Abakuk 2:14 - DAWAN BÎLA AISKA

¹⁴ Bâra mika Dawan prana tânka kaikaia sinska lâka ba tasba aiska ra banhwan kabia, kabu ra lî aibanhwan ba baku.

Abakuk 2:14 ပူးပေါင်းရင်းမြစ်များ

Lawana Nani 22:27

Nisan kiamka sât nani sut, upla nani sut tasba aiska ra iwisma ba, man nani bui Dawan ra kupiam krauki bas, man nani lika witin ra bal; ¡ai mawanra lulam kriks!

Lawana Nani 72:19

yamni pali win kabia ai nina pranakira ba. ¡Tasba aiska ba prana ni banhbia! ¡Baku kabia!

Lawana Nani 86:9

Man Dawan, man bui sika nisan nani sut asla paskram ba, bara witin nani ba balbia, man ninam mayunaia.

Aiseya 11:9

Yang ilki holikira aiska ra saura munbia apia, sauhki sin tikbia apia; tasba ba Dawan tânka kaikaia lâka ni banhwan kabia, kabu pura aiska lî nani praki brin ba baku.

Aiseya 33:6

witin mita kaina kaiki ban kabia. Sins lâka ba bara diara tânka kaikaia tânka ba sin diara kukanka bara swaki wan sakisa; Dawan sibrinka lâka ba wan dukia kukanka kum sa.

Aiseya 40:5

Bara Dawan prana ba param takbia, bara baku upla bani asla aikuki witin ba kaikbia; Dawan witin mita baku takaia aisin ba.”

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Isikiel 47:5

Kli 560 yar wala kulkan bara laya ba awala takan sip luras katna; laya ba tihu pali takan bamna, yawi lika luaia sip kan.

Miqueas 2:9

Mairin nani ai watla latwan kaiki ba wina, man nani mita kangbi sakisa; ai luhpia nani ra yukuki swisa ban kaia ra, yamni kulkanka nani yabri ba wina.

Abakuk 2:15

¡Man nani sarkam pali ai daukisa, uplikam nani ra diara dauki dakakisma ba; bla saura takbia dukiara, wain wal abalki dakakram baha dih, bla taki ba, baku dauki munrika susu takbia bara ai wîna ba kaikaia dukiara!

Abakuk 3:3

Gâd Edom tasbaya ba wina taki aula, Parán ilka nani wina Dawan holikira ba aula, witin ai prana ingnika ba mita kasbrika mawan ba banhwisa, tasba aiska ba sin witin mayunra ni aibanhwan.

Sofonías 3:9

“Baha yua ba balbia ba ra, upla nani ba kasakka tânka bîla nani baman aisaia daukamni, bara upla sut yang ra ai pura sunbia, upla sut kumi baku warkki daukbia.

Kulki Kaikanka 14:21

Ban sakuna, kasak pali sa, yang raya sna ba mita praina ba tasba aiska ra banhwan kabia.

Param Marikanka 11:15

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”