Abakuk 1:3 - DAWAN BÎLA AISKA

³ ¿Dîa kan man sari lâka bara watawika lâka nani ba sin marikisma ki? Lâ krikanka nani bara sauhki tikaia lâka nani ba kutbi kir ai brisa; tnaiya bani ra unsaban lâka bara aiklaban nani man kir sa.

Abakuk 1:3 ပူးပေါင်းရင်းမြစ်များ

Smasmalkra 4:1

Ningkara yang lukanki ba, naha tasba ra taiban lâka nani dauki ba ra aman pali mangkri, bara kaikri taiban lâka mununhtara nani ba, inisa, kuna upla kumi sin âpu baha maisa nihkaia; bara tataibra nani ba bui kau pali karna munisa kuna maisa nanihkra nani lika âpu.

Smasmalkra 5:8

Aihka lukpara, kuntri kum mita umpira nani ra taibi brisa kaka; bara karna lâka munisa, kasak lâka bara raitka lâka ra sin; kan war tâ uplika kum, wala kau tara ba mita pura prakisa, bara kau purara tâ aimaki ba mita wâlsut ra pura prakisa.

Aiseya 46:12

Kupia karnira nani, yang ra wals, dîa lukisma, dîa swak takan lâka ba laih pali ra sa:

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Jirimaya 15:10

¡Yaptiki, yang sari pali ai daukisa man tasba ra ai bri balram ba tasba aiska ra upla aikuki unsabaia bara aiklabaia baman! Upla kumi ra sin yang lalah lin munras, witin nani sin lin ai munras, ban sakuna witin nani sut ba mita laihtubisa.

Jirimaya 20:18

¿Dîa muni plauya ba wina bal takri latwan swira lâka briaia baman, bara baku rayaki ba swira lâka ni pura bikan ba baku bâra ban pruaia?

Jirimaya 20:8

Aisisma ba sika piua bani aisisna bara lâ krikanka nani bara sauhkaia sturka baman sa; piu sut maipara saura aisisa bara laiwaska sin kikisa man aisisma bîla ba yang aisisna ba mita.

Isikiel 2:6

Upla luhpia, man, witin nani ra, bara dîa mai aisi ba ra sin si bripara, rahra nani kainam kir mai kutbi nani bri baku damra wali kama sin, apia kaka misri tilara iwisma baku kama sin. Sakuna si bripara witin nani mamwan kat aisi bara sirang mai iki, kasak maipara babura pali kabia sin.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

2 Pita 2:8

Naha waitna kasakkira witin nani tilara iwi kan ba, yu bani ai kupia painkira ra sari bri kan, saura dadaukra nani ai mawan kat saura daukan kaikuya bara walisa piua ra.