Abdías 1:11 - DAWAN BÎLA AISKA

¹¹ Waihla nani bal tawan bilara dukia kukanka nani ba impliki kan ba ra, suldiar nani kuntri wala wina bal Jerusalem tawan getka ba kriki kan ba ra, ¡man muihkam tâwan aisaras tnaya ra tawram! Diara nani witin nani brin ba lat lulki kaiki ai mânka tilara yui brih wan, ¡bara man sin witin nani daukan ba baku daukram!

Abdías 1:11 ပူးပေါင်းရင်းမြစ်များ

2 King Nani 25:11

Ningkara tawan uplika nani takaskan kan nani ba Babilon kingka ra tawan nani ba, bara upla wala wark sâtka nani taki ba sut Nebuzaradán kamandantika ba mita alki, Babilon ra brih wan.

Lawana Nani 137:7

Dawan, Edom uplika nani ra luki bas, Jerusalem kauhan bara witin nani wisata: “¡Slingbi tiks, slingbi tiks, baha playka bapan nani ba sut!”

Lawana Nani 50:18

Man âimplikra nani ra lika yamni bri banhwisma; marit lâka sasauhkra nani wal sin asla takisma.

Lawana Nani 83:5

Witin nani lâ kum daukan, man mampara, uplika nani sut ba kumi baku taki:

Lawana Nani 83:6

Edom bara Ismael kiampka nani ba Moab bara Agar kiamka nani sut,

Isikiel 35:10

‘Man wiram: Israel kuntrika ba, ai kingka lâka wâl kira yang duki kabia; yang ai dawanka kamna, Dawan bâra iwi ban kabia.

Joel 3:3

Lat lulki kaiki, yang upliki nani ba yui brin, tuktan waitna nani bara tuktan mairin nani ba atkan, ningkara lalahka nani ba rug mairin nani wal yapaia mana brin, bara wain diaia nani ra yus munan.

Emus 1:6

Dawan naku aisisa: “Gaza uplika nani ba, saura ailal pali daukan, bamna yang, baha nani ba klala yabras swimna apia; kan witin nani mita tawan kum uplika nani aiska alki priski brih wan, bara Edom tawanka ra bri si alba kaia dukiara atkan wan bamna.

Emus 1:9

Dawan naku aisisa: “Tiro uplika nani ba saura ailal pali daukan, bamna yang bui witin nani ba, sip klala yabras ban swimna apia; kan witin nani mita tawan kum uplika nani sut alki priski, Edom tawanka ra bri si, alba kaia atkan, witin nani ai muihni nani aikuki lâ kum dauki bri kan ba.

Nahum 3:10

Ban sakuna, baha karnika sut bri kan ba wal Tebas ba ban priski alki, alba takaia brih wan; tawan yabalka tara nani un ra ai luhpia nani ba, lulki sabi iki kan; tâ uplika tara nani kan ba yaura swiaia sapa kaikaia dukiara, ai tilara lat lulki kaikan, bara alki priski brih wan nani ba sut ra silak ra mangki swin.

Sofonías 2:10

Moab bara Amón wal sika naha ai mana bribia, Dawan uplika nani ra swira daukan bamna, bara Dawan uplika hilpka wal tara takan bamna, Dawan karnika aiska bri ba.