Abakuk 3:8 - DAWAN BÎLA AISKA

⁸ ¿Dawan, man awala nani mapara kupiam baiwan sa ki? ¿Kabu nani ba mapara lawankam tara briram ki? ¿Bamna man pura luaia dukiara, araskam karnakira nani ba waginka ra ulram ki?

Abakuk 3:8 ပူးပေါင်းရင်းမြစ်များ

Lawana Nani 104:3

¡Man wamtla playka nani ba, lî purara bapram sa, laih pura pali ba ra! Kasbrika ba man waginkam daukram; man pâsa tnawa purara impaki taukisma.

Lawana Nani 114:3

Kabu ba, Israel ra kaikan bara plapan, bara Jordan awala ba ai nina ra kitwi wan.

Lawana Nani 114:5

¿Man ra dîa takan, kabu, man plapisma ba? ¿Man ra dîa takan Jordan, ninamra kitwi auma ba?

Lawana Nani 18:10

Bara witin kirubin kum ra ulan bara pâlan; pâsa tnawa nani bâk, witin impaki kata.

Lawana Nani 45:4

Man pramna ba sika, pura lui kainamra auya, kasak tânka ba dukiara aiklabi kaia sa; bara kasakka lâka daukaia, upla bawikira nani ra bara mihtam aihkika ba, ¡kupiam karnika tara ba warkka daukisa!

Lawana Nani 68:17

Dawan ba, aiklabaia waginka nani milian nani brisa; Sainai wina bahara uli balan ai tempelka ra.

Lawana Nani 68:4

Man nani, Gâd ra aiwani banhs, lawana aiwani banhwi bas witin ai nina ra; mayuns kasbrika nani purara uli impaki ba. ¡Dawan ra lilia dauki banhwi bas! Lilia dauki banhwi bas witin ai mawanra.

Lawana Nani 77:16

Man, Gâd kabu ba mai kaikan bara sibrin takan bara lî kau tihu ba sin tatatwan;

Impakan Sturka 14:16

Mihtam ra dus brisma ba kabu purara buki alki bris, kabu ba lilak baiki laks bara yabal takbia, baha tasba lâwan takbia bâk Israel luhpia nani ba wapi lui wabia.

Impakan Sturka 7:19

Baha purkara sin, Dawan bui Moses ra win: —Eran ra wis ai kînka ba alki bara ai klahkla sakbi bribia awala nani sut purara, tingni nani, lakun, lî mâ dakura nani bara lî panhki swin watlika nani sut purara sin; bara baha sut ba tala baman takbia.

Impakan Sturka 7:20

Bamna Moses bara Eran wal Dawan mita dîa daukaia win ba, witin nani baha daukan. Eran ai kînka ba king fero bara ai uplika tara nani mawanra bukan, bara awala laya ra prukan, bara lî kata ba sut tala baman takan.

Aiseya 19:1

Idsip mapara dahra aisin ba: Man nani kaiks Dawan ba kasbrika karna plapi ba kum ra uli: Witin Idsip ra aula. Idsip aidulka nani sut witin ai mawanra tatatwisa, Idsip uplika nani ba, kupia dring sirang sa, ai tila kat.

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Aiseya 66:15

Kan Dawan ba pauta klauhan tilara aula, ai waginka ba alhkablakat baku sa; ai kupia baiwanka laptika ba yakabaia bara pauta klauhan laknika laptika klalka ba sin.

Nahum 1:4

Kabu ra lawi dauki aisi ba ra, laya ba mahka lâwisa, awala nani ba sut sin yan lâwisa. Basán tasbaya tnaya nani ba bara Carmelo ilka ba srawisa; bara Líbano ra dus tangnika nani sin sut srawisa.

Abakuk 3:15

Man araskam nani ba uli kabu aiska kir plapi tawisma, bara lî tara ba ukata man takisa.

Mark 4:39

Bara Jisas bui pâsa ra lawi dauki, kabu ra sin win: —¡Sâp bas! ¡Mahka lamni taks! Bara pâsa ba sâp takan, witin nani sin âuyapah takan.

Param Marikanka 16:12

Insal 6 ba ai kapka ba Éufrates awalka tara purara laikan. Awalka laya ba lâwan, king nani lalma wina aula ba yabalka kum klauhbaia dukiara.

Param Marikanka 19:11

Bara kasbrika pura ba kwawan kan kaikri, bara bahara aras pihni kum kan. Purara uli kan ba nina Kasak bara Kasakkira pali kata, witinka ba wapni lâka ra lâ dauki bara war aiklabi bamna.

Param Marikanka 19:14

Kasbrika purara war daknika nani ba aras pihni nani purara uli, linin kwalka painkira, pihni bara klin dimi, ai nina bliki kan.

Param Marikanka 6:2

Yang kaikri, bara bahara aras pihni kum kata, bara purara uli kan ba lika ai mihta ra pantamangka kum bri kan. Witin ra kraun kum yan, bara witin ba sip muni pura lui bal takan, bara pura luaia mata.