Abakuk 2:5 - DAWAN BÎLA AISKA

⁵ Upla prautkira aimayunra nani ba, sâp taki iwras, ai karnika alki briaia lâka ba pliki wataukisa, bri bara kau briaia sin lukisa; ban sakuna, baha karnika alki bri ba wina, witin silp pât ra dimisa. Raiti baku ai bîla kwâki banhwisa, raiti baku sip biara banhras. Baha mita witin nani nisan nani sut ba pura luaia pliki wataukisa.

Abakuk 2:5 ပူးပေါင်းရင်းမြစ်များ

2 King Nani 14:10

Edom ra pura luram ba kasak kulkisna, baha mita man kupiam ra lukisma man baman sma. Aitani pain, man baman sma baku luki bas; sakuna kanra yamni kabia man watla ra takaski bâra kama. ¿Dîa kan man un pâtkam plikisma bara Juda ra sin pât ra dingkaia lukisma?”

Lawana Nani 138:6

Dawan ba lika purara sa, ban sakuna bawikira uplika kat kaikisa; kuna pura luan dauki nani ra lika laih wina kaikisa.

Sins Lâka 20:1

Wain blaka ba mita trabil bukisa upla ra; laya tahpla dih bara bin tara bukisa; bara ya ya baha nani mita watawi ba, sinskira apia sa.

Sins Lâka 21:24

Praut lâka ra ai wîna tara puli uplika ba nina, “Lawaska Kakikra” mâkan sa, witin ai kupia baiki praut luki ai warkka dauki ba.

Sins Lâka 27:20

Prura ba, raiti ba bara upla gridika lâka ba, ban pali âuyapah takras sa.

Smasmalkra 5:10

Ya lalah ra latwan kaiki ba, piu bani ra kau want plikisa, bara ya diara kukan lihki ba, aima kumi sin lukras sa, witin aitani bri ba. Naha sut ba bahki baman sa,

Aiseya 14:6

witin ai kupia baiwanka wal upla nani ra klala yabi kan ba takaskras ban upla nani ba ra pruki kan, witin nani ai kupia baiwanka tara ni tawan nani ba taibi kan, ai kupia âpu nina bliki saura rausauhki kan.

Aiseya 16:6

Yawan kakaira sa Moab prautka lâka ba, ai prautka lâka ba tara pali sa, ai wîna tara kulkanka brisa, ai nakra prautka nani bara sin bahki sturi aisi ba.

Aiseya 2:17

Witin nani baman sa luki purara uli wan nani ba mâya pali kat batakan kabia. Baha yua ra Dawan mita, witin baman purara ba tânka marikbia,

Aiseya 21:5

Witin nani tibil ba pat bri sal mangkisa, diara maman dukia nani ba ni palkisa; bara pi, di banhwisa. ¡Kiaptin nani, man nani bus, war aiklabaika dukia kainam kahbaika ba lipni dauks!

Aiseya 5:14

Daiwan wail baku, raiti ba ai bîla ba kwâkbia, sip bîla banhbia apia. Tawan wihta nani ba sut langkbia. Witin nani prana bahara iwi wabia, ai tara pulanka ba bara ai prana mayunra lilia ba sin.

Aiseya 5:8

¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 50:29

“¡Pantamangka lalukra nani sut paiws, witin nani Babilon wal aiklabaia! ¡Tawan tara ba kir kutbi banhs, upla kumi sin plapi takaia apia! ¡Witin nani ra aibaps ai mana dîa briaia ba! ¡Witin nani dîa daukan ba baku witin ra dauks! Witin bui yang ra ai kulkras aisin, Dawan ra, Israel Gâdka holikira ba.

Jirimaya 51:39

Witin nani ra lapta mita ami kabia ba ra, diara diaia yabamna ba witin nani di bla takaia bara sinska ba tikaia. Baku witin nani yapbia ba kli bubia apia, kli sin kupia krawbia apia. Yang, Dawan, kasak aisisna.

Abakuk 1:15

Caldea uplika nani ba, nisan wala purara karnika alki brisa, inska mamiskra nani, inska nani purara karnika alki bri ba baku; inska ba kabu ra kiulh ni, apia kaka ilis nani wal alkisa ningkara inska ba ai lamara sal kaikuya ba ra, asla sut lilia ni aibanhwisa.

Abakuk 1:17

¿Caldea uplika nani ba baku ban yang nani ra, inska alkaika dukia nani ba ni ban wan alki kaia sa ki? ¿Upla nani ra umpira kaikras ban baku iki kaia sa ki?

Abakuk 2:4

Naha smalkanka bîla ulbi bris: Upla watawikira nani ba ai prautka lâka ra iwisa; sakuna kasakkira nani ba lika Gâd ra kasak luki ba mita raya kabia.”

1 Tesalonaika 4:11

Man nani trai kaiks bisniskam nani ba kat sâpkira ban dauki kaia, bara yang nani mai wîri ba baku, mihtam nani wal wark taki kaia.

Jems 4:6

Sakuna Gâd ai yamnika mita kau latwan wan kaikisa, kan Ulbanka ra naku wan wisa: “Gâd bui prautkira nani ba mapara buisa, sakuna bawikira nani ra lika ai yamnika ba ni hilp munisa.”