âimplikra nani ai dukia ai mihta dakbi ba wina pri sâkbia dukiara.

Wihta Nani 3:9

witin nani Dawan ra ai pura sunan ba kat Dawan, upla kum sakan witin nani ba pri sakaia. Naha nani swaki sasakrika yaban ba nina sika Otoniel, Quenaz luhpia, Caleb muihnika sirpika ba.