Abakuk 3:16 - DAWAN BÎLA AISKA

¹⁶ Baha nani daukram sturka ba sut yang walri, bara sibrin ai daukisa; uni nani mahka tatatwan, kuhmi dusa nani swapni takan bara karniki sut tiwan. Sakuna ban yang sâp iwi bîla kaiki kamna, Gâd yawan wan waihla nani ra klala yabia ba kat, wan tataibra suldiar daknika ra.

Abakuk 3:16 ပူးပေါင်းရင်းမြစ်များ

Job 30:17

Latwan ba dusi kat dimi wan, tihmia ra piu wiria pan ris briaia aikras, sirang aikisa mita.

Job 30:30

Taiya na kli siksa takan sa, rih ba mita wîni tara ba ai ami baku sa.

Lawana Nani 119:120

Wîni aiska ba tatatwisa, man mamwanra; lâka aisi daukram adarka ba mamyunisni.

Lawana Nani 91:15

Witin bui yang ra ai winbia, yang pana witin ra aisamni; ¡yang pali sin witin wal kamni! Trabilka ba wina pri sakamni bara kulkanka tara sin yabamni.

Sins Lâka 12:4

Mairin pain ai kulkanka tara bri ba ai maya waitna ra king baku daukisa, sakuna maya mairin saura ba sauhki âpu tikisa.

Sins Lâka 14:30

Wan âuyapah kaia lâka ba, wan wîna aiska rayaka sa, sakuna tuman lâka ba wan dusa kat dimi auya.

Aiseya 21:3

Yang wîni aiska na sirang iwan sa, latwan ba mita ini tasba ra aikarwi kapri, mairin tuktan baiki latwanka baku, sari ba mita aikan sturi walras, sibrin ba mita aikan sip kaikras.

Jirimaya 23:9

Baha bîla prapit nani ra aisin ba: Kasak pali yang ra ai turban; wîni aiska tatatbisa, laya tahpla diri baku sna, waitna kum wain mita pura lui taiban ba, Dawan tâwan sika ai bîla holi ba tâwan sin.

Jirimaya 30:7

¡Trabil saura piua kum baila aula, baha yua pâtka sât kau takras! Jekob uplika nani sarka piua kum, sakuna yang bui witin nani swaki sakamna.

Jirimaya 4:19

¡Yang tirirwi taukisni latwan ba mita! ¡Kupi ba karna pali lakwisa! ¡Yang sip sâp kapras sni, aisaras kaia sip apia sni! Trumpit puhban ba walri, war aiklabaia winanka nani.

Jirimaya 5:15

Dawan ba kasak aisisa: “Israel, yang bui man mampara upla kwâra tara kum laih wina bri balaisna, upla karna patitara uplika nani. Witin nani aisi bîla ba man kakaira apia, witin nani aisi ba man tânka briras.

Inanka Nani 1:13

Dawan mita pura wina pauta blikan, yang dusi nani kat saura pali munan; wan mina alkaia dukia nani wapaiki nani ra mangkan, bara ai munan kli ninira tawri; bara ban ai lulki swin sa, pât wahwi kaia minit bani.

Inanka Nani 1:20

¡Dawan, kaiks yang kupi wirhika na! ¡Laima dusa na baiwaia baku daihra walisni! Kupi ra latwan pali ai taibisa, kiamapara bara mapara babura kapri ba dukiara. Latara lika aiklabaia sordka ba mita yang luhpi nani ra ikisa, bara naha bilara sin prura nâra sa.

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Daniel 10:8

Yang yakan kapri piua ra naha diara aihka kaikanka tara na kaikri. Yang ban pihni pali aihwa takri kata, ban daira wali kapri, karniki nani ba sin âpu pali baku katna.

Daniel 10:9

Aisin walri piua ra, ban swapni pali taki tasba kat kauhi ban prawi kapri.

Daniel 8:27

“Yang Daniel, daihra walri karnika âpu baku kapri, bara yu ailal siknis kapri. Baha ningkara mahka buri bara king dukia daukaia kapri ba mahka daukri. Sakuna kupi ra uya turban pali bri katna, baha diara aihka kaikri ba dukiara, kan baha sip tânka ba briras kapri.

Abakuk 3:2

Dawan, diara tara nani daukram ba walri, bara tara mai kulkisna, sibrin sin ai daukisa. Bara warkkam nani dauki kapram ba naha yua nani ra sin kli dauks, yang nani sin warkkam ba kaikamna; sakuna man lawanka nani tilara ban umpira wan kaiki bas.

Luk 21:19

¡Ban bapi bûi kama kaka, raya ban kaia lâka ba brima!