Abakuk 2:20 - DAWAN BÎLA AISKA

²⁰ Sakuna Dawan pali ba ai tempelka watla sunukira ra iwisa. ¡Bamna tasba aiska ba, witin ai mawanra sâp kabia!

Abakuk 2:20 ပူးပေါင်းရင်းမြစ်များ

Job 37:20

Yang lika wimna sin apia dîa aisaia brin ai dauki ba, baha wiaia tânka ba âpu ai daukbia wisna baku sa.

Lawana Nani 11:4

Dawan ai tempelka holikira ra bâra sa. Dawan, witin ai iwaika kasbrika purara bri ba, witin ai nakra nani aman param, kasak aihwaki kaikisa upla nani ra.

Lawana Nani 115:3

Yawan wan Gâdka ba kasbrika purara sa; witin mita ai brinka ba kat daukan.

Lawana Nani 46:10

“¡Man nani, yang mini ra bal kauhs! ¡Baku sin damra wals man nani, yang Dawan sna ba! ¡Yang sika nisan nani sut wihtka sna ba!”

Aiseya 41:1

“Man nani kabu un ra iwi uplika nani, sâp taki yang ra wals. Nisan nani aiklabaia dukia nani bri karnikam aiska ni, ridi taki banhs. Bali banhs bara kaisa wal aisi kaikaia naha tânka dukiara; kaisa asla taki sturi aisi kaikaia.

Aiseya 6:1

King Ozías pruan ba manka ra, yang Dawan ba kaikri king iwaika kum ra iwi kan laih purara, pranakira pali; tempel aiska ba ai prana ni banhwan kan.

Aiseya 66:1

Dawan aisisa: “Kasbrika pura ba, yang iwaiki watla bara tasba ba, yang mini nani kahbaika sa. ¿Anira sip sa utla kum mâki aikaia? ¿Anira sip sa ris briaia pliska kum dauki aikaia?

Aiseya 66:6

Tawan wina unsaban bîla baikra aula ba mita, tempel wina bîla baikra taki ba mita, Dawan wina bîla baikra nani taki ba mita ai waihla nani ra mana aibapi yabia.

Jona 2:4

Yang lukri man lamam wina ai saki ai lulkram; tempelkam holikira ba kli kaikamna apia wîri.

Jona 2:7

Daira walri bara pat prui kapri ba ra, Dawan, man ra kupi tanh krawan; bara puri sunra ba man kat ulan, tempelkam watla holikira ba kat.

Miqueas 1:2

Upla nani sut, naha bîla na man nani aman pali wals: Dawan ai tempelka watla sunukira ba wina, man nani mampara witnis aisabia.

Abakuk 3:1

Naha sika prapit Abakuk ai pura sunanka ba.

Sofonías 1:7

¡Man nani, Dawan mawanra sâp bas, kan Dawan yua pat aula sa bamna! ¡Dawan ba sakripais kum daukaia pat ridi pali sa, bara paiwan uplika nani ba sin, Dawan lamara ridi daukan sa!

Sakaraya 2:13

¡Yarka upla nani sut Dawan mawanra sâp pali kabia, kan witin iwi yaba watla holikira ba wina yawan ra aula sa!