Abakuk 3:13 - DAWAN BÎLA AISKA

¹³ Man tawankam ra hilp munaia taki waram, bara king ba man mita wahbi sakram, watawikira nani watla bahna ba sauhki tikram, bara plamaya nani walpa karnakira ni paskan ba param sakram.

Abakuk 3:13 ပူးပေါင်းရင်းမြစ်များ

2 Samuil 5:20

Bara Debit Baal-perasim ra wan, bahara filisteo nani ra pura luan. Baha mita Debit naku win: “Dawan ba lisamra baku yang waihli nani lilapas ra aimaki, luaiki ba param daukan.” Bara baku baha pliska ba nina Baal-perasim mâkan.

Lawana Nani 105:15

“Yang bui bâk sakri uplika nani ra kangpara. Yang prapitki nani ra sin saura munpara.”

Lawana Nani 105:26

Bara ai napakanka Moses ba blikan, Eran, witin ba bâk saki brin uplika ba sin;

Lawana Nani 110:6

witin nisan nani mapara lâka daukbia; upla pruan nani wîna ba paski swibia; ¡tasba bani ra upla lal nani ba yaka pana pana prukbia!

Lawana Nani 137:7

Dawan, Edom uplika nani ra luki bas, Jerusalem kauhan bara witin nani wisata: “¡Slingbi tiks, slingbi tiks, baha playka bapan nani ba sut!”

Lawana Nani 20:6

Nanara kaikisni Dawan ba bui batana laikan uplika ra, ai waihla nani pura luaia yabisa; witin kasbrika pura holikira ba wina aisi wibia, bara ai mita aihkika karnika ni, pura luanka tara nani yabia.

Lawana Nani 28:8

Dawan ba ai uplika nani karnika sa, witin hilp munisa baha ai kingka bâk sakan ba.

Lawana Nani 68:7

Man Gâd, tawankam tâura watma, baha upla iwras tasbaya bâk,

Lawana Nani 77:20

Uplikam nani ra tâ briram, man sîpkam daknika ba baku, nampakan Moses, Eran wal ba mita.

Lawana Nani 99:6

Moses bara Eran wal, ai prîska nani tilara sa, Samuil lika nina mayuni ba tilara sa. Dawan wali kan witin nani hilp pliki makabi kan piua ra.

Aiseya 63:11

Witin nani ai kupia kraukan patitara yua nani kata ba, Moses piua ra kata ba bara ai uplika nani swaki sakan ba sin, bara witin nani makabi wali kan: “¿Moses sîp daknika sepadka ba, Nilo awala wina swaki sakan Gâdka ba anira sa? ¿Witin Moses ra ai spiritka holikira yaban ba anira sa?

Aiseya 64:1

Âu, man kasbrika pura ba param saki bâra bal iwram kata, bara man mamwanra, il nani ba yabram tatatwisa,

Isikiel 13:14

Bara baha kutbanka man nani mita pihni daukram ba batakamna; tasba kat yakabamna, bara playka tara nani ba param sakan kabia. Âu, tnaya kutbanka ba mâyara bal iwbia, bara baha kriwanka nani tilara man nani pruma. Bamna yang Dawan sna ba man nani bâra kaikma.

Emus 9:1

Yang kaikri Dawan ba altar lamara bûi kan, bara witin bui yang ra ai wi kan: “Utla karnika alki playka ba kat pruks, bara dur nani ba bal kauhbia, ¡watla ba upla nani lal purara kriwi yakawbia! Bara ya bahara pruras swak takbia ba, sord ni ikamna, ban kra plapaia lukbia sin, kumi sin swak takbia apia.

Jasua 10:11

Amorreo nani ba Bet-horón ra plapi auya kan taim, Israel luhpia nani sîa plapi kan ba ra, Dawan ba witin nani purara ais klaswan baku yakaban, bara amorreo nani kau ailal pruan Israel luhpia nani sordka ra pruan ba wal.

Jasua 10:24

Jasua mawanra bri balan ba ra, witin bui Israel luhpia nani ba sut paiwan, bara win suldiar wihtka wal bâra kan nani ra: “Lamara was bara minam nani ba naha kingka nani nana ra mangks.” Bara witin nani baku daukan.

Jasua 11:12

Bara baku sin tawan wala nani sut sauhkan, kingka nani asla taki ai lâka nani daukata nani sin sut alkan, bara kingka nani sut ikan. Bara sut sauhki tikan, Dawan napakanka Moses bui win kata ba baku.

Jasua 11:8

Bara Dawan ba Israel luhpia nani mihta ra yan pura luaia, baku ban rausauhki pura lui Sidón bara Misrefot-maim tawanka tara ba kat wan, bara lalma tani Mispá twiya kat upla kumi sin raya swiras kata.