Abakuk 1:9 - DAWAN BÎLA AISKA

⁹ Ai mina ra diara sut ba sauhki lui auya; upla nani ra sibrin saura dingki ai tâura auya, upla nani priski silak ra brih auya ba, kabu un ra auhya nani ba wal kau ailal pali sa.

Abakuk 1:9 ပူးပေါင်းရင်းမြစ်များ

Blasi Sturka 41:49

Josep plawar mâ nani wahbi kukan ba lika, kabu un ra auhya nani ailalka ba baku prais kan. Ailal pali kan ba mita, sip kulki sakras bara kulki banhwi kan ba mahka takaskan, numbika witin nani sip kulki alkras kan bamna.

2 King Nani 12:17

Baha piua ra Hazael, Siria kingka ba, Gat mapara bal aiklaban bara pura luan, bara ningkara Hazael ba Jerusalem mapara sin wih aiklaban.

Job 29:18

Yang luki kapri: “Yang yui nani ba lika auhya mâ ba baku kabia, almuk pali taki bara waitla bîla kat pruamna.

Lawana Nani 139:18

Yang baha nani ba kulkamna kaka, âuya mâ nani wal kanra ailal kabia; ban kra kulki tnata alkuna sa kaka, man lika ban yang wal sma.

Aiseya 27:8

Gâd uplika nani ra klala yaban tasbaya wina saki tasba wala ra blikan witin ai wingka puhbra ni sirang saura ikan, lalma pâsa karna krawi ba baku.

Jirimaya 15:8

Kabu un ra auhya ailalka ba wal man nani tilamra kau piarka nani ailal swiri. Yu wan lal kat prura ba blikri yaptika nani luhpia waitna nani bara tiara nani purara; bîla kaikras pali kan pât tara sibrin tara ba pât blikri.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 4:11

Baha yua aimakbia ba ra, naha uplika nani Jerusalem uplika nani ra wibia: “Upla iwras tasbaya wina pâsa lapta krawi yang upliki nani purara aula, plawar mâ taya puhbi sakaia payaska krawi ba baku apia;

Jirimaya 4:7

Layan ba ai watla wina pat takan, nisan nani sauhki tiki ba pat yabal ra aula; ai tasbaya wina taki aula man kuntrikam ba sauhki tikaia, tawanka tara nani ba slingbi, pura paski bîla man swiaia.

Isikiel 17:10

Kli mangkbia sin slaunhka takbia apia; lalma payaska alkbia bara lâwbia; slaunhka takaia pliska ra lâwbia.’ ”

Isikiel 19:12

Kuna kupia baiwan wal daikan bara tasba ra batakan. Lalma payaska ba bui lâkan wainka mâ nani ba sut kauhan; bara tnawa karna nani ba lâwan, bara pauta klauhan ra lulkan.

Daniel 11:17

Baha purkara, ridi taki buan kabia muna tani tasbaya aiska dakbi briaia, baha wal aisi kupia kumi taki ai luhpia mairin baha kingka wal maya baikan kabia, kingka tasbaya ba sauhki tikaia lukanka brih, sakuna baha lukanka ba bahki ra tawbia.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Oseas 13:15

Ban kra Israel, twi baku tangnika baiwi kabia sin, lalma payaska ba krawbia, pâsa karna upla iwras tasbaya wina krawi, bara lâkbia laya kârma nani ba, laya aubi nani ba sin lâwbia. Waihla ba bal, mana tara dukia nani kuki bri ba, sut brih wabia.

Abakuk 1:17

¿Caldea uplika nani ba baku ban yang nani ra, inska alkaika dukia nani ba ni ban wan alki kaia sa ki? ¿Upla nani ra umpira kaikras ban baku iki kaia sa ki?

Abakuk 1:6

Bamna kaiks, yang Caldea uplika nani ba war aiklabaia karnika yabamna, witin nani lika upla saura sa, bara piua bani ridi sa kuntri kumi wina kuntri wala kat waia, bara iwras wapi ban kaia, upla wala nani tasbaya ai dukia apia ba dakbi briaia wisi.

Roman 9:27

Sakuna Israel luhpia nani dukiara Aiseya naku win: “Israel luhpia nani ba lika sim kabu auhika baku kabia kra, sakuna baha ba wina wiria baman swaki sakan kabia,

Wihta Nani 7:12

Madián uplika nani, Amalec uplika nani bara lalma tasbaya uplika nani ba sut il bîla langnika ba ra tristrisia ailalka yakawi ba baku bâra kan. Kiamil nani sin ailal pali bri kan, kabu un ra auhya mâ ailalka ba baku.