Abakuk 1:4 - DAWAN BÎLA AISKA

⁴ Lâ ba kat daukras sa, wapni lâka ba ai mina ni taibisa, watawikira nani ba, kasakkira nani ba nina blikisa kasakka lâka ba warbi sauhkisa.

Abakuk 1:4 ပူးပေါင်းရင်းမြစ်များ

1 King Nani 21:13

Bara kunin aisasara wâl balan, bara witin mawanra iwan, bara baha waitna kuninkira wâl ba, Nabot mapara kunin aisi upla nani ra win Nabot lika Gâd mapara bara king mapara sin saura aisin. Bamna tawan ba wina latara saki bri si walpa ni sabi ikan.

Job 21:7

¿Dîa muni upla saura nani ba kau ban raya sa ki, bara almuk takisa ai karnika uya pali ba wal?

Lawana Nani 11:3

Mununhta playka nani ba sut aisawbia ba ra, ¿upla kasakkira ba nahki daukaia sa?”

Lawana Nani 119:126

Dawan, pat piua aimakan sa diara kum daukaia, kan witin nani man lâmka ba wali daukras bamna.

Lawana Nani 22:12

Bîp wainhka ailal, Basán wina tnaya kir sa; waihli nani bîpka wainhka prautkira nani ai prihban sa;

Lawana Nani 22:16

Watawikira nani dakni tara kum, yul nani baku kir kutbi ai brisa, yang mihti bara mini sin witin nani kraukan sa.

Lawana Nani 59:2

Saura dadaukra nani ba wina dakbi ai sâks, swaki ai sâks upla âikra nani ba wina;

Lawana Nani 59:4

Dawan, yang mampara buras, baku sin saurka lâka daukras kapri; bara sin yang saura daukras, ban sakuna maipara aiklabi ai ikaisa. ¡Rawi bus! Yang ra bal ai kaiks.

Lawana Nani 94:3

¿Ahkia kat, Dawan, ahkia kat watawi dadaukra nani lilia bri kabia?

Impakan Sturka 23:2

“Upla ailal pali witin ai saurka dauki auya ba nina blîkpara. “Witin nani diara warha daukaia dukiara lâ mapara aisi nani wal ba lâka ra tniwpara;

Impakan Sturka 23:6

“Upla umpira kum lâ mawanra lâ dimisa kaka, ai lâka wapni dauki yaia ba âmya tikpara.

Aiseya 5:20

¡Man nani ra saura kabia, diara saura ra yamni wisma ba, bara yamni ra saura wisma ba; ingni ba tihmia tara daukisma, bara tihmia tara ba ingni daukisma; tahpla ba damni daukisma, bara damni ba tahpla daukisma!

Aiseya 59:12

Yang nani mampara buri diara ailal saura dauki; bara baha saurka nani ba maipara witnis sa; kan yang nani watawiki lâka nani ba yang nani wal sa, bara yang nani sin saurki nani ba kaikisna.

Jirimaya 12:1

Dawan, yang na man wal aisi blahwamna kaka, man piu bani aisisma ba sut ba rait baman sa; ban sakuna, yang diara mamkabi walaia brin ai daukisa diara kum kum ra tânka bâra sa. ¿Dîa muni watawikira nani dauki ba sut yamni man taki ba? ¿Dîa muni upla âiatkra nani ai âuyapah iwi ba?

Jirimaya 12:6

Muihkam nani pali sin, tamya nani pali ba sin, witin nani mai atkan, man ninamra saura aisi wini banhwisa. Man lika witin nani ra kasak lukpara, bîla pain nani witin nani man ra aisabia sin.

Jirimaya 26:8

Witin aisaia Dawan mita win ba witin sut aisin ba ra, prîs nani, prapit nani, upla wala nani bal Jirimaya ra prak alki bara win: “¡Man lika pruaia!

Jirimaya 8:7

Suki kasbrika ra pâli ba sin ai dara walisa ahkia kli tawi balaia. Butku, plipli, yami sin, witin nani nu sa ahkia plis wala ra waia. Sakuna man, yang upliki nani lika yang lâika nani ba kakaira apia sma.

Isikiel 9:9

Dawan ba pana yang ra ai win: “Israel bara Juda uplika nani saurka ba tara pali sa. Kuntrika ba upla ikan lâka ni banhwan sa; bara tawan ba tanis lâka ni banhki takan sa; witin nani lukisa yang kuntrika ba lulki swiri bara yang ba kaikras sna witin nani dîa dauki ba.

Oseas 10:4

Aisin, bara aisi baman sa, kunin baman pramis takisa bara wal lâ dauki nani ba, ulbi baman swisa; ai kasakka lâka ba inma puisinkira lainka ra mangkan wapni pâwi ba baku sa.”

Emus 5:12

Yang kakaira sna, man watawankam nani ailal, bara saurkam ban dauki auma ba. Upla kasak nani ra taibi munisma kunin lâka ba brih, bara lâ daukaia pliska ra umpira nani ra raitka yaras munisma.

Emus 5:7

¡Alai kama man nani lâ wapni ba, tahpla pali daukisma, bara kasakka lâka daukaia ba tasba kat batakisma!

Mark 7:9

Baku sin win: —Man nani lâmka nina bliki, Gâd lâka ba tnaya ra ni swisma.

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

Apastil Nani Sturka 7:59

Witin nani mita walpa ni sabi kan ba ra, Stiben ai pura suni, win: “Dawan Jisas, yang spiritki na man mihtam ra bris.”

Roman 3:31

Bamna, ¿naha kasak lukanka lâka na mita yawan lâ ba bahki sakisa ki? ¡Sip apia pali! Sakuna, yawan mita lâ ba kau karna sakisa.

Kli Smalkanka 16:19

Upla nani mawanka luki kulkpara; upla kum kum wihki wala nani wal sât aihka kulkpara, bara yarka sturi bahki ni kupiam alkbiara, kan sturi bahki aisi ba sinskira nani nakra prakisa bara sturi kasak aisi uplika nani aisinka ra sin sauhkisa.