Abakuk 2:6 - DAWAN BÎLA AISKA

⁶ Sakuna nisan wala nani ra pura lui taiban ba, witin nani pana lawaska kikbia, baha ra lawana ulbi aiwani: “¡Man sarkam pali ai daukisa, upla wala dukia kukanka nani dakbi bri yuyakira takisma ba! ¿Ahkia kat man baha uplika nani ra ban taibi muni dukia nani mihta wina dakbi brih kau ban traska dimi kaisma ki?”

Abakuk 2:6 ပူးပေါင်းရင်းမြစ်များ

Lawana Nani 94:3

¿Ahkia kat, Dawan, ahkia kat watawi dadaukra nani lilia bri kabia?

Sins Lâka 22:16

Ya ya umpira uplika ra taibi muni ba witin ai dukia kan manis briaia mata, apia kaka ya yuyakira diara yabi ba, baha uplika diara luha takbia.

Aiseya 10:13

Asiria kingka ba aisin: “Yang karniki ni baha sut daukri; yang sinskira sna, baha nani daukaia ba yang luki kaikri. Nisan nani tasbaya piarkika ba yang mita wala daukri, ai dukia kukanka nani ba sin dakbi briri, âu, yang waitna kum kupi karna, king nani bâra iwi kan ba bataki slingbi tikri.

Aiseya 44:20

Kasak pali sika, yamhpus piaia baku, lukanka bahki ni ai kupia ra kunin munan baha uplika nani sip swak takras kabia. Sip ai dahra wali luki kaikras, ai mihta ra alki ba diara bahki ba.

Aiseya 5:8

¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Jirimaya 17:11

Kasak lâka dauki wina apia yuyakira taki uplika ba, daiwan tnawira kum tnawira wala âpan ba purara bawi luhpa baiki ba baku sa. Kau ai karnika aiska ban bri bara ai yuyaka nani ba sut lulki swibia bara tisku upla sinskas kum taki bâra kabia.

Jirimaya 29:22

Juda uplika nani Babilon ra brih wan nani ba upla kum ra lahtubaia lukbia ba ra, naku wibia: Dawan bui man wal daukbia Sedequías Ahab ra daukan ba baku, baha nani sika Babilon kingka mita pauta ra angkan.

Jirimaya 50:13

Yang kupi baikamna bara upla kumi sin bâra swimna apia, upla bahara iwras pali tasbaya takbia. Upla nani bahak lui kabia ba tâ iwan tara taki kabia baku klala brin ba kaiki.

Isikiel 32:21

Tâ brabrira kau karnakira nani ba, prura kingka tasbaya ra Idsip uplika nani bribia ai aslika nani ba sin naku aisi: ‘¡Pat raiti ra iwi wan sa! ¡Kauhi prawisa gâdkas nani war ra pruan nani ba aikuki!’

Miqueas 2:4

Baha piua ra, upla nani bui man nani ra lawana ulbi aiwanan kabia, yahwi inanka baku. Mai wi banhbia: ‘Yawan na aiska pali wan sauhki tikan sa; Dawan bui wan tasbaya wankan kan ba, witin ai prapatika, wan mihta wina dakbi brin, upla kum sin bûi tâwan aisaras kan; bara alba wan bri uplika nani tilara wan tasbaya nani ba yui yan.’ ”

Abakuk 1:15

Caldea uplika nani ba, nisan wala purara karnika alki brisa, inska mamiskra nani, inska nani purara karnika alki bri ba baku; inska ba kabu ra kiulh ni, apia kaka ilis nani wal alkisa ningkara inska ba ai lamara sal kaikuya ba ra, asla sut lilia ni aibanhwisa.

Abakuk 2:12

¡Man nani sarkam pali ai daukisa, upla ikram tâlia ba purara watawika lâka ba ni tawankam tara nani paskisma ba!

Abakuk 2:13

Dawan ai karnika sut bri ba mita, wark karna takram nani ba sut bahki ra lakan kabia, warkkam nani daukram ba, pauta ami ba mita angki sauhki tikan kabia.

Kulki Kaikanka 23:18

Bara Balaam bahara aisaia bîla na aisin: “Balac, Sipor luhpia, aisisna na aman pali yang ra wals.

Kulki Kaikanka 23:7

Bara Balaam dahra aisaia bîla na aisin: “Lalma tasbaya ilka nani wina, Aram wina Moab kingka Balac mita ai brih balan. ‘Bal —ai win—, Israel luhpia nani ra lahtubanka yas, Jekob uplika nani ra sin wima ba aitani kabia sapa nu âpu sna.’

Luk 12:20

Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.