Abakuk 3:4 - DAWAN BÎLA AISKA

⁴ Witin aula ingnika tara kir kutban tilara, bara ai mihta bîla wina, imyula baku ingnika nani ingwisa; baha ni marikisa dîa karnika nani witin bri ba.

Abakuk 3:4 ပူးပေါင်းရင်းမြစ်များ

Nihimaya 9:12

Baha ningkara kakna ra kasbrika playka kum ni witin nani ra tâ bri kapram, bara tihmia ra lika pauta playka ba ni, ai yabalka impaki kan ba ingni yabi kapram.

Job 26:14

Naha na lika witin ai warkka nani pîska kum sa, yawan walan ba lika kârma binka baman, ¿ya sip sa tânka briaia ai alwanika karnakira ba?

Lawana Nani 104:2

man ingni kwalka ni mai srukan sa. ¡Kasbrika purara ba, dur kwalka baku pamisma!

Lawana Nani 18:12

Imyula lakni kum baku, witin mawan ba wina taki bal luan; bara kasbrika nani wina ais bara masku aswan sin auhan.

Impakan Sturka 13:21

Kakna ra Dawan bui witin nani tâ brin, kasbrika playka bapanka kum ba ni, yabal ba witin nani ra mariki kan. Tihmia ra, pauta klauhan playka bapanka kum ni witin nani ra ingni yabi kan. Baku witin nani sip kan kakna ra bara tihmia ra sin ban impaki kaia.

Impakan Sturka 14:20

Kasbrika playka ba Israel luhpia nani bara Idsip war aiklaklabra nani ba wal lilapas kat aimakan. Idsip uplika nani ra tihmia tara baman yabi kan, sakuna Israel luhpia nani ra lika ingni baman yaban. Baha mita Idsip uplika nani ba, tihmia aiska Israel luhpia nani nina bliki kan, sakuna witin nani sip bliki alkras kan.

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Isikiel 1:27

Ai maisa wina pura tani baku ba ra kaikri, ingni mita lipi kan bras karna baku, bara pauta klauhan lama kir kan. Maisa wina mahta tani ra kaikri pauta klauhan baku kan. Ai kaina kir ra, ingnika tara kum bâra kan,

Isikiel 43:2

bara kaikri Israel Gâd prana ba lalma wina aula kan. Bin karna pali wali kan, lî tara binka baku kan, bara tasba ba Dawan ingnika ni ingwan.

Matiu 17:2

Bahara Jisas wîna tara ba aihka takan witin nani mawan kat. Ai mawan ba ingni pali kan sim lapta baku, bara ai prâka ba pihni pali sim ingni baku.

1 Timoti 6:16

Witin baman sika sip pruras ba; witin ba upla sip lamara waras ingnika ra iwisa. Upla kumi sin kau witin ba kaikras sa bara sip sin kaikbia apia. ¡Prana ba bara karnika ba sin ban kaia ra, witin dukia kabia! Baku kabia.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.

Param Marikanka 22:5

Bahara tihmia âpu kabia, bara bahara iwi nani ba lamp ingnika, yu lapta ingnika sin luha kabia apia, kan Dawan Gâd mita witin nani ra ingni yabia, bara witin nani king aimaki kabia ban kaia ra ban.