Abakuk 3:10 - DAWAN BÎLA AISKA

¹⁰ Il nani ba mai kaiki bara tatatwisa; lî nani ba kasbrika wina laiwisa; bara kabu tihuka tara ba ulbisa ai ripka tara nani saki lulki ba ra.

Abakuk 3:10 ပူးပေါင်းရင်းမြစ်များ

Nihimaya 9:11

Witin nani kaikan man kabu ba tar baikram ba, bara tasba lâwan bâk uplikam nani ba tapahki brih waram; sakuna witin nani nina bliki banhwi nani kan ba sut, kabu tihuka ra rungkram, walpa kumi lî tihuka ra lulkan dimwi ba baku.

Lawana Nani 104:32

Witin naha tasba ra kang kaikisa, bara tasba ba tatatwisa; ai mihta ni il nani ra kangbisa bara il nani ba kiasma takisa.

Lawana Nani 148:7

Dawan ra mayuns tasba ba wina, daiwan saura tara nani kabu ra ba, bara kabu tihuka tara nani ra ba sin.

Lawana Nani 18:15

Kabu tihuka ra diara nani bâra ba, param takan; tasba bapan playka nani param sakan kan, Dawan bui lawi dauki aisin bîla ba mita, ai wingka puhbra karna puhban ba mita.

Lawana Nani 65:13

Twi langni nani ba, sîp nani ailal ni banhwan sa, twi langni il bîla nani kata ba, plawar mâ baman pâwan sa, bara upla sut aiwani, winisa lilia ba mita.

Lawana Nani 66:6

Kabu ba tasba lâwan daukan, bara wan damika nani awala ba wapi luan; ¡bamna yawan bui Gâd ra lilia daukpi!

Lawana Nani 93:3

Man Dawan, awala nani ba tilrika bara ai ripka nani ba bukisa;

Aiseya 43:20

Daiwan wail kraskira nani unta ra ba yamni ai kulkbia, suksuk tara tnawira pâlras tara ba luhpia nani ba sin, kan upla iwras tasbaya ba wina lî aubra yâri bal takisa, tasba biarapara wina awala aubisa, yabrika upliki bâk sakri ba lî dakakaia.

Aiseya 55:12

“Man nani lilia pali baha wina taki wama, bara kupia kumi lâka wal, man nani tasbayam ra kli tawi balma. Il nani bara kiuhsi nani sin, man nani mamwanra lawana aiwanbia, bara twi ra dus nani ba sin sut ai mihta pruki lilia daukbia.

Jirimaya 4:24

Bara kli tawi il nani ra kaikri, bara baha nani sin tatatwi kan; il sirpi nani ba sin nikwi kan.

Miqueas 1:4

Witin ai mina nani munhtara, il tara nani sut slilwan kabia, blas pauta lakni lamara slilwi lap tiwi ba baku; lî aubra tara nani mita klaki daukan baku, il bîla langnika nani ba, wâl ra kwâkan kabia.

Nahum 1:5

Il tara ba, Dawan mawanra tatatwisa; il sirpi nani ai kainara ba sin mahka slilwisa. Witin ra kaikuya ba ra tasba aiska ba tatatwisa, tasba aiska bara bilara diara nani bâra ba sin.

Abakuk 3:6

Witin takaski bûi ba ra tasba ba nikwisa; witin nisan nani ra tawi kaiki ba ra tasba aiska ba sibrin tara wal tatatwisa; il almuk tara nani ba kauhisa, il nani unta tara ra blasi pali wina bâra kata ba, baha nani sut sin âpu takisa; sakuna Dawan yabalka ba lika ban kaia ra ban kabia.

Matiu 27:51

Baha sim piua ra, tempel kwalka paman kan ba lilak kalwan, pura wina munhta kat. Bara tasba ba nikban, walpa nani ba tar baiwan,

Matiu 8:24

Bamna pâsa tara kum krawan, rip nani ba sin ban duri bilara aimaki kan. Sakuna Jisas lika yapi kan.

Hibru Nani 11:29

Kasak lukan lâka mita Israel luhpia nani Kabu Pauni bâk luan, baha ba tasba lâwan kan baku; bara Idsip uplika nani sin baku daukaia munan ba ra, kwapi sut pruan.

Jasua 4:18

Prîs nani ba nan lî wina sauhka ra ai mina taiban ba ra, awala laya ba kli wal prak prawan, bara mahka lî ba auban pas kata ba baku.

Param Marikanka 16:12

Insal 6 ba ai kapka ba Éufrates awalka tara purara laikan. Awalka laya ba lâwan, king nani lalma wina aula ba yabalka kum klauhbaia dukiara.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.

Param Marikanka 6:14

Kasbrika purara lap tiwan wauhtaya kum karbi blaki ba baku, bara il nani ba sut, kî dakura nani ba sin ai pliska nani wina kitban kan.