Abakuk 2:16 - DAWAN BÎLA AISKA

¹⁶ Baha daukram ba tâka mita, yamni mai kulkan kan lâka ba swiram mai daukaia lâka ra tawbia, bamna Dawan ai kupia baiwanka kapka ba maikka dima; bara mamrikbia man kupiam ra Dawan lâka âpu sma ba, pramna maikan kan ba mai kulkanka âpu lâka ra tawbia.

Abakuk 2:16 ပူးပေါင်းရင်းမြစ်များ

Lawana Nani 75:8

Dawan ai lawanka tara kapka ba ai mihta ra brisa, wain miks munan piawi ba. Baha wainka ba tasba ra laikbia ba ra, watawi dadaukra nani sut tasba ra iwi ba baha laya tahwi ba sut pali dibia.

Sins Lâka 3:35

Sinskira nani lika kulkanka lâka ba ai dukia bribia, sakuna taniskira nani ba ai swira tara lâka baman ai pura lui tawbia.

Aiseya 20:4

Asiria mita, Idsip uplika nani ba priski brih wabia, baku sin Etiopía wina kangbi sakan nani ba; wahma nani, almuk nani, kwala luha, ai mina man, tnata pura bikras, Idsip uplika nani ba swira daukaia dukiara.

Aiseya 47:3

yabrika wînam ba kwala luha kaprika mai kaikbia, âu, dîa susu pali kama, kan pana mana aibapaia daukamni bara upla kumi sin ai takaskbia apia.”

Aiseya 49:26

Mai tataibra nani ra taibi munamna ai wîna ba piaia, ai tâlia ba sin wain baku di bla takaia. Baku upla sut tânka bribia yang, Dawan, yang bui man mai swaki mai sasakra sna ba; yang, karnakira ba Jekob wina, yang sika man pri mai sasakra.”

Jirimaya 25:15

Dawan, Israel Gâdka ba, yang ra ai win: “Naha kapka na kaiks kupi baiwanka wainka banhki na. Man bris bara nisan nani sut ra yas diaia, witin nani diaia blikisna.

Jirimaya 25:17

Dawan mihta wina kapka ba yang briri, bara baha nisanka ra waia Dawan ai blikan ba baha nani sut ra yabri diaia.

Jirimaya 51:57

King, Dawan karnika sut bri ba, kasak aisisa: “Babilon wihta nani ba yarka bla takbia, sinskira nani bâra ba, wihta tara nani ba, suldiar wihtka nani ba, suldiarka nani ba sin. Baku witin nani yapbia ba kli bubia apia bara kli sin kupia krawbia apia.

Jirimaya 51:7

Babilon ba yang mihti ra gul kapka kum baku kan, tasba aiska ba baha wina yan di bla taki kan. Nisan nani baha wainka ba di sinska tiwi kan.

Inanka Nani 4:21

¡Edom nisanka nani, kiki bas; Us tasbaya ra man king aimakisma ba! ¡Dîa tahpla diaia ba man ra sin balbia, bara man bla taki kwala luha takma!

Isikiel 23:33

batakan bara sauhki tikan lâka ailal. Baha sika muihkam Sameria kapka ba, baha wal bla taki latwan wahwi kama.

Oseas 4:7

“Prîs nani kau ailal takan ba ra, saurka lâka sin kau ailal maipara daukan; baha mita witin nani ra yamni kulkaia lâka ba, swira daukaia lâka ra lakamna.

Oseas 7:5

Yawan wan kingka kraunka mangkaia yua ra, wihta nani mita, king ra wain dakaki baha laptika mita, yan ban siknis takan. ¡Bara king ai lawaska kiki nani ba purara, witin ai mihta sakban!

Abakuk 2:10

Baha daukram ba tâka mita, swiram mai daukaia ba wamtla bilara bri balram, mai sauhki mai tikaia lâka ba man daukram, nisan nani sauhki tikram ba mita.

Abakuk 2:15

¡Man nani sarkam pali ai daukisa, uplikam nani ra diara dauki dakakisma ba; bla saura takbia dukiara, wain wal abalki dakakram baha dih, bla taki ba, baku dauki munrika susu takbia bara ai wîna ba kaikaia dukiara!

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

Param Marikanka 18:6

Upla wala nani ra dîa yaban ba baku, witin ra sin yas, bara dîa daukan ba mana wâl prais aibaps. Ai kapka upla wala nani ra diaia dukia abalki yan ba, witin ra aima wâl prais kau karna abalki yas.