Abakuk 2:9 - DAWAN BÎLA AISKA

⁹ ¡Man nani sarkam pali ai daukisa, wamtla ra implikan dukia nani wal banhki dauki brisma ba, baha dukia nani ba ni yukuwaikam brih pât nani aula ba wina swak takaia lukisma!

Abakuk 2:9 ပူးပေါင်းရင်းမြစ်များ

Lawana Nani 49:11

Ai nina ba ni ai tasbaya nani nina ba mâkan sakuna, raiti ba ai watla bâra ban kabia; bahara ban kaia ra bâra kabia.

Lawana Nani 52:7

“Man nani kaiks baha nani Dawan ra ai yukuwaika plikras nani ba; baha nani ai dukia kukan tara bri ba ra baman ai tâ baikisa, bara watawi lâka ra bawi banhwi ba.”

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Aiseya 5:8

¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Jirimaya 17:11

Kasak lâka dauki wina apia yuyakira taki uplika ba, daiwan tnawira kum tnawira wala âpan ba purara bawi luhpa baiki ba baku sa. Kau ai karnika aiska ban bri bara ai yuyaka nani ba sut lulki swibia bara tisku upla sinskas kum taki bâra kabia.

Jirimaya 22:23

Man nanara man wamtla ra âmyapah sma, yalam nani Líbano wina bri balan ba tilara, ¡sakuna pat pali pât wauhma latwan ba bal mai alkbia ba ra, luhpa baikanka latwanka ba!”

Jirimaya 49:16

Kupiam prautka mita kunin mai munan, upla ra sirang tara ikaia daukisma. Walpa tara nani untika ra dimisma, il nani bahna ra sin bâra sma. Yakal tara baku wamtla bahara mâki kama sin, baha wina mâyara mai batakamna. Yang, Dawan, kasak aisisna.

Jirimaya 51:13

Babilon, man, awala tara nani ailal lamara iwisma, diara ailal kuki brisma, ¡man kau raya kaia piuam ba danh takan!

Jirimaya 51:53

Babilon ba purara wih kasbrika purkara ulbia sin ai kan kahbaika pliska purara pali mangkaia dukiara, waihla nani ba blikamna witin nani ba sauhki tikaia. Yang, Dawan, kasak aisisna.”

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Abdías 1:4

Yakal tara pâli baku purara pali uli slilma nani tilara wamtla mâkma kra, sakuna baha wina yang mai batakamni.” Dawan ba kasak aisisa:

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.