Abakuk 2:19 - DAWAN BÎLA AISKA

¹⁹ Man nani sarkam pali ai daukisa, dus ni lilka kum paskan ba ra wisma: “¡Rawi bus!” Walpa kum sip aisaras ba ra sin wisma: “¡Mahka bus!” ¿Bara lilka nani ba sip kabia ki pana diara kum wan aisaia? ¡Apia, kan ai rayaka pali ba âpu sa mita, ban sakuna gul bara silbar ni lalauban kabia kra!

Abakuk 2:19 ပူးပေါင်းရင်းမြစ်များ

Lawana Nani 135:15

Lukras aidulka nani ba, gul bara silbar sa; upla ai mihta nani ni paskan dukia sa.

Lawana Nani 135:17

kiama nani brisa, kuna sip walras; rayaka sin âpu.

Lawana Nani 97:7

Gâd bahki ra mayuni nani ba sut witin ra bawbia, witin nani baman sa luki banhwi ba sut. ¡Gâd bahki nani sut ba, witin mawanra bawbia!

Aiseya 26:14

Witin nani ba pruan sa, kli sin rawbia apia; witin nani ba rayaka âpu, kli raiti wina bubia apia; man bui witin nani ra klala yaram, witin nani ra lukaia lukra nani ba sin sut man mita sauhkram;

Aiseya 40:19

Diara wina karbi lilka papaskra nani ba, diara lilka daukisa bras wina, bara gul ni lalaubisa, silbar ba slilki diara awa lipni nani ba paskisa.

Aiseya 41:26

¿Ya mita naha sturka na maisa pakan tâ pali wina, bara yawan tânka briaia kan? ¿Ya mita pat dahra aisin, bara yang nani witin ra raitka yabamna? Man nani kumi sin baha takaia sturka ba aisaras kapram, upla kumi sin bîla kumi pan aisaras kan.

Aiseya 44:17

Bara tâka kau swin ba wina gâd bahki lilka kum daukisa, baha mawanra bawisa, bara mayunisa bara witin ra ai pura suni wisa: “¡Pri ai sâks, kan man sika yang gâdki!”

Aiseya 46:6

Upla nani tila bâra sa ai pakitka wina gul ailal saki ba bara silbar paun ra mangki kaiki ba; ningkara ai mihta ni diara papaskra kum ra yan gâd bahki kum paskaia, witin ra ai lula kriki bara mayunaia.

Aiseya 57:6

“Israel, walpa lalalni painkira nani ba ra puram sunaia wilin sma, bahara man hilpkam kulkisma. Baha nani ra wain diaia sakripaiska ba laikram, bara prisantkam nani sin yaram. ¿Baha sut daukram bara man wal âiyapah kamna ki?

Jirimaya 10:14

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Jirimaya 10:3

Baha uplika nani mayuni gâdka ba bahki pali sa. Dus nani pâwi ba tila wina dus kum klakisa; bara dus wina diara papaskra ba bal lilka kum karbi paskisa,

Jirimaya 10:4

baha ningkara silbar bara gul ni lalaubisa, bara wal praki silak brih amar ni sabi yan alkisa kahbia apia dukiara.

Jirimaya 10:9

Aidulka nani silbarka ba Tarsis wina bri balan, gulka nani ba sin Ufaz wina bri balan; diara lilka karbi slilki dauki paski uplika nani paskan ba bara kwala balianta pauni ni prâka sipisa, baha sut ba âuya mâira diara paski uplika nani ba paskan.

Jirimaya 2:27

man nani dus kum pâwi ba ra wisma: ‘Man ba yang aisiki’, walpa kum ra sin baku wisma: ‘Man ba yang yaptiki’. Bara yang tani ra lika, ninam lakram, mamwan lika apia. Ban sakuna, pât kum aula ba ra lika man nani ai wisma: ‘¡Bal ai swaki ai sâks!’

Jirimaya 2:28

Juda, ¿gâdkam nani paskram kata ba anira sa? ¡Gâd nani ailal brisma tawan nani ailal ba baku! ¡Nanara witin nani bal kaikbia, swaki mai sakaia sip sa sapa pât saura nani ba bal mai alkbia ba ra!

Jirimaya 51:17

Upla sut ba sinskas baha tânka nani ba briaia brin daukras sa. Aidul nani ba mita baha papaskra nani ba ra kunin munisa: baha nani rayaka âpu kunin wan muni ba lilka nani sika;

Jirimaya 51:47

Baku bamna, yua ba balbia ba ra Babilon aidulka nani ba klala yabamna. Kuntrika aiska ba mâyara batakamna, upla pruan nani baman ni praki swin kabia.

Daniel 3:1

King Nabucodonosor win gul ni lilka kumi daukan, yarika 90 pît bîla yahpika ba 9 pît, bara adar yaban, baha ba Dura langnika ra swin kabia Babilon tasbaya ra.

Daniel 3:18

Ban kra baha daukras kabia kra, sakuna man naha na pain tânka bri bas, yang nani lika gâdkam nani ra baha lilka man daukram ba ra sin bawi mayuni banhwamna apia.

Daniel 3:29

Bamna nanara adar maikisna ya naha wahma nani Gâdka mapara saura aisabia ba, klaki pîs ra baman daukamni, ai watla nani ba lika slingbi yakaban kabia, ani tawanka uplika kabia, bîla ani nisanka kra kabia, twisa sât wala aisi ba kabia kra, gâd wala âpu sa baku swaki sakaia.”

Daniel 3:7

Baku bamna, bahara upla nani asla takan kan ba puhbaia dukia sât sât miusik binka ba walbia, bara upla sut pali ai lula kriki baha gul ni lilka daukan ba ra ai pura suni mayuni banhwan.

Daniel 5:23

Kau ni mapara sma, man king, Gâd Laih Purara iwi ba lawaska kikram sa, tibilkam ra brih balbia paiwram baha kapka sirpi nani bara tara nani Dawan watla ra bri kan ba; bara paiwram uplika nani wal bahara wain laiki dih banhram dawankam nani ra mayunra yaram baha nani gul, silbar, bras, ayan, dus bara walpa ni paskan ba, baha gâd nani sip kaikras, sip walras, bara diara sin tânka briras pali ba. Man mayunras kapram, baha Gâd mihta ra rayakam ba bâra sa, witin mihta ra sa man yabalkam nani sut ba sin.

Daniel 5:4

Sut ba wain dih ai aidul nani ra mayuni banhwan, baha dawanka nani ba paski daukan kan gul, silbar, bras, ayan, dus bara walpa wal.

Jona 1:5

Bara duri waki nani ba sut sibrin pali takan, kumi bani ai gâdka ra ai pura sunan. Bara diara nani ba sut kabu ra lulkan duri ba ingni daukaia. Witin nani baha dauki kan ba ra diara auhban ba tilara Jona lika bahara ai âuyapah pali yapi kan sakan.

Apastil Nani Sturka 17:29

Gâd taika nani sa kaka, ¿dîa kan yawan lukaia Gâd ba gul, silbar kra, walpa ni upla ai mihta ni paskan lilka baku kulkaia?

Param Marikanka 17:4

Mairka na kwala balianta talia bara pauni sin dimi kan, gul ni, walpa painkira nani bara walpa manakira nani ni sin aiskahkan kan. Ai mihta ra gul kapka kum bri kan diara tâski baman banhki, ai rugka lâka dukia saura sin banhki.